بدون دعاية .. ايه محلات قطع الغيار الاصلية و الاستيراد و الميكانيكية الكويسين؟

**mtc_46** · 18-02-2013 11:07 PM

بعد اذنكوا يا جماعة
لو ينفع كل واحد يقول عربيته ايه .. و ايه افضل حد بتاع قطع غيار اصلية بيتعامل معاه .. و كذلك افضل حد بتاع قطع غيار استيراد (لو سبق ليه شراء حاجة استيراد) و عنوان المحل تفصيلا فين و رقم تليفونه لو موجود
و يا سلام بقى لو نفس الكلام بالنسبة للميكانيكية
كده اللى فينا يعوز يشترى حاجة ممكن يلف السوق كله بالتليفون و يعرف افضل سعر على طول
و بعدين نوفر على بعض تجربة الميكانيكية اللى معظمهم بيفتى

**mtc_46** · 18-02-2013 11:37 PM

و يا ريت يا جماعة كمان لو نقول تخصص الميكانيكى ( عفشجى - كهربائى - ميكانيكى - مركز خدمة متكامل - جهاز كشف اعطال ....... )

**AlGazar2** · 18-02-2013 11:56 PM

ابتدى انا
عربيتى نوبيرا - لانسر
قطع الغيار : المنير بفيصل - مركز اسمه النصر لقطع الغيار فى المعادى و اتعاملت مع المواردى مره فى المنيل معرفش رقم تليفونهم بس بشوف فى المعادى بكام و اقلل منها 5:10 جنيه و بيبقى سعرها عند المنير بفيصل
الميكانيكى : محمد رمضان فى منطقه اسمه الطيبى ( بعد كوبرى الطيبى على طول ) ميكانيكى و بيعمل شغل عفشه اسعاره كويسه جدا و هو صنايعى فاهم و الصنايعيه الى عنده كويسين و الى تحتيهم كويسين برضه
عفشجى و ظبط زوايا : مركز النصر بالمنيل فى شارح يوسف الدجوى راجل امين و بيعمل شغل مظبوط و مبيفتحش شغل و خلاص اسعاره غاليه حبه عن الميكانيكى فبتبقى على حسب الحاله الماديه بقى اروحله اكشف و يشتغل هوه او اكشف عنده و عند الميكانيكى و الميكانيكى يشتغل
كهربائى بشتغل بايدى فيها و الحمد لله مواجهنيش حاجة جامده فيها غير مروحه قفشت و ضربت فيوز فغيرتها و غيرت الفيوز
سمكرى على حسب بر

**m_medo** · 19-02-2013 10:22 AM

مكة لقطع الغيار.... امام جراج امبابة
ابو الحسن لقطع الغيار .... بين السريات

**هيثم الشرقاوى** · 19-02-2013 11:43 AM

عزيز سليمان فى التوفيقية ( قطع غيار )
الاستاذ فى الحرفيين
وبالنسبة للعفشة فى عفشجى حكاية وسعر لايقارن بس دة فى شبين لو حد قريب من هناك

**مصطفى عاطف** · 19-02-2013 02:18 PM

محل الروبى قطع غيار بالسيده زينب بجوار مستشفى المنيره

**msobhy** · 19-02-2013 04:33 PM

النترا - لانوس
لقطع الغيار الجديد رقم 1 المنير فيصل - يليه أبو الحسن بين السريات
لقطع الغيار المستعمل سوسو فى الهيونداى مالوش حل - قطع غيار الدايو شارع الملكه - فيصل
ميكانيكى للأسف مفيش وجربت شخص الكل بيشكر فيه هنا فى المنتدى وأستمريت معاه فتره طويله وأحد الاسباب الرئيسيه اللى خلانى أبيع العربيه هو الميكانيكى ده - بسبب أسعاره المهوله وبجد هو مش شاطر - يشغل لك عربيتك أه - لكن يظبطها لأ

**abo rodina** · 19-02-2013 05:28 PM

[QUOTE=blazer;3874821116]انا بحذر الناس من التعامل مع محمد عبده الميكانيكى الى موجود فى شارع العشرين بفيصل " وربنا هو الى شاهد على كلامى دا "

وكل واحد عاوز يروح ليه يبقى على مسؤليته الشخصيه

وهشرح الاسباب فى موضوع شخصى منفصل[/QU

وانا بضم صوتي لصوتك والميكانيكي ده بجد ينطبق عليه المثل الصيت ولا الغني