تقرير عن الشارك 2012 بعد 6 أشهر من شرائها

**Mohamed Elnagar** · 18-02-2013 09:05 PM

ممكن اعرف عملت الفتيس جلد غرز يدوي منين وبكام وفين
ربنا يباركلك فيها يا رب

**IronHead** · 19-02-2013 10:12 AM

ربنا يباركلك فيها يا ريس

- بخصوص الفتيس, هة الفتيس بيحس بطريقه سواقتك وعلى اساسه بينقل, لو انت حاسس انها تهييسه, سيل كابل البطاريه 5 دقايق هيعمل ريست للكمبيوتر, بس خد بالك هيعمل ريست لقرايه عداد الرحلات ومتوسط استهلاك البنزين

- موضوع انها متدورش, اشك ان ليه علاقه بالبطاريه, عشان البطاريه يا تقوم العربيه يا متقومهاش تماما, هو انت كنت سامع صوت المارش ولا مافيش صوت تماما؟

- الاكصدامات فيها فعلا قويه عن البومه كتير, انا برضو خد كام خبطه كده على الواقف والحمد لله مافيش خساير تذكر غير شويه خرابيش, بس الصاج زفت بجد, الباب بينقر بسرعه, انا حاسس انهم خففوا الصاج عن البومه عشان وزن العربيه مازيدش قوى خصوصا ان الشاسيه تقيل

- السقف ممكن تغسلوا كيماوى عن بتوع الكار كير بحوالى 60 جنيه

سؤال بقى بخصوص الحته اللى تحت الشبكه اللى عملتها بالجلد, هو ده ليه اضرار على الدهان من اثر لزج الجلدعلى البويه؟

**sharkass** · 19-02-2013 02:03 PM

ربنا يحفظهالك ويديك خيرها ويكفيك شرها

**heka_m_y** · 19-02-2013 11:44 PM

اسف جدا اتأخرت عليكم

اولا : موضوع البطارية كنت سامع المارش بس مش راضية تقوم الا بعد كذا محاولة وكنت سايب النور الواطى قبلها شغال لمدة ساعة ونصف والمهندس قالى دى البطارية مش حاجة تانية .

ثانيا : موضوع جلدة الفتيس الاخ اللى بيسأل انا مش عاملها غرز انا عامل جلدة بقاعدة من تحت على نفس المقاس بس سيبت شريط الانوار لوحدة عادى جنب القاعدة والجلدة من تحت لحد فوق تحت رأس عصاية الفتيس ولو عايز تشوف شكلها شوف عصاية الاوتوماتيك بتاعت المرسيدس أو البى ام هى نفس الشكل بالظبط وهحاول ارفع صورة بس على فكرة نوعية الجلد اللى مركبها مش عجبانى قوى لان هى اللى كانت موجوده وهغيرها واركب قطعة جلد طبيعى ان شاء الله .

ثالثا : موضوع اللزق اللى قدام اللى بيخلى العربية زى الايفيليوشن عاجى جدا ورخيص جدا ولا يؤثر على البوية اطلاقا انا دايما بعملة وساعات اشيله واغيره عادى جدا جدا جدا جدا جدا .وبيخلى شكل العربية خرافى وهحاول ارفع صوره برضو .

رابعا: انا لسه اليوم مركب زينون كورى على النور الواطى بس زى الاوريجنال لان دايما الاورجينال فى الالمانى واليابانى بينزل واطى بس اما العالى نور عادى وانا ركبته من عند ارابكوم وكلفنى 700 جنيه ورائع كورى 6000 كلفن ابيض ناصع وليس ازرق ومش بيأذى اللى قدامى ونوره تحفة فارق بكتير جدا عن النور الواطى الاصلى .

**ali ahmed** · 20-02-2013 05:37 PM

حمستني اشوف العربيه

انا بعتلك الميل بتاعي في رساله ع الخاص

عشان تبعتلي صور العربيه

**ali ahmed** · 20-02-2013 05:41 PM

انا معايا شارك 2012

لما بمشي على رمله ولا حصا

بسمع صوت رزع الحصا في البودي من تحت

هوا عند حضرتك المشكله دي ولالا ؟

**heka_m_y** · 20-02-2013 07:43 PM

يا جماعة حد يعرفنى اضيف صورة ازاى مش راضى خالص مع انى عملت حجمها فى المسموح بيه

**toty_305** · 20-02-2013 08:10 PM

المشاركة الأصلية كتبت بواسطة ali ahmed

معايا شارك 2012 اسود
لن استغني عن هذي العربيه

هينزل شكل جديد في عام 2014
سوف اكون من اول الذين يشتروه باذن الله
ولن ابيع الموديل 2012

اخويا معاه النترا 2012 فل كامل
بخاف امشي فوق ال 120
بحس احساس غريب بحس العربيه ممكن تعوم مره وحده ممكن تتفكك وانا ماشي فيها ممكن الهوا يطيرها مش برتاح بيها خالص
اما الشارك بمشي صحراوي الاسكندريه القاهره 180 وبطفي التكييف عشان اوصل ال 200 وانا ماسك الطاره بيد وحده من كثر الثقه في العربيه

-بيد واحده ازاي يعني

-العربيه جامده....طيب الطريق

**ali ahmed** · 21-02-2013 01:51 PM

يعني اقصد العربيه مترقصش والطاره مبترعشش

ومالو الطريق ؟

لو ربنا عايز هيحصل حاجه يبقا هيحصل حتى لو ماسك الطاره بيدك ورجلك

**mi22do** · 21-02-2013 03:31 PM

ربنا يباركلك فيها - هي فعلا عربيه محترمه وبتثبت نجاحها يوم بعد يوم
السيارة رائعة حتي الان الحمد لله

الموضوع: تقرير عن الشارك 2012 بعد 6 أشهر من شرائها

LinkBack

أدوات الموضوع

عرض

المواضيع المتشابهه

الحقوووني مشكله في الشارك 2012

اسعار قطع غيار الشارك 2012

بنزين الشارك 2012

الشارك ال 2012

محتار بين النترا و الشارك 2012

الكلمات الدلالية لهذا الموضوع

المفضلات

المفضلات

ضوابط المشاركة