سوزوكى sx4 سيدان ولا نيسان تيدا سيدان الاتنين اوتوماتيك

**halloween** · 03-08-2009 10:12 AM

انا عارف ان الفئه الاولى فى التيدا فيها اير باج واحده بس ولانى مهتم بالامان فده يخلينى مهتم بالفئه الاعلى
اعتقد سعرها 127,000
وال sx4 فيها 2 اير باج و سعرها 112,000
و ده يخلى فيه فى فرق مش قليل
اعتقد كمان ان التيدا تتفوق فى الاتساع الداخلى لكن شنطه ال sx4 اكبر من التيدا (هى التيدا مش صغيره بس ال sx4 اكبر

ياريت لو حد يقدر يدلنى على الفروق الفنيه
- قوه الموتور
- قاعده العجل
- الثبات
- الارتفاع عن الارض
- الصيانه و قطع الغيار
- المتانه و الاعتماديه
- سعر اعاده البيع

اكون شاكر جدا

**Ahmed.TV** · 03-08-2009 02:10 PM

شوفت التيدا من اسبوع وكانت ب114 الف فى المصرية وشوفتها وقالولى انها ى 2 اير باج وفرامل abs وبعد كدا سالت معرض تانى وقالى 111 الف وقريت لعضو هنا قالى بردوا انه جابها ب110 ونص الف وكان ممكن لو تقل فى الفصال يخدها ب110 الف فسعرها نزل ده اللى ان سمعته وشوفته ,وبصراحة دى اللى اخترهالك عن نفسى طبعا , والسوزوكى هى الميزة فى شنطتها واشعةجداااااا وبالنسبة لوسع العربية من جوة واسعة جدا بس التيدا واسعة جدا جدا , فالاتنين يبانى وممتازين بس ارشحلك التيدا , واستنى اراء باقى الاعضاء بردوا عشان يفيدوك اكتر

**Ahmed.TV** · 03-08-2009 05:46 PM

لا هى مفهاش جنوط ولا فوانيس ضباب بس فيها abs وكاسيت سى دى

**sasam6** · 04-08-2009 05:38 AM

من غير اى حاجة...اقولك اختار sx4

**halloween** · 04-08-2009 10:35 AM

المشاركة الأصلية كتبت بواسطة sasam6

من غير اى حاجة...اقولك اختار sx4

اشكرك على الرد بس ممكن تقوللى على اى اساس اختار ال sx4?

**sasam6** · 05-08-2009 01:15 AM

المشاركة الأصلية كتبت بواسطة halloween

اشكرك على الرد بس ممكن تقوللى على اى اساس اختار ال sx4?

على اساس الشكل مثلا عشان السوزوكى sx4 عربية جمدا جدا لكن التيدا شكلاها وحش وانا عندى الصنى كشكلا احلى....وكمان sx4 مش منتشره فى الشوارع اوى زى التيدا....يعنى هتركب عربية مميزة ومش شعبية....السوزوكى كشركة ارقى من النيسان...والاتنين سحبهم تقريبا واحد.......التيدا118 حصان وsx4 119 حصان....عشان ده كده اخترت الsx4....ولو مقارنات تانيه هتلاقى معظم النقاط ليها

**Ahmed.TV** · 05-08-2009 02:27 AM

موضوع شكل التيدا والسوزوكى دى اذواق , لان عن نفسى بعتبر دهر التيدا شبه المرسيدس وعربية شيك ومش وحشة فى الشكل اوى يعنى وواسعة موتتتتتتتت وغير كدا سمعة النسيان جبارة فى المواتير وخصوصا لما تكون عربية 100% يابانى وغير كدا التيدا مش منتشرة اوىىى فى السوق يعنى زى الصنى هو يمكن منتشرة شوية عن السوزوكى بس مش انتشار كبير عشان نقول عليها عربية الشعب زى النسيان صنى والانسر مثلا وبعدين كمان انا عن نفسى بحب التيدا كشكل عن النسيان صنى اللى لما ركبتها مع اقاربى وقعدت فيها حسيت بالشغل المصرى فى التقفيل فعلا والخامات , لكن لما قعدت فى التيدا تحفة فى القعدة والشكل جنبها ومفيش مقارنة بين الصنى والتيدا , ولما شوفت السوزوكى وقعدت فيها بردوا ومع انها واسعه بس مش حسيت براحة نفسية زى ما قعدت فى التيدا , عربية تحفة يا جماعة وواسعة ويابانى 100% وخامت تحفة بتتكلموا فى ايه