فعلا ال 6450 اسمه مختلف بره مصر لكن هوا هواه لكن اللي ما فيهوش بلوتوث اسمه 7400 بره
يعنى معنى الكلام إن ال single بيدى rms أزيد من ال double طيب هل دا معناه إنه أفضل و لا مش شرط ولا إية ؟ :U_thin1[1]:
الحاجة التانية بقى , هل أنت تقصد إن الصبات الموديل ال 2013 إلى أنا كتبتهوملك دول لسة منزلوش ولا مش موجوديين أساساً بالاسم دا فى مصر و إسمهم مثلاً مختلف ؟ :U_thin1[1]:
أخر حاجة بقى عشان انا أتلخبطت :duh: , إية من الموديلاات الجديدة ال 2013 إلى انا كتبتهالك نزلت و إية منزلش أجيبة موديل اقدم 2012 مثلاً (غير الكاسيت طبعاً ) ؟
بص يا باشا اولا السينجل محتاج 400 عند 4 اوم عشان يقوم مش بييدي 400
لكن الدبل محتاج 800 عند 4 اوم عشان يقوم صح مش بيدي 800
يعني الدبل اقوي لكن محتاج جي ام خرجه 800 عند 4 اوم او 400 عند 8 اوم وانتا الجي ام بتاعك خرجه 400 عند 4 اوم اذن مش هايقومه صح
المتوافق معاك ال 1400 سينجل علي قد قوة الجي ام
ثانيا الصبات ال 2013 لسه ما نزلتش وهيا هياها موديلات 2012لكن الجديده الراق بتاعها محبب dimpled و2012 مش محبب . ناعم بس مش الفرق الضخم اوي يعني
وموديل 2012 ده لينكه [url=http://www.pioneerelectronics.com/PUSA/Car/Subwoofers/Champion+Series/TS-W309D4]TS-W309D4 - 12" Champion Series Subwoofer with Dual 4
معلش يا باشا لو هاطول عليك بس معلش احنا محلويه زي بعضينا مع الاحتفاظ بالمقامات طبعا يا باشا
انا مركب عندي كاسيت بيونير avh 4350 الي هو بيغير الوانه
4 سماعات سوني مدورين 350 وات دبل بيز علشان بصراحه مش عايز اقص في الصاج
بازوكا سوني 12 بوصه
جي ام سوني 600 4 تشانل
حلو
بص يا باشا انا في واحد قالي على جي ام سوني 1000 وات 2 تشانل للصبا بس بيكون صغير كده سعره 1000 جنيه تقريبا صغير زي الحاجات الصيني بتاع الميكروباصات الي بيكون لونها احمر دي بس بيقولي صوته على البازوكا الي كان مركبها عليه جامد فرق كبير عن اي جي ام
كنت عايز اعرف عن الفرق في الصوت بين الصب والبازوكا ايه
انا عندي صوت جوه العربيه حلو تمام بس الصوت بره العربيه مابيكونش باين وانت قريب من العربيه زي الناس الي بتمشي عامله فرح دي مش عارف ليه ولا بيز ولا صوت ممكن تفيديني
انا اسف اني طولت على حضرتك
يا باشا مقامات ايه بس دا احنا خدامين المحلاويه خاصه ومصر كلها عامه
بص يا باشا الجي ام 600 ده اخره يشغل الاربعه المدور ال 350
عشان البازوكه تقوم محتاجه 300 rms عند 4 اوم
وال 600 ده بيطلع 160 rms عند 4 اوم ×2
وال 1000 بيطلع 202 rms عند 4 اوم × 2 او 500 rms عند 4 اوم بريدج
بص انا شايف ان 1000 اللي هايطلعلك 500 هايبقي حلو بس كتير شويه علي البازوكه اللي عايزه 300 فممكن توطيه شويه عشان البازوكه ما تضربش . يا اما تجيب صب كمان وتشغله مع البازوكه علي ال 1000 . وال 4 المدور علي ال 600
والفرق ما بين الصب والبازوكه :
ان كلما البيييز نشف كلما طلع لبره العربيه وده بتعمله البازوكه
وكلما البييز بقي ناعم وطري كلما انتا اتبسطت واتكيفت منه جوه العربيه لكن ما يطلعش بره وده اللي بيعمله الصب
