الموضوع: سير المجموعة دايو نوبيرا ( السير وقع يا جدعان )

السلام عليكم يا اعضاء احلى منتدى من شهر تقريبا غيرت سير كاتينة وسير مجموعة بالبلى المهم يوم الاحد الى فات لقيت السير بتاع المجموعة واقع اتصلت بالميكانيكى الى ركبة لاقيت تليفونة مقفول المهم روحت لواحد تانى والراجل مشكور نزل من البيت مخصوص وركب السير وقالى ان سبب وقوع السير ان بلية الشداد داخلة لجوة حوالى اثنين ملى ودى ممكن يكون ليها بلية من جوة دورها انها تنطر البلية شوية لبرة وتطبع على السير كويس علشان السير ميبقاش خارج سنة من البلية ووحدة وحدة يقع تانى المهم امبارح روحت للميكانيكى الاولانى الى مغيرلى البلية اصلا وقلتلو على اللى حصل قالى لا مافيش وردة بتركب ولا حاجة وقالى دى القطعة اللى بتتربط فيها البلية هيا الى بايظة ومخلية البلية تقلب لجوة سنه فتنطر السير معاك وقالى هاتها استيراد وهيا بيبقا معاها بلية الشداد كمان والبلية بتيقى الومنيوم مش فبر ذى اللى موجودة عند بتوع قطع الغيار وانا لما روحت وشفت البلية القديمة مالقيتش اسر لوجود وردة كانت راكبة عليها ولاحظت حاجة كمان ان البلية متاكلة من جوة وعملة زى شفة كدة من حرفها فممكن تكون القطعة اللى بيتسبت عليها البلية هيا الى بايظة فعلا ولا اية اية ، وكمان لو هيا اجبها استيراد ولا جديد وبكام ومنين واعتذر عن الاطالة وشكرا لاعضاء احلى منتدى والسلام عليكم

المشاركة الأصلية كتبت بواسطة kagawa

روح توكيل ابو الفتوح اللي في العباسيه
ها يغيرولك مجموعه شداد سير الدينمو الاصلي وسيبك من العك ده
انا حصلي زيك وعكيت وكانت العربيه هاتروح
لكن من ساعه من يوم ما غيرت مجموعه الشداد هناك وكل شيئ تمام
وخلي بالك ان تقل الدركسيون مرتبط بشده السير ده صح في النوبيرا

تحياتي
.
.

يا باشا مشكور على النصيحة بس استاذنك ممكن تقولى التكلفة كام بالظبط عشان انا لقيت القاعدة بالبلية استيراد ب 150 جنية فلو الفرق بسيط اجيبها جديدة افضل طبعا والسلام عليكم