اي استفسار خاص بدهانات السيارات

**bkr** · 29-03-2013 10:03 PM

المشاركة الأصلية كتبت بواسطة motazgamal

عايز اعرف تكلفة رش عربية 127 بعد السمكرة هل السمكري بيمعجن معاة العربية وهو بيسمكر ولا لا ولو هرشها هتبقي تكلفتها كاام والعربية بتاخد كام كيلو بويا وشكرا

اولا السمكري مالوش علاقه بالمعجون نهائي وتكلفة العربيه ال 27 حسب الحاله ومن الداخل والخارج ولا الخارج فقط بالنسبه لكام لتر بويه للسياره لو ساده 1.5 لتر ولو داخل وخارج مش اقل من 2.250 لتر ده غير ان اللون لو ميتالك بيفرق في طبقة الورنيش طبعا وهي نفس النسب البويه تقريبا

**mahmoudbadr** · 31-03-2013 12:04 AM

المشاركة الأصلية كتبت بواسطة bkr

وعليكم السلام ورحمة الله البويه ال glasurit بويه الماني محترمه جدا بس من النادر جدا تلاقيها في مصر الي ممكن تلاقيه بيبقي لوط وطبعا الورنيش افضل يكون نفس خامة البويه بتاعتها بس لو امكن تقول السعر علشان الافاده تعم

أنا سألت على السعر قال لى 360 بالتنر بتاعها

وفيه بويجى قال لى فى نوع منها مائى مش بالتنر و دى أفضل ب 600 جنيه

**bkr** · 31-03-2013 10:49 PM

المشاركة الأصلية كتبت بواسطة mahmoudbadr

أنا سألت على السعر قال لى 360 بالتنر بتاعها

وفيه بويجى قال لى فى نوع منها مائى مش بالتنر و دى أفضل ب 600 جنيه

السعر غالي علي انواع كتيره موجوده في السوق ونتيجها ممتازه اما بالنسبه للنوع المائي ده تكلفه علي الفاضي الي بيحصل في البويه المائيه ودي قليله اوي في مصر ان اي نوع من الدهانات سواء ساده او ميتالك بياخد طبقه ورنيش والبويه فقط هي الي بتكون تخفيفها بالماء وبعد كده بتاخد طبقه ورنيش اكريلك زي العادي بالظبط الموضوع كله للحفاظ علي البيئه ومش كامله لو كامله كانوا عملوا الورنيش مائي برضه

**أشرف العدوي** · 31-03-2013 10:58 PM

جزاك الله كل خير

**Ros** · 01-04-2013 05:01 AM

باشا تكلفه رش عربيه اكسيل اسود بصدفه كده او ميتاليك يعنى اسود شيك يكون نوع ايه ؟؟! و بكام

لقيت بوهيجى تبع سمكرى بيقلى 900 جنيه العربيه كلها و البويه rm و هتاخد اسبوع بعد السمكره

و لو تعرف حد استاذ ف شبرا مصر او الهرم ياريت تفيدنى

**msafa** · 01-04-2013 08:10 AM

انا عربيتي فابريكة بس فيها شغل كتير شوية فعتترش كده كده كلها

هل في دهان زي الفابريقة ميقشرش؟

سؤال تاني، هل صحيح ان الاكصدامات التقليد بتبقى بلاستيك مش فايبر عشان كده بتقشر ولا ده شغل صنايعي؟

والف شكر للموضوع و لافادتك

**motazgamal** · 01-04-2013 02:51 PM

المشاركة الأصلية كتبت بواسطة bkr

اولا السمكري مالوش علاقه بالمعجون نهائي وتكلفة العربيه ال 27 حسب الحاله ومن الداخل والخارج ولا الخارج فقط بالنسبه لكام لتر بويه للسياره لو ساده 1.5 لتر ولو داخل وخارج مش اقل من 2.250 لتر ده غير ان اللون لو ميتالك بيفرق في طبقة الورنيش طبعا وهي نفس النسب البويه تقريبا

مشكور علي الرد
انا قصدي العربية من برة بس مش دواخل

**ابو لؤى** · 01-04-2013 03:04 PM

لو هرش كبوت وشنطه وحته من السقف هتكلف كام العربيه 128 لونها احمر ميتالك

**bkr** · 02-04-2013 02:19 AM

المشاركة الأصلية كتبت بواسطة Ros

باشا تكلفه رش عربيه اكسيل اسود بصدفه كده او ميتاليك يعنى اسود شيك يكون نوع ايه ؟؟! و بكام

لقيت بوهيجى تبع سمكرى بيقلى 900 جنيه العربيه كلها و البويه rm و هتاخد اسبوع بعد السمكره

و لو تعرف حد استاذ ف شبرا مصر او الهرم ياريت تفيدنى

اولا rm مش ممكن 900 جنيه ولو عايز نصحيي بلاش ميتالك في الاسود لانه مش بيبا ن غير في الاضاءه العاليه غير كده الصدفه مش باينه اما بالنسبه للتكلفه مش اقل من 1200 حاجه تكون كويسه وهيرش كابسي مصري وده منتج كويس اي حد يقول ااقل من كده وكمان خامه مستورده اسف كلام مش مظبوط وبالنسبه انا بعت رقم لحد في شبرا علي الخاص عندك وربنا يوفق

-

الموضوع: اي استفسار خاص بدهانات السيارات

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

استفسار عن السيارات الاستيراد

زيوت السيارات استفسار

استفسار هام على جمارك السيارات

استفسار فى جمارك السيارات

استفسار عن بعض الرموز فى السيارات

الكلمات الدلالية لهذا الموضوع

المفضلات

المفضلات

ضوابط المشاركة