دسك و اسطوانة الاوبل كورسا سيدان 2005

**emadhsobhy** · 20-02-2013 10:37 AM

الاخوة الاعزاء
عندى اوبل كورسا 2005 سيدان و عاملة 62 الف كيلو و خلال العام الماضي غيرت ليها الدسك و الاسطوانة (من غير البلية) ثلاثة مرات ايوه ثلاثة مرات مرتين منهم في الحرفين بدسك و اسطوانة ماركة الماني و اخيرا في التوكيل بنوع مكتوب عليه gm برازيلي
مش عارف ايه السبب
و الجملة اللي دايما بيقولوها انك حاطط رجلك علي طول علي الدبرياج و ده مش حقيقي غير لما ببقي في زحمة او علي كوبري زحمة و قاعد بالساعتين انقل اول ثم ثاني و بالطبع ده بيخلي رجلي علي الدبرياج بس مش معقول اغير الدسك و الاسطوانة 3 مرات في سنة و في اقل من 8 الاف كيلو
حد عنده سبب لكده؟؟
ايه احسن نوع دسك و اسطوانة علما بانه في التوكيل كتير ما بتكنش موجودة و غالية قوى و مصنعيىة تركيبها بتعدى 900 جنية و لازم يغيروا معاها البلية حتى لو سليمة يعني ثمنهم حوالي 4500 جنيىة الاتنين
هل في ورشة خارج التوكيل متخصصة في دبرياج الاوبل؟؟
ازاي اعرف انها بداءت تبوظ؟؟ و ايه الحل
و شكرا جزيلا

**kar!m** · 20-02-2013 11:50 AM

للأسف دي مشكلة العربية دي .. بس مش لدرجة 3 مرات في السنه طبعا .. انت يا اما طريقك كله زحمه .. يا بتحرق بالعربيه كتير .. و شوف الموضوع ده

http://www.nilemotors.net/Nile/290084-a.html

أفضل الأنواع اللوك و الساكس .. الجي ام اللي انت جبتها دي بتكون لوك .. بس جي ام هي اللي بتبيعها .. ب 925 جنية تقريبا الاسطوانة و الديسك بس.

حاول تجيبها من مكان موثوق فيه .. و تحاول تقلل من استخدامك للدبرياج شويه .. أو تبيع العربية دي و تجيب حاجه أتوماتيك و تريح دماغك :-)