شوية اسئلة من تغير تريقه :(

**aldesha989** · 19-02-2013 01:58 AM

المشاركة الأصلية كتبت بواسطة AlGazar2

عارف يا باشا اى عربيه مستعمله هتلاقى فيها كل ده و كل ده يتحل بمشوارين واحد لميكانيكى محترم و واحد لكهربائى محترم

لو انت من القاهره كنت وديتك لميكانيكى امين يكشفلك على العربيه و يعرفك الى فيها و يجيبلك او يوديك لكهربائى يضمنه

بس اكيد فى حد من اسكندريه يعرف ميكانيكى امين و كهربائى محترم

ممكن تسأل شنورى على الميكانيكى الى بيتعامل معاه و او حسام علوانى الميكانيكى الى كان بيتعامل معاه فى النسيان القديمه بتاعته

ربنا يباركلك يا حبيبى
والله انا بتعامل مع ميكانيكى محترم جدآ وشغله نضيف وهو اللى كان بيجيبلى قرار اللى فيها بس انا اللى اليومين دول ماعيش فلوس ومش عارف اصرف عليها علشان كده الحاجات بتزيد وكمان هو من النوع اللى بيسمع منك على الحاجه اللى عندك مش من النوع اللى بيفتح ليك فى شغل لانه مش محتاج
يعنى بلى العجل انا كنت بحسب الماتور عالى هو طلع معايا جرب وقالى ده البلى بس ورجعنا الورشه وكشف على الاتنين قالى دول العجلتين اللى قدام وماكنش عايز يغيرهم غير لما يتأكد وكان زعلان ان فى العجلتين فيهم البلى
وحتى وهو بينزل زيت العربيه كان مستغرب بيقولى ايه ده هو ماكنش بيغير زيت خالص
فعلآ الزيت كان محروق مش مسود

وهو كمان اللى قايلى ان البك مسدود قولتله خلاص ننضف الكربراتير كله قالى خلاص شوف يوم تجيلى فيه على رواقان اطلعه برا وانضفهولك صح ونشوف البك المسدود
وبصراحه مره ظبطتلى الكهرباء بتاعت العربيه وعملى البوش اللى كان فى عصايه الفتيس وما اخدش الا عشر جنيه
بصراحه بيعملى شغل صح ومش بيفتح شغل ولا يعملى مصيبه ويقولى غير وخلاص
وبيأخد فلوس قليله

فعلشان كده بثق فيه وسئلته على سمكرى علشان ركبت مرايات اكسنت القديمه بدل المرايات الدوجان المعفنه قالى على واحد روحتله وركبهملى زى الفل وقعدهم فى مكانهم وشال حته من المثلث بتاعت المراية من غير ما يبوظ شكلها

وكان قايلى على كهربائى نضيف بس للأسف صنايعى من عن الكهربائى ده اللى اشتغل فيها وطلع خربق خالص علشان كده مش عايز اروحله تانى

بس الميكانيكى على ابوه بصراحه وبتعامل معاها انا وابن خالتى والحمد لله ماحدش بيشتكى منه

وربنا يبعت كهربائى عدل

**M.Ayman** · 19-02-2013 01:59 AM

المشاركة الأصلية كتبت بواسطة aldesha989

السلام عليكم ورحمة الله وبركاتة

ازيكم يا شباب كل يوم معاكم بشوية اسئله جديده

بس من تغير تريقة الله يكرمكم

دلوقتى انا عندى شوية اسئله من ضمن تلاتين الف مشكلة كل يوم بكتشفها

اول حاجه اول امبارح كنت مريح رجلى على دواسه الفرامل قبل ما ادور العربيه واول ما دورت العربيه اخدت رجلى ونزلت للنص ومش عارف دا من ايه

عادي جدا ده الطبيعي

تانى حاجه الدواره الصبح مش حلو ممكن تدور من تانى او تالت مره ولما ادوس بنزين
واول ما العربيه تبرد تعمل كده

ممكن تبقي محتاج تنضف دورة البنزين

اسبراتير وبوبينه الكترونى ومش عارف من ايه
مغير فلاتر وبوجيهات
وشحن البطاريه والدينمو تمام

تالت حاجه عندى مشكلة اوقات لما ابطل العربيه الاقى الكونتاك لسه فاتح وساعات تفضل دايره حتى لما اشيل المفتاح وامشى بيها عادى من غير مفتاح

مش عارف بصراحه بس شوف كهربائي محترم يعرف العيب فين و يظبطهولك ان شاء الله و طبعا بالشكل ده يُفَضَّلْ انك لما تنزل من العربيه تفصل البطاريه علشان متفضاش منك لو سيبتها يومين ولا حاجه من غير ماتنزل بيها

ومش بتتحل المشكلة دى غير لما افتح الكبوت واهز تلات فيش جنب البطاريه
وبسمع زى صوت تكه كده زى بتاعت النور لما ترعش او زى تكه الاشاره
ولما اهزها تانى الكونتاك يفتح اهزها تالت الكونتاك يقفل ونضفتهم ورشيت عليهم وجواهم اكاى وبرضه مش عارف من ايه

