ان شاء الله بالتوفيق
ولو حد عنده اي استفسار يتفضل
ممكن سؤال ؟؟
هوا الحوار ده كله هيتكلف كام بالظبط ؟؟
حاجة تانية : هوا ايه لازمة 2 جى ام ماكفاية واحد بس .. وايه اصلا لازمة الجي ام ؟؟ هوا الكاسيت لوحده مش صوته قوى والبيز بتاعه جامد ؟؟ و ايه السماعات دى كلها هما يادوب سماعتين بايونير ورا وسماعتين مقاس 16 فى الابواب ولو هنزود يبقى 2 تريبل لكن ايه كل ده وبوازيك وحواديت هوا انا هعمل فرح العمدة ده انا جبت سماعتين هامر للكمبيوتر بعلى عالنص بس صوت البيز بيهز النجفه فى الاوضة وبيهز الارض والسقف عند الناس اللى تحت والصوت بيجيب لحد الشارع تحت امال لو عليت بقى ايه اللى هيحصل ؟؟؟ وكنت جايبهم ب 550 جنيه اخر سنة 2009
هههههههههههههه
روق كده ياعم انتا داخل شمال ليه كده
اولا عدد الصوت دي غيه . اللي غاويها سرقاه واللي مالوش فيها ماشي جنب الحيط وخلاص
تاني حاجه العده اللي بنتكلم عليها مش عده هبد ورزع ولا الهدف منها صوت عالي وخلاص
الصوت عباره عن موجات بترددات مختلفه . وكل مكون من اللي مش عجبينك دول بيدي تردد معين . ومع جمعهم بتحصل علي الصوت المكتمل المثالي . واللي هوا عباره عن صوت قوي مليان ومريح للودن ومهما سمعته ما تزهقش منه
احنا ممكن بجي ام واحد نشغل ده كله لكن هايبقي حمل عليه ويقلل عمره ويسحب كهربا كتير ويبقي حمل طبعا علي كهربة العربيه
معاك طبعا ان سماعتين وكاسيت بايونير كافيين . لكن لو انتا معتقد ان كده العده من غير صب ووفر تبقي كامله يبقي صدقني انتا فايتك كتير
ولو علي كلامك انك تجيب كاسيت بايونير وسماعتين بيضاوي وسماعتين مدورين وتويترات يبقي انا كده مش هازود عليك الا صب ووفر . يعني مافيش اختلاف كبير
اما بقي لو يهمك الاسعار
خد الكلام بقي وطبعا دي اسعار اليومين دوول الغاليه
الكاسيت والجي امات عدوا ال 3000 جنييييييه
والسماعات والصب والبازوكه والمصنعيات برده هايعدوا ال 3000 جنيه بالصلاه علي النبي
والموضوع تثقيفي لحضرات اعضاء المنتدي الكرام . مش الزامي يعني ...
