السلام عليكم
مساء الفل يارجالة
جوز أختى بيشترى عربية وقصدنى أساعده فى اختيار أفضل وأنسب حاجة فى الرينج ده
عجباه الأسبورتاج
وشاف السيراتو الشكل الجديد
الكلام على الهاى لاين فى الاتنين
طبعا قولتله انسى.. حرام تدفع 186 باكو فى السيراتو وكورى كمان (مع كامل الإحترام والتقدير للكورى)
وكذلك الأسبورتاج قولتله بالسعر ده تجيب ألمانى ياحجوج
المهم أنا نصحته يشوف الأسترا الجديدة(الكوزمو)
وقولتله على مرسيدس c-180
قالى مش عايز مرسيدس ولا بى إم ومعروض عليه بى إم x1 هاى لاين عاملة 6000 كيلو بـ 290 ألف تقريبا ومش راضى
لأسباب هو مقتنع بيها ومفيش داعى لذكرها عشان منطولش :)
الفانتازيا مش عجباه وركبها ومتبسطش قالى انسى :)
قولتله الشكل الجديد هينزل السنادى وكمان احتمال كبير يبقى فتيس DSG وحوار البنزين يبقى فاشلة هيا كمان
وكان هيشترى باسات هاى لاين بس رجع فى القرار عشان البنزين 95 برده
انا عن رأيى شايف الأسترا الكوزمو أحسن حاجة دلوقتى فى مقابل السعر حتى بعد ماغليت 188 ألف..من وجهة نظرى البسيطة :)
وممكن أكون غلطان طبعا
وأحب أعرف رأيكم أكيد
المهم بقه
تجيب ايه فى رينج الـ 200-250 ألف؟؟