اي لانسر تشتري

**Ramy.Gamal** · 01-08-2008 04:24 PM

المشاركة الأصلية كتبت بواسطة NYSMA

انا عن نفسي لو هاجيب حاجة ب 150 طب ماجيب ال CIVIC أحسن منها بكتير في الموتور والتكنولوجيا والفتيس .... (كل حاجة تقريبا)

وفي الاخر الأتنين موديل جديد وقطع غيارهم مش هاتبقى موجودة غير في التوكيل وغالية برضه

انا عرفت من ميكانيكي كان بيعمل شوية حاجات في اللانسر الشارك ان فلتر البنزين بتاعها موجود في طرمبة البنزين بس وبيتغير ب 600 جنية وماحدش بيغيره غير التوكيل

لكن لو الميزانية 100 الف جنيه يبقى البومة طبعا من غير كلام

السيفيك مفهاش غير الكماليات الاساسيه وبالنسبه لللانسر الشارك الاسبورت تعتبر السيفيك فاضيه مفهاش غير محرك جبار ووسع داخلى فقط انما منخفضه وقريبه من الارض وده ميزه كبرى بره مصر وعيب قاتل جوه مصر وبعدين افتح كبوت السيفيك هتلاقى محركها محطوط فى ربع متر انما الشارك ممكن تدخل تقعد جوه مع المحرك وانا شايف ان ده ميزه فى صيانه اللانسر . الناس ليه مش مقتنعه ان احسن عربيتين يابانى دلوقتى هما اللانسر الشارك والسيفيك لان المازدا عربيه تحفه مع توكيل مش معترف بيها ومش بيجيبلها قطع غيار و الكورولا مبقتش يابانى يبقى سيفيك ولانسر فقط

**Dr Ahmed** · 01-08-2008 06:07 PM

المشاركة الأصلية كتبت بواسطة NYSMA

انا عن نفسي لو هاجيب حاجة

انا عرفت من ميكانيكي كان بيعمل شوية حاجات في اللانسر الشارك ان فلتر البنزين بتاعها موجود في طرمبة البنزين بس وبيتغير ب 600 جنية وماحدش بيغيره غير التوكيل

أكيد تقصد إن الفلتر فى التنك
مش فى الطرمبة

البومة برضه كده
وفيه ميكانيكية كتير بيعرفوا يوصلوله ويغيروه

**mazen86** · 01-08-2008 09:30 PM

المقارنة ظالمة

للاسف

دي فئه سعرية ودي فئة سعرية تانية

وكمان دي شكل ودي شكل تاني خالص

ممتنع عن التصويت

**D . a .\ AYMAN** · 02-08-2008 12:46 AM

المشاركة الأصلية كتبت بواسطة ramylancer

السيفيك مفهاش غير الكماليات الاساسيه وبالنسبه لللانسر الشارك الاسبورت تعتبر السيفيك فاضيه مفهاش غير محرك جبار ووسع داخلى فقط انما منخفضه وقريبه من الارض وده ميزه كبرى بره مصر وعيب قاتل جوه مصر وبعدين افتح كبوت السيفيك هتلاقى محركها محطوط فى ربع متر انما الشارك ممكن تدخل تقعد جوه مع المحرك وانا شايف ان ده ميزه فى صيانه اللانسر . الناس ليه مش مقتنعه ان احسن عربيتين يابانى دلوقتى هما اللانسر الشارك والسيفيك لان المازدا عربيه تحفه مع توكيل مش معترف بيها ومش بيجيبلها قطع غيار و الكورولا مبقتش يابانى يبقى سيفيك ولانسر فقط

إزاي بس ياباشا انا بصراحة ركبت اللانسر الفول أوبشن كتير ... وقعدت بس كام مرة كده في السيفيك حسيت في الكام مرة دول ان اللانسر اللى انا بركبها فاضية جنب الأوبشن والتكنولوجي اللى في السيفيك بصراحة السيفيك وهم جنب اللانسر

وبعدين انا من بين الشركات اليابانية كلها أكتر شركات باحترمها هي هوندا بعديها ميتسوبيشي بعديها سوزوكي ... لكن تويوتا دي مابتنزلليش من زور ورأيي انها خدت سمعة في العالم كله بس عشان خاطر الكريسيدا والليكزس دول بصراحة اللى بعتبرهم اسطورة في الياباني وغلطة من تويوتا

وعموما برضة مش فارقة قوي ممكن برضه أركب تويوتا أي نوع لو حد جابهالى هدية مافيش مشكله

