ربنا يحفظهالك ويديك خيرها ويكفيك شرها
رقم العضوية : 3316
تاريخ التسجيل : 20Nov2007
المشاركات : 116
النوع : ذكر
الاقامة : القاهرة
السيارة: لانسر شارك 2012
السيارة[2]: لانسر 1300 - 2009
دراجة بخارية: لا يوجد
الحالة :
السلام عليكم ورحمة الله وبركاته
أنا حبيت أقول رأى فى الشارك 2012 وانا من عشاق هذه السيارة وهى دلوقتى عاملة 12 الف كيلو .
وانا جايبها الفئة الثالثة التى كانت بـ 134 الف جنيه .
أولا : الاضافات التى أضفتها على السيارة :
* انا شيلت السى دى الاصلى بتاعها واشتريت الدى فى دى بتاعها من السجان من شارع دمشق وكان
بـ 3000 جنيه صينى طبعا لكن أداءه ممتاز فيه 2 يو اس بى وواحدة تالتة للايفون ولو لنى لا استخدمها لانى
غير مؤمن بالايفون خالص ولكن ده مش موضوعنا وفيه طبعا جى بى اس وراديو وام بى ثرى ودى فى دى
وبيقرأ معظم امتدادات الفيديو وصورته تحفة كمان بيعرض صور وفيه بلوتوث طبعا علشان الموبايل وحاجات تانية كتير زى الكاميرا الخلفية مثلا وهو بسم الله ما شاء الله تحفة ومخلى شكل العربية من الداخل حلو جدا وتكريبه أسهل مما كنت أتوقع لانى بخاف من حل أى شىء بالعربية .
* طبعا عملت الجزء اللى فى الوسط تحت الشبكة الامامية جلد اسود غير من شكل العربية خالص بقت عامله زى الايفيليوشن وده طبعا تكلفته ولا حاجة 10 جنيه يمكن .
* عملت اربع صدادات فى الزوايا الاربعة للعربية وقبل ما اركبهم غطتهم بكاربون فيرانى لون العربية وبقوا تحفة عليها .
* أهم حاجة من رأى انا عملتها بعد الدى فى دى روحت لسروجى مالوش حل عملى جلدة للفتيس زى الموجوة فى البى ام أو السيراتو مثلا خلت شكل عصاية الفتيس تحفة ولو اعرف ارفع صور كنت رفعتها انا صورتها بس مش عارف ارف الصور .على فكرة الجلدة ثابتة على اطار جميل جدا وعلامات الفتيس باينة جدا فى شريطها الموازى للاطار اللى انا عملته واللى طالع منه الجلد مغطى الجزء الاسفل من عصاية الفتيس .بعد رأس العصاية علطول .
* عملت كمان دواسة جلد فى الارضية علشان انتو عارفين التراب والطين فى مصر عامل ازاى وطبعا علشان مش اخليه باين عملت دواسات موكيت تفصيل تخلى اللى قاعد فى العربية كأن العربية على الموكيت الفابريكة بتاعها من غير دواسات أصلا .
* وطبعا عامل الكراسى جلد .
ثانيا : المشاكل التى واجهتنى فى السيارة خلال السبعة أشهر :
* أول مشكلة كانت على طريق مصر اسماعيلية الصحراوى وبجرى بالعربية وعملت كيك داون يعنى نزلت من الغيار الرابع للتالت بعد كده شيلت رجلى وريحتها من على الدواسة علشان تاخد الرابع تانى فتأخرت شوية حوالى 10 ثوانى مثلا يعنى غير المعتاد وبعدين جابت الرابع . كلمت مهندس حبيبى جدا فى التوكيل القديم مصرية قالى عادى جدا ممكن يكون تهيسة من الكونترول طالما لا تتكرر يبقى ما فيش مشكلة لان طبعا بعدها لم تتكرر الا مرة واحد من يومين تقريبا يعنى بعدها بحوالى 4 أشهر وكنت ماشى عادى من غير جرى وعديت مطب وابتديت اجرى الاول ثم الثانى ثم الثالث ثم اتأخرت شوية حوالى مثلا 15 ثانية ثم نقلت للرابع فكلمت المهندس تانى قالى مافيش مشكلة خالص يمكن ضغط الزيت ساعتها يمكن الكونترول اتأخر عادى جدا طالما نادرا ما تحدث ومافيش مشاكل أصلا فى فتيس الشارك ولا تقلق اطلاقا طبعا ده كلام المهندس وهو ليس له مصلحة لانه فى الوكيل القديم بس حبيبى جدا وصحبى .
* ثانى مشكلة مرة ركنت فى مكان وجيت أدور العربية لم تدور من أول مرة واتكرر هذا الشىء مرتين بس بعد كده الدوارة عادية جدا من أول مرة حتى لو راكنها اسبوع بس مرة كنت بغسلها وسيبت النور الصغير اللى هو نور التابولة قايد لمدة ساعة ونصف تقريبا جيت أدور لم تدور الا بعد حوالى 10 مرات وده طبعا عيب بطارية لانى شاكك من الاساس فى البطارية بتاعتها لانها مش جافة وانا ناوى ان شاء الله اجيب واحدة جافة .
*ثالثا : رأى فى السيارة :
* أداء السيارة عجبنى جدا سحبها رائع وثباتها رهيب مختلفة عن البومة تماما مع احترامى للبومة طبعا لانها كانت معايا قبلها وموضوع الثبات ده مشكلة لوحدة لانى قرأت فى موضوع على منتدى أجنبى ازاى فى تصميم السيارة تكون ثابتة ولقيت ان كل الشروط تنطبق على لانسر شارك .
* العربية واخدة المركز مش فاكر والله الاول او الثانى فى مجلة أجنبية أو تصنيف بريطانى تقريبا فى ندرة أعطالها .
* قطع غيارها معمرة جدا حسب ما قريت بس غالية عن البوبة حاجة بسيطة يعنى أكثر 30% فى قطع الغيار ومرة سألت واحد قالى العربية بتاعته عاملها 110 الف كيلو لم يغير الا تيل الفرامل مرة واحد فقط ومافيش حاجة تانية غيرها والسيارة زى الفل طبعا تقريبا هو مش بيروح التوكيل بس لو على كلامه ومن غير صيانات والعربية لم يغير فيها شىء تبقى تحفة طبعا بالذات للى بيروح فة مواعيد الصيانات زى حالاتى .
* فى حاجة غريبة بعتبرها معجرة فى هذه السيارة وهى انها تجمع بين شيئين عكس بعض تماما وهى انها عالية عن الارض جدا حتى أنها أعلى من البومة بكتير وفى نفس الوقت ثابتة جدا على السرعات العالية بعد ال130 وانت طالع حتى مع الطرق الزفت اللى عندنا فى مصر .
* العفشة طبعا مالتى لينك زى الالمانى بالظبط .
* صوتها عالى سنة والعزل سيىء طبعا بس صدقونى بعد العشرة الاف الاولى الصوت قل كثيرا عن ما كانت زيرو حتى صوت الكاوتش الدانلوب اللى بينزل فيها قل كثيرا عن الاول .
* حاجة تانية غريبة فعلا هى انك تحس ان الصاج خفيف شوية واى احتكاك يعمل نغزات طبعا فى الابواب مثلا فسألت المهندس قالى نقاط القوى فى الصاج اكثر كثيرا من البومة ولم أصدق الكلام الا بعد ما تعرضت لموقف غريب مش عارف هتصدقونى ولا لا . واحد بتاكسى خبطنى من ورا حتى انى اتنطرت من على الكرسى شوية ونزلت قولت خلاص الاكصدام هلاقيه اى كلام والله لم أرى شىء خلاف حكة لا تزكر جنب النمرة والحمد لله ربنا ستر ساعتها صدقت المهندس .
* طبعا العربية صالونها شيك جدا من وجهة نظرى وإضاءة التابوله تحفة وهى على فكرة غير البومة لان البومة لمبات عادية نورها ضعيف وبتضعف مع الاستعمال أما الشارك فلمبات ليد حتى انا علشان أتأكد من هذا الموضوع فضلت أدور على النت حوالى 3 شهور لحد ما شوفت على منتدى أجنبى واحد فاكك التابوله ومصور كل حاجة وشوفت اللمبات الليد بنفسى وطبعا كلنا عارفين ممزيات الليد نورها قوى وسحبها للكهربا قليل وعمرها طويل جدا من غير من تضعف ولا تبوظ .
* طبعا الحاجة اللى موجود فيها زى كل العربيات فى الدنيا السقف الموكيت وده نفسى الاقى حل ليه علشان بيتوسخ بسرعة نفسى أعمله بس مش أقدر أقدم على هذه الخطوة لانى أخاف من فكرة شيله وتركيبة .
* الشنطة طبعا صغيرة شوية علشان الجنط وده ممكن يكون عيب أمام بعض الناس اما بالنسبالى مش فارق معايا خالص .