انا بصراحه تعبت كل شويه مشاكل مشاكل ولسه ما عملتش اى حاجه فىى المشاكل وكل شويه بتزيد

يعنى تيل خلفى
اربع فرد كاوتش
بلى عجل امامى
بوش فى بيض المقصات
مروحة السربنتينه مش شغاله
الفوانيس حالتها زفت ومسمار رجلاش منهم واقع ومش عارف اركبه
الشبكه ركبه غلط
صوت خروشه مع الاولانى
خنقه فى السحب بسبب الكربراتير فيه بك مسدود
تغير سيور
قواعد فتيس وماتور
الكاسيت بايظ
عزل العربيه من جوا مش حلو
سحب العربيه مش حلو
ترصيص
ظبط زوايا
وما خفى كان اعظم

انا تعبت والله العظيم

اولع فيها احسن ؟

**aldesha989** · 19-02-2013 02:04 AM

جزاك الله كل خير يا مهندس ايمن بس انا بتأكد قبل ما انزل من العربيه انها بطلت والكونتاك مقفول ولو لسه دايره او الكونتاك مفتوح بفتح الكبوت واهز الفيشه واتاكد انه بطلت وان الكونتاك قفل بعد كده بقفلها واطلع انا كمان بخاف والله من حوار البطاريه لان حوار شحن البطاريه ده مرهق ومجربه كتير فى العربيه القديمه لحد ما جبت جاز منه

**M.Ayman** · 19-02-2013 02:12 AM

المشاركة الأصلية كتبت بواسطة aldesha989

جزاك الله كل خير يا مهندس ايمن بس انا بتأكد قبل ما انزل من العربيه انها بطلت والكونتاك مقفول ولو لسه دايره او الكونتاك مفتوح بفتح الكبوت واهز الفيشه واتاكد انه بطلت وان الكونتاك قفل بعد كده بقفلها واطلع انا كمان بخاف والله من حوار البطاريه لان حوار شحن البطاريه ده مرهق ومجربه كتير فى العربيه القديمه لحد ما جبت جاز منه

كده تمام

و فعلا اسأل مجرب انا عندي مشكله كده برضه الكهربا بتتسرب و ركنت العربيه اسبوع او اكتر و دخلت العربيه مفيهاش حتي كهربا تنور الطابلوه

خدت العربيه في شارع رايح جاي زق و مرضتش تقوم العربيه برضه وصلتها بكابل في عربية صاحبي مرضتش تقوم غير بعد ما عملوا حاجه انا مش فاكرها قووا بيها الكهربا اللي جايه في الوصله اكتر لحد ما العربيه قامت الحمد لله و خدت بيها مشوار طويييل لحد ما البطاريه ظبطت و بعد كده بقيت بفصل البطاريه علشان متكررش الموقف السخيف ده

**aldesha989** · 19-02-2013 02:15 AM

المشاركة الأصلية كتبت بواسطة m.ayman

كده تمام

و فعلا اسأل مجرب انا عندي مشكله كده برضه الكهربا بتتسرب و ركنت العربيه اسبوع او اكتر و دخلت العربيه مفيهاش حتي كهربا تنور الطابلوه

خدت العربيه في شارع رايح جاي زق و مرضتش تقوم العربيه برضه وصلتها بكابل في عربية صاحبي مرضتش تقوم غير بعد ما عملوا حاجه انا مش فاكرها قووا بيها الكهربا اللي جايه في الوصله اكتر لحد ما العربيه قامت الحمد لله و خدت بيها مشوار طويييل لحد ما البطاريه ظبطت و بعد كده بقيت بفصل البطاريه علشان متكررش الموقف السخيف ده

والله فعلآ عندك حق بس انا حتى لو مش طالع بيها لازم انزل اليوم ده ادورها عشر دقايق واطلع تانى وخلاص لانى لو ماعنديش مشوار بكسل امشيها وارجع بصراحه ولو عارف انى هقعد فترة مش هطلع بيها هفصل البطاريه

بس انا بخلق لنفسى مشاوير

**AlGazar2** · 19-02-2013 03:15 AM

المشاركة الأصلية كتبت بواسطة aldesha989

ربنا يباركلك يا حبيبى
والله انا بتعامل مع ميكانيكى محترم جدآ وشغله نضيف وهو اللى كان بيجيبلى قرار اللى فيها بس انا اللى اليومين دول ماعيش فلوس ومش عارف اصرف عليها علشان كده الحاجات بتزيد وكمان هو من النوع اللى بيسمع منك على الحاجه اللى عندك مش من النوع اللى بيفتح ليك فى شغل لانه مش محتاج
يعنى بلى العجل انا كنت بحسب الماتور عالى هو طلع معايا جرب وقالى ده البلى بس ورجعنا الورشه وكشف على الاتنين قالى دول العجلتين اللى قدام وماكنش عايز يغيرهم غير لما يتأكد وكان زعلان ان فى العجلتين فيهم البلى
وحتى وهو بينزل زيت العربيه كان مستغرب بيقولى ايه ده هو ماكنش بيغير زيت خالص
فعلآ الزيت كان محروق مش مسود

