الموضوع: تشترى ايه؟من 200 لـ 250 ألف..المشورة يارجالة

المشاركة الأصلية كتبت بواسطة kingrab

إنت بتهرج ؟؟؟ طبعاً من غير تفكير DS5 ..
يالهوى على العربية دى .... تحففففففففففففففففففففففف فففففففففففففففففففة
وحتى لو بتمشى ببنزين 99 .. هاتها من غير تفكير .. هتلاقى موضوع كامل عنها فى قسم سيتروين
http://www.nilemotors.net/Nile/316701-all-new-citroen-ds5.html
عربية وهم وقمة الشيكة وتحس إنك قاعد فى طيارة مش عربية
بعدها تفكر علطول فى الفولفو S60
بعدها بشوية فكر فى الـ 508
ولو معاك المبلغ ده حرام تفكر فى الفنتازيا أو الإسترا وخصوصاً الإسترا بعد الزيادة المبالغ فيها

الموضوع تحفة الف شكر ليك
أنا معاك ياباشا ان السيتروين وهم وشكلها تحفة بس لازم نعرف شوية حاجات كده
البنزين 95؟ ولو 92 هيعمل مشاكل؟
تانى حاجة والأهم سعر أعادة البيع أكيد هيبقى فى الضياع!!!
مهو برده حرام الواحد يجيب عربية زى دى بسعر عالى وتنزل فى سعرها جامد!!
المطلوب بقه :)
السيتروين دى والبيجو 508 سعر اعادة البيع هيبقى ايه
والبنزين لازم 95؟ ولا ايه !!!

المشاركة الأصلية كتبت بواسطة AlGazar2

بص يا باشا انا قعدت فى الفولفو و قعدت فى السيتروين و فى السوبارو
الفولفو حاسيتها كده ايه حاجة فخمه جدا و قفله باب وهم و عربيه من الاخر بس للاسف حرام تمشى فى شوارع مصر بس عربيه لا غبار عليها
السيتروين بقى عربيه من جوه وهم وهم وهم فرنساوى بقى مهتمين بكل تفصيله و بمكان كل زرار و باماكن فتحات السقف اه مش فتحه واحده فيها 3 تقريبا و بالازاز الى مبينلك كل حاجة بغطستك فى الكرسى بتفاصيل الدركسيون و كل حاجة فيه من الاخر كل حاجة فيها تخليك قاعد مستريح و مش عايز تنزل من العربيه الا للضروره القصوى عامله كده زى بنات فرنسا :) بص من الاخر محدش يقدر يوصفهالك زى اخونا ياريس من قسم تويوتا لو شاف العربيه

السوبارو بقى تحس فيها بالعمليه الشديده و خاماتها حلوه بس عربيه عمليه من الاخر مفيهاش دلع سيتروين ولا الفخامه الشديده بتاعه فولفو ( انا تقريبا ركبت ال s80 ) بس عربيه من الاخر ما تخافش عليها من شوارع مصر ( مطبات و بلاعات ) عكس الفولفو و السيتروين

الاسعار بقى طبعا الفولفو ولا اعرف بس هتبقى فوق ال 240
السيتروين ds5 اول فئه ب 245او 250 و دى فيها كل حاجة موجوده فى عربيه تانى فئه بقى ب 290 تزيد عليها جى بى اس و كاميرا خلفيه تقريبا و حبه حاجات تانيه تعتبر من الرفاهيه الزياده انا معرفهاش بامانه
ال xv قبل ما تغلى كانت اول فئه ب 185 و تانى فئه ب 215 تقريبا و ممكن تكون زادت 5 و خصوصا فى الفئه الاولى

السيتروين من جوه واسعه جدا جدا جدا جدا جدا كنت مرجع الكرسى للاخر و الضهر راجع لورا بحيث انى يدوب شايف بدايه الكبوت و فى مكان بحر ورايا فهتبقى حلوه جدا للاطفال ممكن يعملوها ملعب ورا و شنطتها واسعه جدا جدا

ال xv بالنسبالى كانت ضيقه شويه فى القعده ( الوزن يحكم بقى ) بس هيه واسعه من جوه برضه و شنطتها متوسطه و لو بيسافر بشنط كتير هيبقى لازملها روف راك دى الاكس فى - الامبريزا شنطتها واسعه جدا بس ما تتقارنش مع الى فوق دول على الرغم من حبى الشديد ليها

الف شكر ليك ياباشا على الشرح الممتاز ده :))
هسألك نفس الأسئلة :(
أعادة البيع ايه النظام؟
البنزين؟؟؟ 95 ولا....
مستنى ردك

المشاركة الأصلية كتبت بواسطة Waleed_Fathy

شوف حضرتك البيجو لا يختلف عليها اتنين تحفه فنيه موتور 156 حصان و عزم محترم جدا
تجميع و اتزان و فرامل و ا esp و كماليات ممتازه
بس انا لو مكانك سيتروين DS5 فيها حته جمال كده مختلفه
و الهاي لاين الي هي ب 290 الف جم فيها كل اللي بتحلم بيه و الفئتين سقفهم بانوراما

