الموضوع: اي استفسار خاص بدهانات السيارات

ان شاء الله هغير لون العربية للون اللانسر الفيراني
دورت لقيت ان ده كود اللون

A39, CMA10039 Graphite Gray Pearl

هو ده بيبقى مخلوط بحاجة تانية عشان موضوع ال Pearl ده؟
والكود هينفع الراجل بتاع الدهانات لما ادهوله ولا هو بيجيبه على لون العربية

المشاركة الأصلية كتبت بواسطة popahly

ألف حمد الله على سلامتك اولاً وقدر الله ما شاء فعل، اهم حاجة إنك بخير...

ثانياً شكراً جداً ليك على معلوماتك ونصايحك، هو بالنسبة للحرق مش هيكون بالكامل فى مناطق معينة فيها معجون كتير ومشقق...

فى حاجة جديدة جدت النهاردة ميكروباص خبطلى الإكصدام من الجنب قطع الإكصدام الفيبر، السمكرى قالى انه عنده مكنة او حاجة بتظبط وتلحم الفيبر، هل كافية انها تظبط القطع دا ولا للأسف ابقى مضطر اغير اكصدام، بس دا الإكصدام الأصلى..

الله يسلمك والحمد لله السمكري مش كل السمكريه عندهو لحام للفيبر انما بعضهم عندهم الخامات الخاصه بلحام الفيبر توكل علي الله

المشاركة الأصلية كتبت بواسطة msafa

ان شاء الله هغير لون العربية للون اللانسر الفيراني
دورت لقيت ان ده كود اللون

A39, CMA10039 Graphite Gray Pearl

هو ده بيبقى مخلوط بحاجة تانية عشان موضوع ال Pearl ده؟
والكود هينفع الراجل بتاع الدهانات لما ادهوله ولا هو بيجيبه على لون العربية

اولا كل الكود ده مش مهم المهم هو a39 وبعدين ال pearl والكلام ده كلام فني يخص صنايعي تدوير الالوان انت اللو ن عندك اساسا داخل كميات مش كبيره من الperal والكود ده موجود في العربيه اساسا ورايي الشخصي ان الصنايعي بتاع الدوكو هو الي مسؤول عن اللون يعني متحكمش رايك ان اللو ن يكون بالرقم هو مسؤل عنه افضل وانت ليك تستلم منه الشغل وربنا يوفق

المشاركة الأصلية كتبت بواسطة mohamed hasan

انا عربيتى رينو كليو 2004 انا داخل على فحص فى شهر 7 و عندى الفابريكا مبهدلة كلها خرابيش صغيرة و عندى الكبوت واحد ريح عليه طبقه زى كف الايد كدا بس جى فى حته الكبوت فيها فيه طبقة تانية من تحت معرفتش اعملها بايدى و عندى خبطة صغيرة فوق العجلة الشمال من ورا بس كدا هل ارش رش نضافة و لا ارش الرش العادى دا و ايه الفرق و يكلف كام

رش نظافه ده مصطلح مش اكتر ميفرقش اي حاجه عن الرش العادي هو بيتقال بس لما تكون العربيه نضيفه شويه يكلف كام علي وصفك العربيه مش محتاجه شغل كتير من 1200 الي 1500 جنيه بويه كابسي واعلي من كده علي حسب خامات الدهانات واسعارها

المشاركة الأصلية كتبت بواسطة amr_tika88

عايز اعرف بعد اذن حضرتك تكلفة رش بروتون واجا كلها
تتكلف كام تقريبا وانهي صنايعي نضيف ممكن ارش عنده بس
عايز العربية تطلع نضيفة
وشاكر جدا لمجهود حضرتك

ياريت حضرتك توصف الشغل الي في العربيه