**D . a .\ AYMAN** · 02-08-2008 12:52 AM

المشاركة الأصلية كتبت بواسطة Dr Ahmed

أكيد تقصد إن الفلتر فى التنك
مش فى الطرمبة

البومة برضه كده
وفيه ميكانيكية كتير بيعرفوا يوصلوله ويغيروه

في الطرمبة ياباشا الميكانيكي قاللى كده وعلى فكرة هوة أصلا شغال في التوكيل الصبح عشان كده انا واخد كلامه ثقة شوية وعشان كده برضه مش أي ميكانيكي اللى يغير الفلتر بتاعها

**Rsarabia** · 02-08-2008 12:53 AM

نسمة انا شايف انك بتستخفى بتويوتا اللى هى نمرة واحد صانعى سيارات فى العالم 2008 يعنى مش اى كلام كدا دى عربية ممتازة فى كل حاجة و لها سمعة و لها تاريخ انا حاسس انك بتتكلمى عن الاسبيرنزا ولا بلاش لحسن حد من اخوانا بتوع المنتدى الصينى يزعل و يشاكلنى :)

**D . a .\ AYMAN** · 02-08-2008 01:23 AM

المشاركة الأصلية كتبت بواسطة Rsarabia

نسمة انا شايف انك بتستخفى بتويوتا اللى هى نمرة واحد صانعى سيارات فى العالم 2008 يعنى مش اى كلام كدا دى عربية ممتازة فى كل حاجة و لها سمعة و لها تاريخ انا حاسس انك بتتكلمى عن الاسبيرنزا ولا بلاش لحسن حد من اخوانا بتوع المنتدى الصينى يزعل و يشاكلنى :)

لأ انا ما باقولش انها وحشة بس باقول انها واخدة سمعة زيادة عن حقها بكتير
يعني الشركات التانية اللى انا ذكرتها زي الهوندا والميتسوبيشي برقبتها صراحة

انا بحس بالإنبهار والفخامة والراحة والرفاهية وانا راكب أي عربية هوندا وكذلك الميتسوبيشي انا ركبت هوندا وميتسوبيشي وتويوتا كتير جدا بكافة انواعهم التويوتا ماكانتش بتزيد أي حاجة غير انها كانت عربية كويسة فقط وشوفت منها سيئ كتير ... العربية الوحيدة اللى ركبتها واتوهمت منها في التويوتا هية الكريسيدا والليكزس وشهادة حق برغم اني مش بحب تويوتا قوي هما عربيتين اسطووووووووووووورة ده أقل ما يقال عنهم في القوة والتكنولوجيا اللى فيهم ... أه واللاند كروزر كانت جميلة جدا بس هية العربية الـ 4X4 الوحيدة اللى ركبتها جنب الشيروكي وطبعا مافيش مقارنة بين الشيروكي واللاند كروزر

وعلى فكرة انا برضه حاسس ان الباجيرو الـ 4X4 من ميتسوبيشي هاتكون أحلى من اللاند كروزر برغم اني ماركبتش الباجيرو خالص

**Rsarabia** · 02-08-2008 01:35 AM

الاند كروزر احلى من الباجيرو ؟؟ انا احتك

**Ahmed Samy** · 02-08-2008 05:46 PM

انا عرفت من ميكانيكي كان بيعمل شوية حاجات في اللانسر الشارك ان فلتر البنزين بتاعها موجود في طرمبة البنزين بس وبيتغير ب 600 جنية وماحدش بيغيره غير التوكيل

حضرتك اي طرمبة انجكشن فيها فلتر غير الفلتر اللي في الحوض
و هو فعلا غالي بس مابيتغيرش بكثرة زي الفلتر اللي في الحوض
و ياريت تقوللنا بتاع السيفيك بكااااااااااااااام

**D . a .\ AYMAN** · 07-08-2008 12:04 AM

المشاركة الأصلية كتبت بواسطة Ahmed Samy

حضرتك اي طرمبة انجكشن فيها فلتر غير الفلتر اللي في الحوض
و هو فعلا غالي بس مابيتغيرش بكثرة زي الفلتر اللي في الحوض
و ياريت تقوللنا بتاع السيفيك بكااااااااااااااام

بصراحة ماعرفش

مشاهدة نتائج الإستطلاع: تشتري شارك سبور ولا بومة سوبر اكشن

الموضوع: اي لانسر تشتري

LinkBack

أدوات الموضوع

عرض

-

-

-

-

-

-

المواضيع المتشابهه

لو انت مشتري جديد وحبيت تشتري لانسر هاتشتري اية

لو انته مكاني تشتري rb اتوماتيك الفئة التانية وكيل 2012 ولا لانسر الفئة الاولي

هل تشتري السياره ذات الماركة و الإسم المشهور أو تشتري ذات الكماليات بدون النظر للإسم

استطلاع - لو رجع الزمان كنت تشتري لانسر

قبل ما تشتري سيارة لازم تشتري الخاتم دة

الكلمات الدلالية لهذا الموضوع

المفضلات

المفضلات

ضوابط المشاركة