والجمع بين الاتنين يديك النتيجه المثاليه
اتمني اكون افدتك ولو في اي استفسار اتفضل
يا باشا تسلم الف الف شكر واحنا الي خدامينك يا باشا , واي استفسار في الميكانيكا او الكهرباء انا تحت امرك وتحت امر اي حد عنده اي استفسار
يا باشا لو عندك في مصر جي ام يطلع 400 rms عند 8 اوم انا بقولك هاته وتوكل علي الله
لكن ما فيش
بس الجي ام ده كويس وهايخليلك الصب يخليلك عضم العربيه يزننننننننن ويخلعهالك من بعضها هههههههههههههههه
ما تقلقش يعني
ولو تفتكر انا قلتلك هات 1000 او 1200 سينجل كويل وسماعتين بيضاوي وجي ام 4 قناه بايونير وهاتسمع احلي كلام
لكن الدبل كويل لو قام صح بيبقي صوته اجمد بكتييييييييييييير وبيعيش اكتر
كدا يبقى قشطة أوى
يبقى نتوكل على الله و نجيب الحاجة إن شاء الله
بس أخر حاجة عايزة اتأكد منها , الصب ال ts-w310d4 فعلاً لسة منزلش مصر أكيد و أقول للراجل على ts-w309d4 على طول من الاول ولا اكتبلة الحديث عرف يجيبة خير معرفش أديلة الأقدم ؟
اما الكاسيت والسماعات فموديلهم الحديث موجود مفيش منه مشاكل إن شاء الله صح ؟
تسلم ياحوده على الموضوع الجميل ده طيب مفيش حل عشان الصوت يرمى بره وجوه انا عندى صبتين و2 جى ام محترم بس نفسى البيز يرمى لبعيد رئيك لركبهم فى اسطوانات بازوكا بس مش عاوز اقفل الشنطه الصوت يروح لان مجرب فى الفيرنا تقفل الشنطه شكرا ونفس النظام لانوس تقفل الشنطه شكرا طيب دلوقت انا عند فى العربيه فتحه على قد صب بس جربت اسقط الصب الصوت تعبان والصاج بيزن هل لو جبت اسطوانه ونزلتها فى مكان الفتحه هكون تمام انا متاج بيز يرمى بعيد
توكل علي الله يا باشا وما تنساناش بتقرير
ال w 310 هو هواه w 309 الفرق الوحيد ان الراق بتاع الجديد محبب شويه مش ناعم زي القديم
بس اوعي تكون هاتروح تقول الراجل انا عايز ts-w309 d4 :alien01: ههههههههههههههه . انتا هاتروح تقول انا عايز صب بايو 1400 دبل كويل بس اوعي يديلك الموديل القديم . هات ال 309 ولو في 310 هاته يبقي تمام
انما لو هاتكتب لحد يجيبلك من بره ماشي
وحاول تجيب المكونات كلها من اوتو ماركت بايونير عشان تبقي الحاجه مضمونه وتلاقي الموديلات الجديده كلها عنده
يا باشا متشكر جدا علي زوئك احنا تحت الامر
عشان البيييز يكتمل لازم يبقي فيه صب في بوكس مقفول مش بفتحه بمقاسات الكتالوج
وصب في تيوب بازوكه اصليه طبعا بفتحه
الاتنين دول مع بعض يدوك بييز حلو بره وجوه ويبقي الدور الاهم علي الجي ام اللي هايقوم الكلام ده صح
اما موضوع انك تسقط الصب في فتحه ده عمره ما هايديك بيييز لازم سمك معين الخشب بمقاسات تعمل انضغاط هوائي محدد
ولو حطيت اسطوانة البازوكه تحت الفتحه هايديك صوت حلو لو المقاسات بتاعتها مضبوطه ومش قصيره . بس مش عارف ازاي هاتحط بازوكه بمقاسات مظبوطه واقفه تحت الفتحه اكيد هاتبقي بازوكه قصيره ومش مظبوطه
اتمني اكون افدتك
بالتوفيق