انا رايق وزى الفل اهوه :10D5C8w1107: :36_1_34[1]: :coool:
انا عارف ان موضوع الصوت ده غية طبعاً واللى معهوش ميلزموش :colsmil:
وانا اصلا من هواة الميوزك والصوت الحلو النقى بس برضو عشان اصرف 6000 جنيه على ساوند سيستم بجد كتيير اوى ... طب اقولك على حاجة ... انا لو معايا همر H3 هقولك الدنيا حلوة ولوز اللوز
بس على فكرة الجى ام انا سألت عليه لقيته فى حدود 250 او 300 جنيه زى اللى التكاتك بتركبه وبتسمع المهرجان الجامد اللى بيشغلوه ده والكاسيت انا كنت جايبه ب 575 والسماعات البايونير البيضاوى رنج 350 لحد 500 جنيه يعنى المجموع كله تقريبا 1400 جنيه هنقول 1500 يبقى 6000 ليييييييييييييييييه :B4_592::toothgrin::hitwall3::dontudear:
والموضوع ياباشا زى الفل وميه ميه بجد وكفاية انك تعبت على ماعملته :tumb::verygood::shine[1]::_Alshmokh15[1]:
تمام انك كويس ورايق يا باشا
زي ما قلتلك الموضوع تثقيفي . مش الزامي , من باب العلم بالشئ يعني . يعني لما ربنا يفتحها عليك بالهامر يمكن تعوز موضوع زي ده . بس ما تنساناش ساعتها بس
وزي ما انتا قولت الموضع غيه . مش موضوع فلوس . والا كانوا يبقوا ال 1500 جنيه بتوع السيستم بتاعك بالنسبه لحد تاني مصاريف علي الفاضي وتبزير لكن عشان انتا غاوي : اشتريت
والجي امات انواع وقدرات مختلفه وبتبدأ من أول 35 جنيه وانتا طااااااااااااااالع
وأي حد بيطلب نصيحه هنا في المنتدي عن سيستم بيحدد ميزانيته وطلباته واحنا بنحاول نساعدد علي قد ما نقدر
وشكرا يا فندم علي تقديرك للموضوع . واحنا تحت امر اعضاء المنتدي المحترم
أولا تقرير جميل طبعا
ثانيا عاوز اجيب بازوكا و جي ام
ناس بتقول البازوكا jpl و ناس بتقول pioneer
انهي احسن من وجهة نظرك ؟ و الجي ام ال 400 وات 2 تشانيل هوصل عليه البازوكا بس .... كويس ؟ ولا لأ
و ياريت الأسعااااااار
شكرا لمجهودك
بص يا باشا
اولا البازوكه ال jpl دي خرافيه وبيزها ناشف جدا بس ده لو لقيتها اصليه لان اللي موجود منها 70% منه صناعته تعبانه او مضروبه
البايونير بيزها قوي ومش ناشف وممكن تقعد تسمع فيها ساعات من غير ما ودنك توجعك وقليل منها اللي مضروب وتعمل في حدود 630 جنيه
ودي عايزه جي ام كويس ليها لوحدها . ولان مفيش جي امات كويسه في مصر . يبقي المتاح السيمفوني ال 480 او 600 او700 ودول من اول 500 جنيه وانتا طالع
اولا السلام عليكم
ثانيا بجد حضرتك تسلم ع المجهود الكبير دا و جزاك الله خيرأ
وانا كان ليا استفسار انا اشتريت قريب عربية النترا 2009 خليجي الكاسيت و السماعات بتوعها صوتهم ممتاز لكن كنت عايز اركب صب عشان البيز و التربل ف استفسار هل الكاسيت بتاعها يقدر يرفع جي ام و صب و لا لازم اغير الساوند سيستم كله ؟ و لو يقدر تنصحني بصب و جي ام نوعهم و موديلهم ايه ف حدود من 1000 : 1200 ج ؟ و كل الشكر لحضرتك
بجدبجد بتفهم كويس جدا فى قم الصوت ومنظم ... بس عندى ملحوظة المشكلة فى الجى ام البايونير ان ملهوش قطع غيار فى مصر فلو باظ صعب لو مكانش مستحيل انه يتصلح رأى السيمفونى الكورى يبقى احسن عشان قطع غيارة متوفرة
حودا حبيبى فينك بقولك انا قررت اسيبنى من السونى بعد معاناه معاه
انا نزلت انهاردة التوفيقية دخلت على المول توكيل كينوود واشتريت سماعتين كينوود 400 وات دبل بيز ب 620 جند واشتريت سماعتين 270وات مدورة علشان الابواب الامامية ب270 جند
وتوكلت على الله ودخلت على ارخصهم وانا مقرر انى اشترى بايونير علشان زهقت من سرسعة السونى وسمعاته وكل اللى فى المنتدى هنا بينصحو بالبايونير
المهم قلتلة ياعم ادينى احدث حاجة عندك لقيتة بيطلعلى فى حاجات مفيها بلوتوث قلتلة لا انا عاوز بلوتوث وجرافيك رشحلى 6450 اشتريتة ب 1200
بس للاسف دلوقتى وانا بدور على النت لقيت الموديل ده
بايونير الإمارات - أنظمة الترفيه للسيارات, الصوت والفيديو, سماعات الرأس, منتجات الدي جي
شكلة احلى وبرضة فيه بلوتوث
بس مش كتير شوية 1200 ؟؟؟ انا جبت السنة اللى فاتت كاسيت بايونير برضه بس نوعه 1550ub
بس مفيهوش بلوتوث وكان عامل 575 جنيه وصوته محترم بجد
ميرسي جدا يا فندم احنا تحت امر اعضاء المنتدي الكرام
شوف يا فندم
بييز يبقي صب وجي ام
تربل دي بتيجي من التويترات والسماعات ودي ممكن تجيبلك تويتر با يونير 120 ب 150
بالنسبه للصب يفضل البايونير ال 1400 الدبل دين ب 400 جنيه
وتعمله بوكس خشب ب 150 جنيه
او ممكن تجيبه متقفل جاهز بازوكه ب 650 بايونير او jpl
والجي ام سيمفوني 700 ب 750 جنيه
بص حضرتك الكاسيت احتمال كبير يبقي مفيهوش من ورا مخارج rc اللي هيا بيبقي شكلها زي مخرج الاوديو والفيديو بتاع التليفزيون كده
والمخارج دي اساسيه عشان الجي ام بياخد منها اشاره ضعيفه جدا ويقويها ويعلي الوات بتاعها عشان يقوم الصب او السماعات
ولو مفيش مخارج ار سي يبقي هاتستعمل سلوك مخرجين من الاربعه اللي خارجين من الكاسي وتوصلهم علي وصله بفيشه بتركب في الجي ام اسمها high gain connection ودي بتيجي مع الجي ام
يا ريت لو حد يساعدني
حاليا عندي عده الصوت القديمة محتفظ بيها ف البيت وهي
كاسيت بناسونيك شرايط و اكولايزر جينسن 6006 و 2 سماعه بايونير بيضاوي 350 وات
اللي راكب ف العربية حاليا هي عده الصوت الاصلية بتاعتها وهي كاسيت هيونداي سي دي وفلاشة و راديو
و السماعات بتاعت العربية 2 قدام و2 ورا
اللي عاوز اعمله اني اركب كاميرا خلفية وعليه هكون محتاج شاشة او كاسيت استقبل عليه الصورة
وكمان بفكر اخلي كاميرا امامية وكاميرا خلفيه و2 كاميرا ف الاجناب فايه هو الكاسيت اللي ممكن يبقى مناسب لي
وهل ف حاجه من العده القديمة اقدر استعملها؟
تحت امرك يا فندم
بما انك ما حددتش ميزانيه هحاول اقولك الحل الاقل تكلفه
بص حضرتك . بالنسبه لسيستم الصوت :
هنستخدم الاتي
_الكاسيت الهيونداي بتاع العربيه
_سماعات الابواب الاماميه الاصليه
_ورا هنعمل رف خشب mdf نضيف ب 120 جنيه ونركب عليه السماعتين البايونير القدام البيضاوي ونوصلهم
_ لو انتا بتحب الصوت قوي ممكن نستخدم الايكواليزر اللي عندك ونوصل عليه خرج الكاسيت ونخرج منه الاربع مخارج للاربع سماعات ورا وقدام
بالنسبه بقي للسيستم بتاع الرؤيه اللي انتا بتفكر فيه ده ففيه حا جات كتير:
-كاسيت دبل بيعرض فيديو وكاميرا وده من اول 700 جنيه لحد 3000 جنيه وده اللي بييجي بفريم الطابلوه وبيركب علي الفيشه الاصليه وبيبقي شكله كانه نازل في العربيه اصلي وكله صيني
-كاسيت بايونير او سوني دبل dvd وده في حدود 2500 جنيه
-الحل الارخص بقي شاشه مرايه بتتركب فوق التابلوه او علي المرايه وفيها عرض كاميرا و بلوتوث وبلاي ستيشن ودراعات ب 400 جنيه
وطبعا كل اللي فوق ده هايعرضلك كاميرا واحد فقط وبتشتغل لما الفتيس تجيبه علي R بس
والكاميرا تمنها 120 جنيه تقريبا
- فيه بقي شاشه بيبقي معاها موديوليتر بيشغل 4 كاميرات وانتا بتحول من الموديوليتور ده ما بين كل كاميرا والتانيه ودي هتلاقيها في محلات الايكسيسوار والتعديل العاليه قوي زي go و enzo
إيه يا باشا الشغل العالي ده بسم الله ما شاء الله حاجة بجد من الآخر ... تسلم على الموضوع الجميل ده ...