وهو كمان اللى قايلى ان البك مسدود قولتله خلاص ننضف الكربراتير كله قالى خلاص شوف يوم تجيلى فيه على رواقان اطلعه برا وانضفهولك صح ونشوف البك المسدود
وبصراحه مره ظبطتلى الكهرباء بتاعت العربيه وعملى البوش اللى كان فى عصايه الفتيس وما اخدش الا عشر جنيه
بصراحه بيعملى شغل صح ومش بيفتح شغل ولا يعملى مصيبه ويقولى غير وخلاص
وبيأخد فلوس قليله

فعلشان كده بثق فيه وسئلته على سمكرى علشان ركبت مرايات اكسنت القديمه بدل المرايات الدوجان المعفنه قالى على واحد روحتله وركبهملى زى الفل وقعدهم فى مكانهم وشال حته من المثلث بتاعت المراية من غير ما يبوظ شكلها

وكان قايلى على كهربائى نضيف بس للأسف صنايعى من عن الكهربائى ده اللى اشتغل فيها وطلع خربق خالص علشان كده مش عايز اروحله تانى

بس الميكانيكى على ابوه بصراحه وبتعامل معاها انا وابن خالتى والحمد لله ماحدش بيشتكى منه

وربنا يبعت كهربائى عدل

كانك بتحكى على الميكانيكى بتاعى بالظبط

بص الكهربائى بقى ممكن تروحله تانى و تروح للاسطه الكبير بتاعهم و تقوله انا جايلك من طرف الاسطى كذا كذا الميكانيكى و ان انت جيت قبل كده و مفيش حاجة اتصلحت

او تروح للميكانيكى يوديها هو للكهربائى بمعرفته و الصنايعيه مع بعض بيجاملوا بعض

و مفيش فلوس يبقى تعمل الحاجات المهمه الى تأثر على حاجات تانيه زى البوش الى فى العفشه و الكتاوت و الكربراتير لانهم لو اتسابو هيبوظوا حاجات تانيه و اجل الكاوتش شويه و امشى بالراحه و شوف بتوقف فى قد ايه و زود عليهم حبه خصوصا على الكورنيش لانه على طول مندى ميه من البحر

**aldesha989** · 19-02-2013 03:21 AM

المشاركة الأصلية كتبت بواسطة algazar2

كانك بتحكى على الميكانيكى بتاعى بالظبط

بص الكهربائى بقى ممكن تروحله تانى و تروح للاسطه الكبير بتاعهم و تقوله انا جايلك من طرف الاسطى كذا كذا الميكانيكى و ان انت جيت قبل كده و مفيش حاجة اتصلحت

او تروح للميكانيكى يوديها هو للكهربائى بمعرفته و الصنايعيه مع بعض بيجاملوا بعض

و مفيش فلوس يبقى تعمل الحاجات المهمه الى تأثر على حاجات تانيه زى البوش الى فى العفشه و الكتاوت و الكربراتير لانهم لو اتسابو هيبوظوا حاجات تانيه و اجل الكاوتش شويه و امشى بالراحه و شوف بتوقف فى قد ايه و زود عليهم حبه خصوصا على الكورنيش لانه على طول مندى ميه من البحر

الله يكرمك الحمد لله

بس الكهربائى انا روحت اول مره قولتله قالى ماشى ودخل العربيه فى الحته دى قولتله ماشى وسابنى وراح يشوف عربيه تانيه لان عنده شغل كتير جدآ وواخد الشارع لحسابه علشان كده جايب كذا صنايعى علشان كده مش هينفع اروحله تانى لانه كمان غالى المره اللى فاتت اخد 40 جنيه فى تغير فيوزات
وقال ايه شغلى لمبة النور الصغير فى الفانوس وقال ايه حل المشكلة بتاعت الكونتاك بأنه ربط افيز على الفيش وشد على الدينمو علشان كان بيصوت واخد اربعين جنيه زى الضرب على القفا وعيل سيس ملهوش اى لزمه بصراحه

انا كنت بتعامل مع كهربائى الله يمسيه بالخير كان زى الميكانيكى كده كان يعمل الحاجه بتاعته ويأخد اللى اديله ويسكت
وماكنش بيقولى ﻻ الا انه مكانه مش ثابت وبتصل بيه اليومين دول وتليفونه مقفول لعله خير
وان شاء الله فعلآ اول حاجه هعملها الكربراتير والمقصات وموضوع الكونتاك ده وبعد كده واحده واحده هعمل الباقى لما ربنا يفرجها

وربنا يجازيك كل خير