الموضوع: بتتعلم سواقة جديد و عاوز تسأل على أي حاجة؟ اتفضل إسأل و انا هجاوبك

آسف جدا للناس اللي إستفسرت عن حاجات و مردتش عليها و الله مكنتش بدخل على التوبيك دا خالص و إفتكرته خلاص إتنسى و محدش بيدخل عليه
بالنسبة للأستاذ اللي بيقول الثقة الزائدة بالنفس خطأ، فعلا حضرتك عندك حق بس انا حبيت أساعد الناس اللي بتتعلم جديد عشان أنا عديت على المرحلة دي قريب و أساعدهم يجتازوا الفترة دي و نيتي إني أخدم الناس باللي أقدر عليه و أرد جزء من جمايل المنتدى دا عليا لأني فعلا استفدت منه كتير
و أهو كلنا بنتعلم من بعض و ا ش ا اساعد الناس على قد ما اقدر والله من وراء القصد

المشاركة الأصلية كتبت بواسطة zarif

والله يا دكتور احمد حضرتك فتحت شهيتى للاسئلة
رغم انى بسوق من عوشرميت سنة
بس نجرب

1- بتعمل اية فى الزاوية الميتة يمين وشمال
2- بتعمل اية لما تكون ماشى فى طريق فردة واحدة (رايح جاى) بالليل وكل اللى مقابلك رافع العالى
3- بتعمل اية لو قابلتك حفرة متوسطة وانت ماشى فوق 100ك/س
4- ايها اكثر خطرا اثناء القيادة الشبورة ام المطر
5- بتعمل اية لو فردة كاوتش خلفية ضربت وانت ماشى فوق 100ك/س
6- تعمل اية لو الزجاج الامامى اصيب بسرطان فجأة وانهار وانت فوق 100 ك/س
7- ممكن تصنف اكثر السيارات خطرا واقلها خطرا اثناء المرور من جانبها على سرعة فوق 100ك/س (نقل تقيل -ميكروباص - دبابة - ملاكى -سيارة تقودها امرأة)
8- بتعمل اية لو فردة كاوتش امامية ضربت وانت على سرعة فوق 100 ك/س
9- بتعمل اية لو واحد كسر عليك بدون قصد ولقين نفسك هتلبس فى الحاجز الخرسانى اللى فى نص الطريق وورا منك علطول صف عربيات
10- واخيرا اية نوع العدة اللى معاك اللى تسمح لك ان تقوم بالاسعافات الاولية الصغيرة لسيارتك لو انت على سفر

وكفاية لحد كدة
وارجوا ان تكون الردود من واقع خبرتك فى القيادة وليس من البحث فى النت

وتقبل مشاركتى بصدر رحب

نورت يا باشا الموضوع و قبل ما اجاوبك على اسئلتك
انا والله مش بفرد عضلاتي و بقول إن انا سواق و محدش زيي و كدا
انا بس بعرض خدماتي المتواضعة (المتواضعة جدا) على الناس و حبيت اساعد الناس اللي لسة بيتعلموا سواقة جديد
و اساعدهم يجتازوا فترة الرهبة اللي بتبقى ف بداية التعلم
هجاوب على كل سؤال من أسئلة حضرتك ف كومنت منفصل من خلاص تجاربي المتواضعة جدا
انا مش خبير بس حابب اساعد بس

1....الزاوية الميتة... انا هقول لحضرتك انا بتعامل معاها ازاي بس طبعا دا مش حل ليها ب نسبة 100% و إلا مكانوش سموها الزاوية الميتة
المرايات الجانبية عندي بظبطها بحيث إني أكون شايف آخر عربيتي بس دا طبعا مش حل سحري لأن في جزء طبعا ميت و مستحيل تشوفه مهما حصل

2...لو ماشي ف طريق فردة واحدةو كل اللي جي ف وشك مشغل النور العالي.. هقلب نور و هشغل النور المتوسط و أقفله و هكذا عشان يقفل النور العالي، مفيش حل غير كدا و كل واحد و ذوقه بقى لو عنده دم هيقفل النور العالي اصل مينفعش تعمل أكتر من كدا مفيش حاجة تاني ممكن تعملها!! و ياريت حضرتك تحاول تهدي سرعتك تحسبا لأي حاجة ممكن تتطلب منك تهدي السرعة لأنك مش هتبقى كاشف الطريق كويس بس برضو متهديش جامد عشان متدايقش اللي جي وراك يعني تهدي سرعتك على قد ما تقدر لحد ما تعدي من الناس اللي جاية منورة العالي ف وشك

3... لو قابلتني حفرة متوسطة و انا فوق ال 100 هحاول أوسطن الحفرة و أعدي من الحفرة بسلام

4... ﺍﻳﻬﺎ ﺍﻛﺜﺮ ﺧﻄﺮﺍ ﺍﺛﻨﺎﺀ ﺍﻟﻘﻴﺎﺩﺓ ﺍﻟﺸﺒﻮﺭﺓ ﺍﻡ ﺍﻟﻤﻄﺮ.. بصراحة معرفش
-5 ﺑﺘﻌﻤﻞ ﺍﻳﺔ ﻟﻮ ﻓﺮﺩﺓ ﻛﺎﻭﺗﺶ ﺧﻠﻔﻴﺔ ﺿﺮﺑﺖ ﻭﺍﻧﺖ ﻣﺎﺷﻰ ﻓﻮﻕ
100ﻙ / ﺱ... معرفش هتصرف ازاي
-6 ﺗﻌﻤﻞ ﺍﻳﺔ ﻟﻮ ﺍﻟﺰﺟﺎﺝ ﺍﻻﻣﺎﻣﻰ ﺍﺻﻴﺐ ﺑﺴﺮﻃﺎﻥ ﻓﺠﺄﺓ ﻭﺍﻧﻬﺎﺭ ﻭﺍﻧﺖ
ﻓﻮﻕ 100 ﻙ / ﺱ... لو حصل كدا هطلع راسي بسرعة من الشباك لحد ما الإزاز يقع
-7 ﻣﻤﻜﻦ ﺗﺼﻨﻒ ﺍﻛﺜﺮ ﺍﻟﺴﻴﺎﺭﺍﺕ ﺧﻄﺮﺍ ﻭﺍﻗﻠﻬﺎ ﺧﻄﺮﺍ ﺍﺛﻨﺎﺀ ﺍﻟﻤﺮﻭﺭ ﻣﻦ ﺟﺎﻧﺒﻬﺎ ﻋﻠﻰ ﺳﺮﻋﺔ ﻓﻮﻕ 100 ﻙ /ﺱ ) ﻧﻘﻞ ﺗﻘﻴﻞ-ﻣﻴﻜﺮﻭﺑﺎﺹ -ﺩﺑﺎﺑﺔ - ﻣﻼﻛﻰ - ﺳﻴﺎﺭﺓ ﺗﻘﻮﺩﻫﺎ ﺍﻣﺮﺃﺓ... مش فاهم سؤال حضرتك..
8... ﺑﺘﻌﻤﻞ ﺍﻳﺔ ﻟﻮ ﻓﺮﺩﺓ ﻛﺎﻭﺗﺶ ﺍﻣﺎﻣﻴﺔ ﺿﺮﺑﺖ ﻭﺍﻧﺖ ﻋﻠﻰ ﺳﺮﻋﺔ
ﻓﻮﻕ 100 ﻙ / ﺱ... معرفش للأسف هتصرف ازاي مش عايز افتي :-d
-9 ﺑﺘﻌﻤﻞ ﺍﻳﺔ ﻟﻮ ﻭﺍﺣﺪ ﻛﺴﺮ ﻋﻠﻴﻚ ﺑﺪﻭﻥ ﻗﺼﺪ ﻭﻟﻘﻴﻦ ﻧﻔﺴﻚ ﻫﺘﻠﺒﺲ... هغير حارتي، يعني لو كسر عليا من يميني هدخل شمال و العكس بس طبعا قبل ما اغير حارتي ابص ف مراياتي اشوف في حد جي من ورا ولا لأ و إذا كان في حد جي انا شايف احسن حل تلبس ف اللي كسر عليك و هيصلحلك عربيتك على حسابه لأنك لو غيرت حارتك و حد لبس فيك هتصلحله عربيته على حسابك و اللي كسر عليك هيطلع يجري اكيد،و في حل تاني إني ههدي السرعة اذا كنت ماشي على سرعة هادية تسمح بالفرملة و انا ماشي ف حارتي عادي لحد ما اللي كسر عليا يمشي
-10 ﻭﺍﺧﻴﺮﺍ ﺍﻳﺔ ﻧﻮﻉ ﺍﻟﻌﺪﺓ ﺍﻟﻠﻰ ﻣﻌﺎﻙ ﺍﻟﻠﻰ ﺗﺴﻤﺢ ﻟﻚ ﺍﻥ ﺗﻘﻮﻡ
ﺑﺎﻻﺳﻌﺎﻓﺎﺕ ﺍﻻﻭﻟﻴﺔ ﺍﻟﺼﻐﻴﺮﺓ ﻟﺴﻴﺎﺭﺗﻚ ﻟﻮ ﺍﻧﺖ ﻋﻠﻰ ﺳﻔﺮ.. مقدرش افيدك اوي ف السؤال دا بس و انا مسافر باخد معايا كوريك و عدة فك الإطارات و حبل لو لا قدر الله العربية حصلها حاجة و احتجت حبل عشان عربية تقطرني..
يارب أكون افدتك
و إذا كنت اخطأت ف حاجة صلحلي و اهو كلنا بنتعلم من بعض