وأخيرا بمشيئة الله تعالي هامتلك فلوانس 2013

**Waleed_Fathy** · 20-02-2013 10:14 PM

المشاركة الأصلية كتبت بواسطة ymthmy

بس علي فكرة عندنا هنا 2012 و 2013 مفيهومش أي اختلاف عن بعض غير في حاجات بسيطة جدا
وأنا اخترت شكل 2012 بس موديل 2013 لأني لقيتها أشيك بكتير من جوة وخصوصا في الفئة اللي أنا جبتها اللي هي الهاف

حضرتك تقصد ان الشكل القديم ده كان بالموتور و الفتيس الجداد
لو لا يبقا هات الشكل الجديد لان الفرق مهم فى الموتور و الفتيس

**M.Moustafa** · 20-02-2013 11:11 PM

معلش يا باشا ازاي مفيش اختلاف، اولا موديل 2013 نازل بالفوانيس الجديده من قدام وده نفس الشكل اللي هينزل مصر وبالتالي قطع غيارها لو فكرت تنزلها مصر هيبقى افضل كتير خصوصا في الشبكة القدام والفوانيس. ده غير لما تيجي تفكر في بيعها الشكل الجديد هيبقى سعره افضل من الشكل القديم.

**ahmed_hanafi** · 21-02-2013 08:06 AM

الف مبروك وربنا يبارك لك فيها

**Land_Cruiser** · 21-02-2013 08:21 AM

ألف مبروك وخد بالك من المعلومه بتاعه ان التوكيل فى مصر ملوش علاقه بيها دى

**ymthmy** · 21-02-2013 12:04 PM

شكرا لكل الأعضاء علي نصايحهم الكريمة
بالنسبة لموضوع الشكل القديم والجديد فهنا مش فارق في حاجة بالنسبة للموتور والفتيس والتكييف كلهم بتوع نيسان أما الفروق الوحيدة في الشبكة والإكصدام الأمامي والعدادات ديجيتال وفي مثبت ومحدد سرعة أما خلاف ذلك فهما سواء وبصراحة لما تدخل جوه العربية تحس القديمة أحلي بكتير خصوصا في الفئة الهاف اللي أنا هاجيبها ان شاء الله
أما بخصوص التوكيل في مصر فبجد دي حاجة رخمة أوي إنما أنا عايز أسأل هل مقدرش أعمل صيانتها بره التوكيل خصوصا إن الشكل الجديد في مصر هايخلي قطع الغيار اللي هنا هي اللي في مصر
أنا الناس هنا عمالة تخوفني وتقوللي هات كورولا أو النترا عشان موضوع قطع الغيار وإعادة البيع وأنا بصراحة عارف الكلام ده كله بس العربية عجباني خصوصا ان في فرق في السعر والإمكانيات عن الإلنترا وفرق في السعر والشكل عن الكورولا
مش عارف أكمل في الموضوع وأنا وحظي وخصوصا إني دفعت مقدم ولا أحاول أسحب المقدم وأفكر تاني

**ymthmy** · 21-02-2013 12:08 PM

المشاركة الأصلية كتبت بواسطة m.moustafa

معلش يا باشا ازاي مفيش اختلاف، اولا موديل 2013 نازل بالفوانيس الجديده من قدام وده نفس الشكل اللي هينزل مصر وبالتالي قطع غيارها لو فكرت تنزلها مصر هيبقى افضل كتير خصوصا في الشبكة القدام والفوانيس. ده غير لما تيجي تفكر في بيعها الشكل الجديد هيبقى سعره افضل من الشكل القديم.

علي فكرة الشكل الجديد والقديم هنا غير الشكل الجديد والقديم في مصر
بس بالنسبة للشكل الجديد في مصر تساوي مع الشكل القديم والجديد هنا في موضوع الموتور والفتيس بس معرفش ظروف التكييف اللي بينزل مصر ايه لأن اللي هنا بتاع نيسان بردو

**walidzakzok** · 22-02-2013 12:15 AM

المشاركة الأصلية كتبت بواسطة ymthmy

شكرا لكل الأعضاء علي نصايحهم الكريمة
بالنسبة لموضوع الشكل القديم والجديد فهنا مش فارق في حاجة بالنسبة للموتور والفتيس والتكييف كلهم بتوع نيسان أما الفروق الوحيدة في الشبكة والإكصدام الأمامي والعدادات ديجيتال وفي مثبت ومحدد سرعة أما خلاف ذلك فهما سواء وبصراحة لما تدخل جوه العربية تحس القديمة أحلي بكتير خصوصا في الفئة الهاف اللي أنا هاجيبها ان شاء الله
أما بخصوص التوكيل في مصر فبجد دي حاجة رخمة أوي إنما أنا عايز أسأل هل مقدرش أعمل صيانتها بره التوكيل خصوصا إن الشكل الجديد في مصر هايخلي قطع الغيار اللي هنا هي اللي في مصر
أنا الناس هنا عمالة تخوفني وتقوللي هات كورولا أو النترا عشان موضوع قطع الغيار وإعادة البيع وأنا بصراحة عارف الكلام ده كله بس العربية عجباني خصوصا ان في فرق في السعر والإمكانيات عن الإلنترا وفرق في السعر والشكل عن الكورولا
مش عارف أكمل في الموضوع وأنا وحظي وخصوصا إني دفعت مقدم ولا أحاول أسحب المقدم وأفكر تاني

نصيحة مني ليك هات النترا او كورولا انت فى الخليج لازم تشتري بدماغ المكان اللي انت فيه

**ymthmy** · 23-02-2013 11:48 AM

محتاج أرائكم ونصايحكم يا جماعة قبل ما أمضي العقد
العقد هاييجي من البنك النهارده أو بكرة بالكتير

**ahmad--ezzat** · 23-02-2013 11:51 AM

مبروك بس هو في حد بيجيب رينو في السعوديه اصلاااا

انا اسمع انها قليله جدا

كنت تخليك في الياباني

عموما مبرووك :)

**Gamal.Eid** · 23-02-2013 12:10 PM

مبروك ياباشا اتكل على الله عربية ممتازة انا فى الرياض ايضا وسبقتك واستلمت نفس عربيتك منذ 10 ايام وعاملة حوالى 850 ك ونفس الفئة واللون كمان وكان امامى اختار الشكل الجديد بس حسيت ان القديم احلى برضه خصوصا الشاشة اللى فى نص التابلوه عاملة منظر للتبلوه ودى مش موجودة فى الشكل الجديد وبالنسبة للشبكة والفوانيس فهى ممكن تتغير للشكل الجديد والفوانيش هى واحد بس نازلة غامقة شوية فى الشكل الجديد والعربية انتشرت جدا بالرياض وتوكيل محترم النهاردة اتصلوا بيا من دبى عشان ياخدوا رايى فى التوكيل بالسعودية وهل فيه مشاكل فى السيارة ولا لاء كمان عندك سنتين صيانة مجانا وانا بصراحة جايبها عشان انزلها مصر بعد سداد تمنها ان شاء الله واخدتها مالك اول وبالنسبة للتوكيل فى مصر بعد ما الشكل الجديد فى مصر ما ينزل هيبقى هو هو نفس الموتور والتكيف والفتيس يعنى صيانتها هتكون متوفرة ولا تقلق وانا بالنسبة ليا فترة الضمان بتاعتها هكون باذن الله فى الرياض يعنى لما انزل مصر هتاج التوكيل فى الصيانة فقط او اعملها برة التوكيل اتكل على الله وهاتها عربية ممتازة وابقى طمنا على الاستلام وفرحنا معاك مبروووووووووووووووك مقدما