احلي تحيه وسلام للانسر ورجالتها اولا
بص يا فندم حضرتك لو سمعت صوت الفلاشه في الكاسيتات الجديده هتنسي السيديهات خااااالص وهيا طبعا هناخد كل الاعاني اللي انتا عايزها وصوتها هيبقي احلي
انا رأيي انك تسيب السي دي بلاير اللي تحت في التابلوه في مكانه زي ما هوا ينور مع التابلوه ويبقي منظر ولما هتيجي تبيع ابقي ركب الكاسيت الاصلي وعين الجديد بتاعك للجديد
بما انك محددتش ميزانيه فهنقولك علي كاسيت من احسن الكاسيتات اللي موجوده اللي هوا pioneer 6450 bt وده فيه كل الالوان اللي انتا عايزها وممكن الزراير بلون والشاشه بلون وممكن تخليه يغير الوانه اوتوماتيك مع الاغاني والشاشه فيها جرافيك ممتع graphic screen saver ده غير البلوتوث تقدر تتكلم منه مكالمات وتشغل الاغاني من موبايلك بحوالي 1200 جنيه دلوقتي
وله تقارير كتير هنا من تجارب الاعضاء ليه ومتركب في البومه
http://www.nilemotors.net/nile/377798-6450-dell.html
وعندك حاجات اعلي وحاجات اقل حسب ميزانيتك بس اهم حاجه تجيب بايونير ويشتغل علي السماعات اللي عندك عادي بس مش هتعلي قوي لانه كفيل انه يفرتكها
وبعد كده ان شاء الله تقدر تجيبله سماعتين كينوود بيضاوي 350 ب 400 جنيه تركبهم ورا وممكن تجيب بعدهم جوز بايونير مدور 180 وات ب 200 جنيه
وان شاء الله هتسمع صوت محترم قوي يعجبك
بالنسبه لإضاءة التابلوه فممكن تقرأ المناقشه اللي في الموضوع ده انا كنت مشارك فيه بمشاركه رقم 7
http://www.nilemotors.net/nile/371378-a.html