الموضوع: محتاج النصيحه ,, اول مره اشتري اوبل

انا اسف مش ها اقدر افيدك جامد علشان ما اعرفش في الاوبل - بس من وجهه نظر واحده خد الاقل كليموترات طعا - طالما مش ملعوب في الكيلو وناس محترمه
ربنا يوفقك

نزل فى تمن التوب لاين شويه و توكل على الله فيها لانها فعلا ممشيتش بس اول ما تجيبها ان شاء الله لازم تغير سيورك كلها لانها بقالها 5 سنين كده

شكرا جزيلا يا جماعه فعليا على النصايح دي ,, بس بالنسبه للتوب لاين مش عايز ينزل جنيه حتى عن الـ ١٣٠ الف لانه طبعا يا دوب بيركب العربيه للشركه و يرجع تاني من اول ما اشتراها , و بيعملها صيانه دوريه و الكلام ده ,, بصراحه مش عارف بس لو انتو في نفس الموقف ترجحوا تاخدوها حتى لو بالسعر ده ؟

ولا اشوف حاجه في اسعار الهاي لاين الاعتياديه اللي من ١٠٠ لـ ١١٥ ؟ و خصوصا برضه ان الفرق ما بينهم هوا فتحه السقف و فانوس الزينون المتحرك ؟ و انا سمعت عن الفانوس ده انه بمبلغ و قدره لوحده :d

و ياريت لو اي حد عنده عربيه كويسه او يعرف حد عنده عربيه كويسه و عايز يبيعها يعمل فيا خير

شكرا ليكم

و الله يا باشا لو فعلا العربيه مفيهاش غلطه زى ما بتقول يبقى توكل على الله فيها لان اى عربيه هاتجيبها هاتصرف عليها فى الاول مبلغ عشان تظبطها

و انت لقت واحده اقل منها فى الفئه و ماشيه كتير ب 115 يعنى الفرق بينهم يعتبر فرق الفئه بينهم بس
فشوف انت لو معاك المبلغ ده و العربيه عاجباك توكل على الله فيها

انا اسمع برضه ان الفانوس ده بتمن عربيه فيات صغيره :) فتخلى بالك طبعا من اى حاجة بس افتكر ان فى منه ديبو و صينى و استيراد و ممكن تركى او برازيلى