تشترى ايه؟من 200 لـ 250 ألف..المشورة يارجالة

**M7amD_7amDy** · 23-02-2013 05:11 PM

المشاركة الأصلية كتبت بواسطة kingrab

بص ... كل التوكيلات بتقول إن عربياتها بقت بقدرة قادر بتمشى ببنزين 92 .. وده أعتقد إنه كلام مبيعات أو عربياتهم هتقف مش هتتباع بعد القرارات الغريبة بتاعة بنزين 95
أنا أخويا معاه فولفو s80 ... تقريباً عمره ماحط فيها بنزين 95 .. ماشى علطول بالـ 92 ... وعربيته ماشاء الله محصلش فيها حاجة ..
موضوع البنزين ال 95 أعتقد إنه بقى منتهى وقريباً هايتلغى من مصر خالص .. يبقى ريح دماغك ومتفكرش فيه خالص أكنه مش موجود
ثانى حاجة موضوع سعر إعادة البيع .. مفيش عربية غالية تعدى ال200 ألف وسعرها مش هاينزل أكتر من النص بعد كام سنة ... نصيحة برده .. فكر إنك تركب ومتفكرش إنك تبيع .. بدل العربية ممتازة ومضمونة ومريحاك يبقى تبيعها ليه ؟؟؟
عموماً عز العرب عامل نظام على الفولفو ( وأكيد الموضوع ده متطبق على السيتروين ) علشان الناس اللى خايفة من موضوع إعادة البيع ... بيقولك إن العربية لو عايز تبيعا همه بيشتروها منك بخصم 15% من تمنها لأول سنة وبعد كده سعرها بينزل 10% على كل سنة ... كده عداهم العيب وأزح
إخلص بقى ياعم وروح أشتريها ... علشان خاطرى روح إشتريها ... خلاص وعد ؟؟؟ هتشتريها ؟؟؟ ألف مبروك مقدماً

هههههههههههههه الله يبارك فيك ياباشا انا حاسس بيك والله :)))
بس هيا لو عليا وانا اللى بشترى هجيب السيتروين ds5 من غير كلام

وعقبال مانباركلك عليها ان شاء الله

المهم دلوقتى اللى حصل كالتالى
انا عرضت عليه جميع الاختيارات
قالى العربيات حلوة مافيش كلام بس لو حبيت ابيعها مين هيشتريها؟وطبعا السعر هيكون فى الأرض
كالعادة وكعادة أغلب الناس بقه التفكير محكوم على الكورى للأسف
عشان هو ده اللى اعادة البيع فيه كويسة واهو عربيات مش بطالة
هو خلاص جاب السيراتو الشكل الجديد الفئة اللى قبل الأخيرة
وربنا يباركله فيها ويديه خيرها ويكفيه شرها
ومتشكر ليكوا جدااا على مساعدتكوا وهو ده المتوقع من رجالة نايل موتورز
أكيد طبعا انتوا بتشتموا دلوقتى ههههههههههههه
والله ياجماعة هيا أذواق أكيد وانا كنت عايزه يجيب الأسترا الجديدة على الأقل
بس لما شافها معجبتوش وكانت ضيقة
ومتشكر ليكوا جداا مرة تانية

**M7amD_7amDy** · 23-02-2013 05:35 PM

مكرر

**M7amD_7amDy** · 23-02-2013 07:35 PM

المشاركة الأصلية كتبت بواسطة algazar2

و الله يا باشا انا خايف ارد اتوقف

يعنى يبقى قدامه العربيات دى و ركوبه تفضل معاه 10 سنين و يجيب السيراسو بسعرها المبالغ فيه بالطريقه البشعه دى هيه حريه شخصيه اه بس مش كده برضه

معلش ياباشا امسحها فيا :d
هيا فى الأول والأخر أذواق أكيد وكل واحد بيشوف الصح من وجهة نظره هو
بس تقول ايه بقه
انا حاولت أخليه يجيب اى حاجة أوروبى عشان يحس بالفرق
يالا بقه
المرة الجاية ان شاء الله تبقى حاجة محترمة
ومتشكر ليك ياباشا