الله ينور عليك ياعنى فكره تسقيط البازوكا مش هيكون قد كده وبالنسبه للمقاس ياترى اقل مقاس اسطوانه كام طيب فى حاجه كمان واسف على الاطاله دلوقت انا ممكن اشيل الكوبسته الاصلى انا فاتح مكان اتنين بايونير رئيك لو عملت رف mdf بحيث اسقط فى البازوكا والاتنين البايونير هل الصوت هكون تمام لان كنت جربت اتنين بايونير بعد مافتحت كان الصوت تعبان ------------وفى سؤال كمان رئيك لو نقلت الصبين فى الصندوق ده انا كنتhttp://nileup.com/up/uploads/nilemotors_13632223151.jpg عامله من زمان شوف كده ده تصميم جايبه من على النت
وده اللى موجود عندى وممكن اعدل فى http://nileup.com/up/uploads/nilemotors_13632231741.jpg
هوا الرف ال mdf كويس بس مش هايعملك ثوره يعني في صوت السماعات . عادي يعني لو صوتهم مش عاجبك هاتلهم جي ام
الافضل ان البازوكه تكون اصليه وطولها بيبقي حوالي 80 سنتي وقطرها قد الصب
وسيبك من حوار تسقيطها في الرف ده مش هايفرق في حاجه
مقاسات البوكس اللي بفتحه لصبين :
الطول 90 سنتي العرض 39 سنتي العمق 35 سنتي والبوق طوله 15 سنتي
بخشب اسباني او mdf سمكه 20 ميللي
اللى موجود الطول 80 والعرض 39 ايه رئيك
العمق 25 والخشب من نوعيه التبن الممسوح 10 ملى والصندوق مبطن بالباد والسفنج والجلد مخدوم كويس خشب تبن زى ده وفى عندى صندوق كمان بنفس المقاسات
http://nileup.com/up/uploads/nilemotors_13633158081.jpg
ان شاء الله لو الصندوق نفع ممكن اعمل 2 بوق واوجهم فى الفتحه اللى فى الكوبسته وفى حاجه كمان انا اسف طولت عليك شوف كده مقاس البوكس ده كام وهل ده يرمى بيز بره وجوه مع قفل الشنطه http://nileup.com/up/uploads/nilemotors_13633165581.jpg
طوله كويس
ارتفاعه عايز يزيد 10 سنتي
عمقه قليل ومخنوق المفروض 35
والمفروض ان يبقاله بق واحد طوله 10 سنتي موجه للشنطه مش للكوبسته عشان يعمل موجات صوت جوا الشنطه
مش البق هوا اللي بيطلع البيز الموجات الهوائيه المتخلخله بالبيز هيا اللي بتعمل الصوت
ولو في الكلام اي استفسار احنا تحت الامر
موضوع هايل والله..تسلم ايدك ياباشا..
بالنسبة للسماعات الدبل بيز تفرق ايه عن السماعات العادي؟ واسعارهم تبدأ من كام؟
ههههههههههه
ياراجل مش للدرجة أدى يعنى , لية هو أنا رايح أشترى من خضراتى ولا إية ؟!!
الناس عندناهنا بتفهم برده :)
دا إذا كان هو نفسه إلى كان قالى إكتبلى إلى إنت عايزة فى ورقة و هاتهالى و أنا أجيبهوملك على طول إن شاء الله , حتى على ما أفتكر كنت قولتلة منين أو حاجة زى كدا قالى خش على النت و إنت هتلاقى الموديلاات كلها و شوف إلى إنت عايزة
و بالمناسبة , أنظف نوع أبلاكاش هو الأسبانى ولا فى أفضل منة ؟
إنت عارف بقى أنا من دمياط وعندنا كل ما تشتهى الأنفس :shine[1]:
تحياتى
ده ايه الموضوع الفاجر ده با دكتور واللله تسلم ايدك بجد على الاداء العالي والتقرير الي ملوش حل ده
الله يخليك يا باشا , ما هو دا عشمنا فيكوا برده ههههههههههه
إن شاء الله بس إنت إدعيلى إن ربنا يوفقنى كدا :praying: و أجيب الحاجة و أظبطها تظبيطة صح , و أنا بإذن الله أعملكوا تقرير جميل يفيد كل أعضاء المنتدى الكرام :S_thum1[1]::Bravo::vctry: