مساعدة فى الاختيار

**buddha** · 17-02-2013 12:43 PM

السلام عليكم جميعا قسم اوبل

الموضوع انى اخر عربية ركبتها كانت CIVIC 93SI اوتوماتيك عربية طلقة على الارض وثبات مهما قلت لا يقارن حتى على الرمال والمية
بصراحة مش كتير بيفهم فيها وتعبتنى فى شوية صيانات ممكن تكون سهلة بس ان اتبهدلت معاها فبعتها وبصراحة زعلان جدا جدا

المهم انا كنت بفكر فى BMW 318I تكون موديل 90 او 316i موديل 94
وفكرت كمان فى اوبل فيكترا
بس معلوماتى عنها انها صعبة فى الصيانة ومتعبة

ف بطلب منكم انكم ترشحولى موديل يكون اعطالة قليلة واعتمادى ومحسش بفارق مع الهوندا يعنى محسش انى قليت بالمستوى

مع العلم انى بحب الجرى جدا من وضعية الثبات

**ehabahmed0** · 17-02-2013 02:35 PM

لو بتحب الجري من وضع الثبات مش هتناسبك البي ام او حتي الاوبل لانهم تقال في بدايه التحرك لكن لما تاخد سرعتها بتبقي ممتازه (احنا بنقول عليها بطه)
ع العموم الاوبل اعتماديه وحاجتها معمره وفيه منها 2000 سي سي او 1600 سي سي والموتور الاسود في الموديل الاخير سهل ومعظم الصنايعيه بيعرفو يتعاملو معاه
ثباتها اعلي بكتير من الهوندا بالاضافه ان العربيه عاليه ومش بتحك في المطبات
وممكن باقي الزملاء يفيدوك بمشورتهم

**هيثم الدسوقى** · 17-02-2013 03:33 PM

الالمانى عامة معقد ومعظم الصنايعية بيعملوه كفتة وبيشتغلوا فيها , لكن عامة الاوبل مشهورة بالثبات بتاعها ويعتبر اعلى سنة من الهوندا لكن طبعا مع مطبات مصر لازم ترفع لها المساعد .حاجة كدا مايعلم بيها الاربنا . سرعتها من الثبات ما اطمنكش فيها لانها بتاخد وقت والفتيس بتاعها تقيل لكن وقت الحركة والسرعة بتاعتها تاخد منها اللى انت عاوزه ويرضيك عن اى عربية تانية غير المرشيدس طبعا هههههههههه

**kar!m** · 17-02-2013 03:46 PM

لو موضوع الصيانات ده بيضايقك و مبتحبش تقف عند صنايعيه .. يبقى بلاش أوبل.

**Amrgamal1** · 17-02-2013 05:01 PM

انا ركبت الاتنين
معايا اوبل و السيفيك مع واحد صاحبي و سوقتها كتير
انا من رأي الأوبل احسن ,هتحس انك غيرت للأحسن , مش عشان هي معايا ف بقول كدا
السيفيك ال si عربية سريعه .. و الفيكترا ال 2000 سي سي بردو عربيه سريعه و عزمها شديد
انا معايا 2000 سي سي الموتور الاسود و بشد مع اي حد من الثبات
و يا سلام لو واقف في اشارة و الاشاره فتحت .. تلاقيني كبست فجأه وشايف الناس كلها في المرايه صغيره اوي ههههههه
وبيبقي واقف جامبي عربيات موديلات أعلي مني بكتير انا 98 .. ولو شغلت ال sport drive الموتور بيتجنن
ولو جبت الموتور ال 2000 ايكوتيك أسرع كمان
وعلي فكرة عن تجربة الفيكترا عاليه عن الارض بالنسبة للسيفيك , بس اهم حاجه تركب المصفحه من تحت
بس كدا

**ULTRA** · 17-02-2013 08:41 PM

الاخ الفاضل انت مقيم في امريكا يعني بدون سؤال طبعا تجيب العربيات اللى احنا مستحيل هنركبها في مصر زي
ford, dodg, buick, cadilac, chrysler,

**amr elsisi** · 17-02-2013 08:56 PM

اوبل بموتور ايكوتك

**Hesham.H** · 18-02-2013 10:38 PM

المشاركة الأصلية كتبت بواسطة amr elsisi

اوبل بموتور ايكوتك

فعلا هو ده الكلام ... موتور ايكوتك ٢٠٠٠ سى سى هايديك كل اللى انت عاوزه .. بس اللى اهم من ده انك تجيب عربيه واااااقفه وقالبها مظبوط .. هاترتاح كتر اوى وتحس انك راكب عربيه مافيش زيها
تحياتى