الموضوع: السيريون والبليه كلاكيت تاني مره في اقل من شهر !

السلام عليكم ورحمه الله وبركاته
من يجي سنه كده تقريبا كنت لبست مطب محترم بالسيرين والحمد لله محصلش اي حاجه للعربيه غير ان الكاوتش طلعلي فيه بلالين وفردتين من الجنوط اتنو تنيه خفيفه + اي بقيت بسمع صوت ونه خفيفخه
المهم ساعتها انا سألت ناس كتير وقالولي انها البليه سبب الونه وبدأت اصلح حجه حاجه
اولا الكاوتش اصلا كان محتاج تغيير فغيرته والمقاس اللي كان فيها كان 15-195/50 فأنا خليته 15-195/55 وبطعا ده لان ال 50 كان رفيع اوي فمنشف العفشه ومش بيستحمل النقر والمطبات وبيوصل الخبطات دي للجنوط والعفشه
الجنوط استعدلت التنيه اللي في الفردتينه اليمين
وطبعا فضلت الونه الظريفه
لحد من شهر تقريبا الصوت بدأ يعلى وزهقت منه صراحه فقلت اغيرها بقه كفايه عليها
فنزلت شارع دمشق لمحمد جابر قالي عندي بليه كوري ب 130 جنيه ومندوش حاجه تانيه
سألت الراجل اللي قدامه قالي عندي الاصلي ب 385 بس وانا صرحه اليومين دول مفيش فلوس فقلت اجيب الكوري امشي نفسي و لما تفرج ان شاء الله ابقى اجيب حاجه انضف وفعلا جبت الكوري ب 130 و بالمره جبت تيل فرامل ريمسا اسباني ب 200 جنيه وروحت للعفشجي فك الطمبوره وراح للمكبس شال القديمه وكانت ضااااااااااايعه وركب الكوري وغير لي التيل
وطلعت اجرب العربيه فرقت كتييييييييييييييير الصوت راح العفشه نعمت وبقيت مكتومه بقيت ماشي مبسوط اوي صراحه

لحد منكام اسبوع كده ايام اليومين المطره الكتير كنت مسافر بليل والطريق ظلام ومطره وزحلقه وهووووووووووووووووووب روحت لابس مطب تاني الحمد لله العربيه محصلهاش حاجه مع انها كانت محمله 5 افراد وشنط بس لقيت ي صوت ونه خفيفه
وصلت و تاني يوم روحت للعفشجي قالي ممكن زوايا قلتله ياعم صوت ونه مش صفاره اخدته وطلعنا على الطريق الونه بدأت من سرعه 40 وكمان مسمعه في الدركسيون مش زي الاصلي كامت بنت حلال ونه بس قالي دي بليه ياباشا قلتهله كلمه قبيحه من 3 حروف اسف يعني بس اتصدمت البليه مكملتش شهررررررررر ده اللاصليه باظت بعد 60 الف كيلو ومش من اول مطب ودي مكملتش بيها 1000 كيلو وباظت قالي ياباشا البلي اللي في السوق كله مضروب بالنار وتعبان
كنت بكلم ابو عبد الله بالصدفه في مره قالي ياعم دي البليه الياباني ونفس النوع بتاع العربيه NTN في المنصوره ب 150 الكلام ده قبل ما الكوري تتنيل وتبوظ وزعلت اوي لان الفرق 20 جنيه بس طبعا محمد جابر ملبسهالي وششششششش
طبعا البليه حبت توجب معايا وتقولي انها كوري اصلي مش زي الياباني فكنت مسافر الزقازيق بليل ولقيت الموضوع اتطور وبقى صوت وهزه ورجه جمده في العربيه كلها زي ماتكون العجله هتفوك كملت الطريق كله 25 كيلو بسرعه 30 كيلو في الساعه عشان طبعا خايف العجله تسيب ولا حاجه وركنتها وتاني يوم روحن واخد عربيه والدي الصني ونزلت المنصوره واخدت البليه القديمه وجبت زيها بالظبط ومحفور عليها jaban ورجعت ركبتها وراحت صوت الونه وربنا يسترررررررررررررررررررررر ررر بقه عشان انا كرهت البلي كله بسبب البليه دي

انا كنت مصور بس للاسف الموبايل جاله فيروش واطي وضيع كل الصورررر
البليه الكوري اسمها GNB محدش يجيبها

والى اللقاء

والله ياباشاانا كان معايا عربيتي القديمه لانسر 1999 قعدت من 99 ل 2008 لما بعتها مغيرتش بلي ولا كانت بتون
البليه دي باظت بسبب مطب غبي