صيانة 120 الف للميجان برة التوكيل مع الاسعار

**Ahmed Selim** · 19-02-2013 03:04 PM

السلام عليكم

عملت امبارح صيانة ال ١٢٠ الف للميجان برة التوكيل مع تغيير كل السوائل علشان العربية كانت مرفوعة بقالها ٣ سنين.

مبدأياً الوحش ايمن momo10000 ظبطلي ميكانيكي من الهرم كان شغال في التوكيل و جالي لحد الجراج في مدينة نصر سايق عربيته الميجان و عامل الكنبة مخزن قطع غيار :-)

سألته الاول على طقم الكاتينة اللي معاه بكام قالي ب ٧٠٠ جم اصلي
كنت انا و ايمن جنب فرع القطامية دخلنا سألنا على الطقم طلع ب ٧٨٠ جم بالضريبة
اشتريته هو و سير الدينامو من التوكيل و كان ب ١٧٠ جم يبقي كده حسابهم ٩٥٠ و لقيتم طلعوا الفاتورة ب ٩٠٣ مش عارف ليه.

دخلنا بصينا على العربية طبعاً كانت مردومة تراب مع انها متغطية...... و طبعا مفيهاش بطارية

اشتريت بطارية AC Delco ٧٠ امبير ب ٥٥٠ جم و ركبناها و بسم الله ما شاء الله دارت على طول

بصيت عل الكاوتش لقيته كله مليان ما عدا واحدة

طلعنا العربية في النور و أبتدينا نرفع

فيه طبتين بلاستيك كانوا في التوكيل ب ١٦٠ جم و لقيتهم مع الميكانيكي ب ١٠٠ بس........مع انهم ميسوش اكتر من ٢٠ جم.

غيرت الاتي

طقم الكاتينة و سير الدينامو و الطبتين
فلاتر زيت و هواء و بنزين من مع الميكانيكي ما عد فلتر الهواء كان معايا واحد k&n جايبه من فترة
و البوجيهات و زيت الموتور و الفتيس توتال و زيت الفرامل bendix و مياه خضراء كلهم مع الميكانيكي

راجعنا على طرمبة المياه كانت كويسة مع انه كان معاه جديد و كان ممكن يقولي نغيرها

راجعنا على الكويلات و لاقاها سليمة

قفل شغله و اطمنا ان مفيش تسريبات و كله تمام و كنا مخلصين في ٣ ساعات

معايا أسعار قطع الغيار و الزيوت اللى اخدتها منه و شوية صور لطقم الكاتينة و الدينامو بس يومين كده و لاحاجة و احطهم

الميكانيكي أخد ٤٠٠ جم علشان جه من الهرم و ساب الورشة بس هو في الطبيعي بياخد ٣٠٠

باقي الحاجات من عنده كلها أتكلفت ٨٢٠ كلها و هبقى اجيب التفاصيل ان شاء الله

طبعاً فيه حاجات غريبة شوية حصلت زي رجة موتور و كتمة مع الكيك داون بس حصلوا مرة واحدة بس و الميكانيكي قالي امشي بيها يومين و لو فيه حاجة تانية نعملها الخميس او الجمعة......خصوصا اني كنت ماشي بالبنزين اللي في التانك من ٣ سنين :-)

كده مش فاضل غير اني أحط فريون علشان مفيهاش خاااااالص و أغير فلتر تكييف.

**MohammedAladel** · 19-02-2013 03:23 PM

ألف حمدا لله لسلامة وصولك يا أستاذ أحمد

ومبروك على الصيانة وربنا يبارك لك فيها كويس والله الميكانيكى معاه ميجان

طبعا أسعار الميكانيكى أوفر شوية بس هو تلاقيه واخد على دلع التوكيل بماإنه بيشتغل فيه

بس ياريت تقول لنا أنواع قطع الغيار كلها بالظبط

وعايز أعرف برضه إيه نوع البوجيه اللى بيركب لميجان فى التوكيل أنا شفت فى شارع دمشق بوجيهات مكتوب عليها رينو نحاس عادية خالص خاصة بالميجان بس كانت غالية شوية عن سعرها الطبيعى وقطبها نحاس برضه كانت ب 140 كنت أنا جايب طقم بوجيهات بوش ب 55 جنيه

**dedo_ryo** · 19-02-2013 03:24 PM

الف حمد الله عالسلامه يا استاذ احمد و الف مبروك الصيانه و عقبال جهاز ال usb كده لما يركب و ربنا يباركلك فيها

