الموضوع: اي استفسار خاص بدهانات السيارات

المشاركة الأصلية كتبت بواسطة latif noshy

معلش يا باشا كان عندى استفسار : العربية اتحكت حكة خدت الباب الخلفى و الرفرف بس المعجون متشالش من الباب لكن اتشال من الرفرف ما مدى امكانية انى اعملها انا و ما الاشياء التى احتاجها مع العلم انى عارف كود اللون و السيارة رشت قبل كدة ولا لازم واحد بتاع دوكو

اولا اسف علي التاخير الطويل جدا بس الظروف اشد عامة ارد متاخر افضل من عدم الرد لازم حرفي هو الي يعمل الشغل ده

المشاركة الأصلية كتبت بواسطة hero_333

اخي الكريم محتاج مساعدتك في علاج فرقعه دهان العربيه وتصليح حبه خدوش ورش وش نظافه
انا عندي خلفيه بسيطه عن المعجنه والرش
عندي كمبروسور وباستوله وصاروخ
محتاج حبه نصايح في الدهان
الي اعرفه ان الاول اصنفر الاجزاء المفرقعه بورقه صنفره 60 مثلا
ثم سحبها معجون ميدو ومن ثم صنفره بورقه 120
ثد الرش بالفلر
ومن ثم الدهان المطلوب ؟؟؟؟

الاجزاء بتتصنفر بصنفره خشنه 60او 80 ثم 120 ثم صنفره ناعمه للسياره ككل علشان تطفي الدهان صنفره 320 ثم معجون علي الاجزاء الي محتاجه ثم صنفرتها بصنفره 120 ثم 320 ثم رش الفلر علي المعجون ثم صنفره السياره بالكامل بصنفره ناعمه 600 او 800 ثم 1000 او 1200 ثم الدهان وبالتوفيق واسف للتاخير الطويل علي الرد واتمني قبول اسفي

المشاركة الأصلية كتبت بواسطة omarkhaled55

انا كان عندى استفسار عن تكلفة رش
1- كبوت
2- سقف
3- اكصدام امامى وخلفى

الكبوت والسقف هغير لونهم من احمر لاسود
الاكصدام الامامى والخلفى رش نتيجة حكات وخرابيش من الركنة والطريق

اسف علي التاخير لو محتاج الاجابه لسه نوع السياره علشان اعرف الحجم ولونها ساده او ميتالك علشان اقدر ارد رد مفيد واسف للتاخير

المشاركة الأصلية كتبت بواسطة omarkhaled55

تكلفة رش اكصدامين وكبوت وسقف كام لو سمحتو الكبوت والسقف لتغير اللون فقط والاكصدام هيحتاج معجون

نوع السياره ولونها اذا امكن او لسه مرشتش مع انك اكيد تكون رشيت اسف علي التاخير

المشاركة الأصلية كتبت بواسطة اسلام السعيد

رش عربيه كريستاله 99 وش نظافه من الخارج تتكلف كام وايه احسن الخامات

كريستاله اكيد ميتالك من 1100 الي 1300 لو نوع الدهان المستخدم كابسي لان ده منتج مصري جودته كويسه وسعره معقول اما بالنسبه لاي نوع مستورد سكينز دييبر مثلا التكلفه لا تقل عن 2000 جنيه وارشح الكابسي . واسف علي التاخير

المشاركة الأصلية كتبت بواسطة spider9981

عاوز اعرف تكلفة رش البابين لهيونداى اتوووس كام وهو ممكن ارش بابين لوحدهم ولا لازم العربية كلهااا

هافترض ان لون السياره ميتالك لان الاتوس منزلش عليها لون ساده علي حد علمي التكلفه في حدود 350الي 500 جنيه هيترش البابين مع الرفرفين يعني جنمب العربيه مش العربيه كلها واسف للتاخير

المشاركة الأصلية كتبت بواسطة محمود الحنيف

السلام عليكم ورحمة الله وبركاته
ياريت تجاوبوني ضروري
لو عايز أرش العربيه (كيا ريو 2001) بس حاجه كويسه وف المعقول أعمل ايه وهتتكلف كام؟

لو لسه مرشتش اللون ايه ساده ولا ميتالك وحالة الدهان الي عليها ايه واسف للتاخير