و بنزين 92 عادي زي ما قال التوكيل

بردو عايز اقول لحضرتك ان ال 508 شنطتها اكبر
و لو هتقارن ب فولفو S60 فا البيجو اوسع من جوه و من الشنطه ضيف فرق السعر علشان تاخد الهاي لاين فا انت بتتكلم عن البريميوم تمنها 298 الف جم
طبعا موتور الفولفو فارق جدا 180 حصان انا عن نفسي اخاف احطله بنزين 92

فا رئي ان الترتيب DS5
ثم 508
ثم S60

الف شكر ياباشا
افهم من كده ان السيتروين بنزين 92 عادى؟
وحسيت بفرق فى الركوبة بين عربيتك ال 508 والسيتروين؟
ياريت ياباشا تقولى اعادة البيع للبيجو والسيتروين هتبقى ازاى
أعتقد هتكون مخيبة للأمال :(
شكرا ليك مرة تانية

المشاركة الأصلية كتبت بواسطة ahmed-adel

ال ds5 دلوقتي بتبدأ من 259 ألف

السعر زاد

المشاركة الأصلية كتبت بواسطة Waleed_Fathy

و الهاي لاين بقت بكام

+1

ـــــــــــــــــــــــــ ـــــــــــــــــــــــــ ـــــــــــــ

هو دلوقتى شاف الاسترا كان موجود التيربو أعلى فئة والأنجوى
بص عليها وبيقولى حلوة وكل حاجة بس ضيقة وشكلها كده خرجت من الحسابات
وكمان قالى معلومة ان التيربو مكتوب على التانك بنزين 92!!!!! وهناك أكدوله انها تمشى 92 عادى
وشاف الفورد فوكاس والظاهر كده عجباه :)
وياريت بقه تقولولى هو الشيب الحالى قدامه قد ايه وهل هيتغير بعد مدة قد ايه والبنزين كام؟
وبرده مازال البحث جارى وهعرض عليه الأختيارات اللى قولتوا عليها
والف شكر ليكم ياجماعة

المشاركة الأصلية كتبت بواسطة kingrab

بص ... كل التوكيلات بتقول إن عربياتها بقت بقدرة قادر بتمشى ببنزين 92 .. وده أعتقد إنه كلام مبيعات أو عربياتهم هتقف مش هتتباع بعد القرارات الغريبة بتاعة بنزين 95
أنا أخويا معاه فولفو s80 ... تقريباً عمره ماحط فيها بنزين 95 .. ماشى علطول بالـ 92 ... وعربيته ماشاء الله محصلش فيها حاجة ..
موضوع البنزين ال 95 أعتقد إنه بقى منتهى وقريباً هايتلغى من مصر خالص .. يبقى ريح دماغك ومتفكرش فيه خالص أكنه مش موجود
ثانى حاجة موضوع سعر إعادة البيع .. مفيش عربية غالية تعدى ال200 ألف وسعرها مش هاينزل أكتر من النص بعد كام سنة ... نصيحة برده .. فكر إنك تركب ومتفكرش إنك تبيع .. بدل العربية ممتازة ومضمونة ومريحاك يبقى تبيعها ليه ؟؟؟
عموماً عز العرب عامل نظام على الفولفو ( وأكيد الموضوع ده متطبق على السيتروين ) علشان الناس اللى خايفة من موضوع إعادة البيع ... بيقولك إن العربية لو عايز تبيعا همه بيشتروها منك بخصم 15% من تمنها لأول سنة وبعد كده سعرها بينزل 10% على كل سنة ... كده عداهم العيب وأزح
إخلص بقى ياعم وروح أشتريها ... علشان خاطرى روح إشتريها ... خلاص وعد ؟؟؟ هتشتريها ؟؟؟ ألف مبروك مقدماً

هههههههههههههه الله يبارك فيك ياباشا انا حاسس بيك والله :)))
بس هيا لو عليا وانا اللى بشترى هجيب السيتروين ds5 من غير كلام
وعقبال مانباركلك عليها ان شاء الله

المهم دلوقتى اللى حصل كالتالى
انا عرضت عليه جميع الاختيارات
قالى العربيات حلوة مافيش كلام بس لو حبيت ابيعها مين هيشتريها؟وطبعا السعر هيكون فى الأرض
كالعادة وكعادة أغلب الناس بقه التفكير محكوم على الكورى للأسف
عشان هو ده اللى اعادة البيع فيه كويسة واهو عربيات مش بطالة
هو خلاص جاب السيراتو الشكل الجديد الفئة اللى قبل الأخيرة
وربنا يباركله فيها ويديه خيرها ويكفيه شرها
ومتشكر ليكوا جدااا على مساعدتكوا وهو ده المتوقع من رجالة نايل موتورز
أكيد طبعا انتوا بتشتموا دلوقتى ههههههههههههه
والله ياجماعة هيا أذواق أكيد وانا كنت عايزه يجيب الأسترا الجديدة على الأقل
بس لما شافها معجبتوش وكانت ضيقة
ومتشكر ليكوا جداا مرة تانية