الموضوع: عفشة الصني 2012

المشاركة الأصلية كتبت بواسطة dr'ahmzzong

لو الموضوع متحلش : متسكتش ابدا عن موضوع العربية ده و لو موفقوش ..


حماية المستهلك و خوفهم بييييييه عشان العربية مش ببلاش

+1
ما ينفعش حضرتك تتحمل عيب صناعه كبير كده بيخللى العربيه تقف بحضرتك تماما بالشكل ده . طبعا هما فى عندهم إحساس بالمسئولية و بناء عليه بيتم تغيير قطع الغيار فى الضمان لكن برضه ما ينفعش حضرتك تلاقى العربيه وقفت بيك فى حته مقطوعه لاقدر الله و خاصه فى ظل الانفلات الامنى و انتشار البلطجيه و قطاع الطرق. حضرتك المره دى ان شاء الله لما تروح تستلمها و قبل الاستلام أطلب مقابله حد من الاداره او خدمه العملاء و احكى له عن الموضوع من أوله و كمان اعمل شكوى و فهمه المشاكل اللى بتحصل و ان دى آخر فرصه و خليه يستلم العربيه معاك و بعد كده جرب العربيه و الشكوى شغاله برضه و شوف لو العيب اتصلح كان بها أما لو حصلت مشكله تانى ارجع للمسئول و اطلب منه تغيير العربيه و يبقوا يجربوها هما بمعرفتهم و إذا حسيت ان مفيش الاستجابه المطلوبه هددهم بحمايه حقوق المستهلك بس ده خليه الحل الأخير و ربنا يسهل المره دى و المشكله تتحل اهم حاجه انك تشهد الراجل بتاع الاداره عن ان الموضوع لو اتكرر ان حضرتك هتطالب بعربيه تانيه علشان لو اتكلمت مع المهندسين هيتكلموا معاك كلام فنى و هما مش فى سلطتهم اكتر من كده و بالتالى هيبقى الكلام على الفاضى لان مش فى سلطتهم اتخاذ قرار زى تغيير العربيه و غير حمايه حقوق المستهلك هناك كمان نيسان اليابان بس حضرتك خليك ماشى معاهم بالترتيب و ربنا يسهل و الموضوع يتحل نهائيا المره دى و ما تحتاجش تعمل بقيه الخطوات و ابقى طمنا عليك

انا خلليتو يكتبلي على ورقة الصيانة ان انه غير الجنب اللمين كله في العفشة و ان الشاسيه سليم و ملعبش فيه

هروح اقيس الشاسيه برة وان مفهوش زرجينة و ربنا يستر بقا