**MohammedAladel** · 19-02-2013 03:30 PM

نسيت أقول لك حاجة عايزك ترش المفصلات كلها ب wd40

وكمان عايزك تجيب سيليكون اسبراى وترش بيه الجلد الكاوتش بتاع الأبواب من جوا

وترفع العربية وترش منه على قواعد الشكمان وترش منه على قاعدة المتور اللى فوق وقاعدة الفتيس إن أمكن عشان بيطيل عمر الكاوتش ويعطيه مرونة أكتر

**fepsceasar** · 19-02-2013 03:37 PM

ممكن رقم الميكانيكي على الخاص

**ashraf3** · 19-02-2013 03:39 PM

الف مبروك وحمداً لله على السلامة

**MohammedAladel** · 19-02-2013 03:51 PM

المشاركة الأصلية كتبت بواسطة Ahmed A.Maksoud

السلام عليكم

عملت امبارح صيانة ال ١٢٠ الف للميجان برة التوكيل مع تغيير كل السوائل علشان العربية كانت مرفوعة بقالها ٣ سنين.

مبدأياً الوحش ايمن momo10000 ظبطلي ميكانيكي من الهرم كان شغال في التوكيل و جالي لحد الجراج في مدينة نصر سايق عربيته الميجان و عامل الكنبة مخزن قطع غيار :-)

سألته الاول على طقم الكاتينة اللي معاه بكام قالي ب ٧٠٠ جم اصلي
كنت انا و ايمن جنب فرع القطامية دخلنا سألنا على الطقم طلع ب ٧٨٠ جم بالضريبة
اشتريته هو و سير الدينامو من التوكيل و كان ب ١٧٠ جم يبقي كده حسابهم ٩٥٠ و لقيتم طلعوا الفاتورة ب ٩٠٣ مش عارف ليه.

دخلنا بصينا على العربية طبعاً كانت مردومة تراب مع انها متغطية...... و طبعا مفيهاش بطارية

اشتريت بطارية AC Delco ٧٠ امبير ب ٥٥٠ جم و ركبناها و بسم الله ما شاء الله دارت على طول
72 أمبير لو لقيت أكبر ماشى لكن أقل من كدا لا

بصيت عل الكاوتش لقيته كله مليان ما عدا واحدة

طلعنا العربية في النور و أبتدينا نرفع

فيه طبتين بلاستيك كانوا في التوكيل ب ١٦٠ جم و لقيتهم مع الميكانيكي ب ١٠٠ بس........مع انهم ميسوش اكتر من ٢٠ جم.

بتوع إيه دول يا صديقى ؟ هو العربية من تحت فيها أكتر من طبة فى جسمها من تحت
غيرت الاتي

طقم الكاتينة و سير الدينامو و الطبتين
فلاتر زيت و هواء و بنزين من مع الميكانيكي ما عد فلتر الهواء كان معايا واحد k&n جايبه من فترة
و البوجيهات و زيت الموتور و الفتيس توتال و زيت الفرامل bendix و مياه خضراء كلهم مع الميكانيكي

خدت كام لتر زيت فرامل وكام لتر مياه خضراء وزيت فتيس ؟ بس على فكرة شل أداؤه أعلى مع موتور ميجان عن تجربة المرة الجاية إن شاء الله عايز تغير توتال يا صديقى بالنسبة لزيت المحرك
راجعنا على طرمبة المياه كانت كويسة مع انه كان معاه جديد و كان ممكن يقولي نغيرها

راجعنا على الكويلات و لاقاها سليمة

قفل شغله و اطمنا ان مفيش تسريبات و كله تمام و كنا مخلصين في ٣ ساعات

معايا أسعار قطع الغيار و الزيوت اللى اخدتها منه و شوية صور لطقم الكاتينة و الدينامو بس يومين كده و لاحاجة و احطهم

الميكانيكي أخد ٤٠٠ جم علشان جه من الهرم و ساب الورشة بس هو في الطبيعي بياخد ٣٠٠

باقي الحاجات من عنده كلها أتكلفت ٨٢٠ كلها و هبقى اجيب التفاصيل ان شاء الله

طبعاً فيه حاجات غريبة شوية حصلت زي رجة موتور و كتمة مع الكيك داون بس حصلوا مرة واحدة بس و الميكانيكي قالي امشي بيها يومين و لو فيه حاجة تانية نعملها الخميس او الجمعة......خصوصا اني كنت ماشي بالبنزين اللي في التانك من ٣ سنين :-)
عادى يا صديقى ممكن تكون تهييسة من طرمبة البنزين

كده مش فاضل غير اني أحط فريون علشان مفيهاش خاااااالص و أغير فلتر تكييف.