ملحوظة أخيرة :
لو رجعت لورا تانى مليون مرة هشترى شارك بردو مهما الناس يقولو عنها ومهما كان رأى التجار الاغبياء فى هذه السيارة ومهما كان رأى اللى لم يجربها وبيكلم وخلاص .
انا اسف على الاطالة وأرجو أن أكون عملت موضوع كويس ويا ريت تردو عليا واللى قابل مشكلة من اللى قابلتنى يقولى واللى موافق على كلامى يقولى واللى معترض يقول بردو .
التعديل الأخير تم بواسطة heka_m_y ; 18-02-2013 الساعة 03:40 PM سبب آخر: تصحيح
رقم العضوية : 55072
تاريخ التسجيل : 06Dec2009
المشاركات : 472
النوع : ذكر
الاقامة : egypt -zagazig
السيارة: toyota corolla . 2010
السيارة[2]: دايو لانوس 1
دراجة بخارية: لايوجد
الحالة :
ربنا يحفظهالك ويديك خيرها ويكفيك شرها
ماشاء الله لا قوة الا بالله
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
ربنا يبارك يا باشا ..
رقم العضوية : 18752
تاريخ التسجيل : 12Sep2008
المشاركات : 792
النوع : ذكر
الاقامة : ksa&& mansoura
السيارة: elantra 2009
السيارة[2]: lancer 2008
دراجة بخارية: لا
الحالة :
عربية اكثر من رائعه
رقم العضوية : 8588
تاريخ التسجيل : 08Apr2008
المشاركات : 5,810
النوع : ذكر
الاقامة : Ras Ghareb/Red Sea
السيارة: 000
السيارة[2]: Proton wira 2005
دراجة بخارية: لا يوجد
الحالة :
ربنا يباركلك فيها
رقم العضوية : 73956
تاريخ التسجيل : 27Jun2010
المشاركات : 2,407
النوع : ذكر
الاقامة : القاهرة
السيارة: ميتسوبيشى لانسر 2005 خليجى
السيارة[2]: دايو نوبيرا 2002 sx
دراجة بخارية: عجله فيرارى صينى :)
الحالة :
عربيه محترمه طبعا و الى يثبت سوق العربيات فى مصر الى ملوش فى العربيات المحترمه
رقم العضوية : 91981
تاريخ التسجيل : 21Mar2011
المشاركات : 1,514
النوع : ذكر
الاقامة : Egypt - El Menoufia - Shebin Elkoum
السيارة: Lancer EX ISA
السيارة[2]: Lancer JT 2009 1.3
دراجة بخارية: noooo
الحالة :
ربنا يباركلك فيها ويعطيك خيرها ويكفيك شرها
تـأكـد حين تنكســر لن يرممك ســوى نفسك.وحيــن تنهـــزم لــن ينصرك سوى إرادتك.فقدرتك على الوقــوف مــرة أخـــرى لايملكهــا سـواك
رقم العضوية : 6843
تاريخ التسجيل : 03Mar2008
المشاركات : 472
النوع : ذكر
الاقامة : Sohag
السيارة: Renault Duster 4*4
السيارة[2]: Speranze A516 + Kia Cerato SX 2010 + Mitsubishi Lancer 2007
دراجة بخارية: NON
الحالة :
ربنا يبارك لك فيها ويكفيك شرها
رقم العضوية : 72113
تاريخ التسجيل : 02Jun2010
المشاركات : 97
النوع : ذكر
الاقامة : alex
السيارة: verna
السيارة[2]: bolnez
دراجة بخارية: لا يوجد
الحالة :
مبروك عليك الف بركة
رقم العضوية : 134859
تاريخ التسجيل : 12Feb2013
المشاركات : 85
النوع : ذكر
الاقامة : الاسكندريه
السيارة: لانسر شارك
السيارة[2]: مرسيديس
الحالة :
معايا شارك 2012 اسود
لن استغني عن هذي العربيه
هينزل شكل جديد في عام 2014
سوف اكون من اول الذين يشتروه باذن الله
ولن ابيع الموديل 2012
اخويا معاه النترا 2012 فل كامل
بخاف امشي فوق ال 120
بحس احساس غريب بحس العربيه ممكن تعوم مره وحده ممكن تتفكك وانا ماشي فيها ممكن الهوا يطيرها مش برتاح بيها خالص
اما الشارك بمشي صحراوي الاسكندريه القاهره 180 وبطفي التكييف عشان اوصل ال 200 وانا ماسك الطاره بيد وحده من كثر الثقه في العربيه
المفضلات