بصراحة انا عاجباني العربية جدا جدا وكنت خلاص هشتري بس بسبب ظروف اتأجل الموضوع شوية
بس قلت الحمد لله فرصة اني اتعرف اكتر ع العربية وعندي استفسار
انا ليا شخص عزيز عليا لما جيت اشتري اول عربية هنا فى مصر قاللى لما تشتري لازم تدور على اهم 3 حاجات فى العربية وهي :
1- توفر قطع الغيار وسعرها (باختصار تكون متوفرة برة التوكيل )
2-توفر الصيانة (يعني تلاقي حد برة التوكيل يعرف يشتغل فيها )
3- سعر اعادة البيع (يعني عربية بتمسك سعرها)
بالنسبة للنقطة الاخيرة اظن بالنسبالى مش هتبقى مشكلة كبيرة لانى قررت ما اشتريش غير كسر الزيرو
لكن سؤالي هنا ايه اخبار النقطتين اللى في الاول
يعني العربية دي ايه نظام قطع غيارها وصيانتها برة التوكيل