مظبوط كلامك
لكن انا رأيي انك تخليك في الكاميرا الواحده والشاشه المرايا . ودول اكتر حاجه متجربه وما فيهاش مشاكل ومش هتخسر فيهم كتير لو ﻻ قدر الله حصلهم حاحه
ماشاء الله عليك ، ربنا يحفظك يا دكتور حوده
الف شكر
السلام عليكم
كنت عايز اسئل عن اية افضل كاسيت بايونير حاليا بفلاشة ويدى صوت كويس وسعره حلو
انا شفت موديل deh-x6550bt وكان عامل 1300 بدون تركيب تقريبا هل فية حاجة افضل واية الفرق ارجو الإفادة
بص حضرتك مادام انتا غاوي عدد بيبقي لازم تبقي عارف الاتي:
-البايونير كله صوته حلو واقل موديل فيه احسن من احسن نوع في غيره
-زي ما قريت في الموضوع الكاسيت بيبقي فيه حاجه اسمها مخارج ال RC
وفيه بايونير بمخرج ار سي واحد وفي باتنين وفيه بتلاته وكلما تعددت وزادت مخارج الار سي بتديك امكانية تركيب وتوسيع اكبر في العده فكل مخرج ار سي بتشغل عليه جي ام 2 قناه
-وعن تجربه الكاسيت اللي ب 3 مخارج ار سي بتبقي بوردته احسن وصوته احلي من اللي بمخرجين واللي بمخرجين احلي من اللي بمخرج واحد
الكاسيت اللي حضرتك بتتكلم عنه تحفه طبعا وفيه تحكم منفصل لتغيير لون الاضائه ( شاشه ومفتاح يمين وشمال ) لكن يعيبه بالنسبه لي انه مخرجين بس وبسعره تقدر تجيب 6450 BT وهوا زيه بالظبط بس 2012 وفيه 3 مخارج ب 1250
وكان في ليه موضوع قديم عامله العضو ميدو جزاه الله خير
http://www.nilemotors.net/Nile/315562-deh-6450bt.html
ولوعايز حاجه اعلي في ال 8450 BT ب 1400 جنيه ودي صورته وفيديو :
http://www.nilemotors.net/Nile/28420...bt-2012-a.html
ودي لينك اللاين اب كله بتاع 2013
http://www.pioneerelectronics.com/St...ct-Catalog.pdf
نزله واتفرج ولو عندك اي استفسار اتفضل بيه
اتمني اكون افدتك . بالتوفيق
تمام جزاك الله كل خير طبعا على الرد الوافى والرائع بص ياسيدى هقولك الوضع عندى عامل ازاى انا حاليا عندى كاسيت سى دى بايونير بس مش عارف رقمه ده موجود فى العربية عبارة عن سى دى وبيقرا فولدر وبيفتح الباب علشان السى دى يدخل ولونه سيلفر ده بدا يعلق و السى دى طبعا مش زى الفلاشة بس صوته بسم الله ماشاء الله انا عندى السماعات عبارة عن 2 تويت فى الابواب من عند المرايا و2 سماعة فى الباب الامامى وعندى فى الشنطة من الخلف بس بدون جى ام ولا اى حاجة تانية وانا الحمد لله راضى عن الصوت كدة المهم عايز اجيب كاسيت حلو بفلاشة ويدى صوت حلو اية اكتر حاجة اهتم بيها هل عدد مخارج rc ولا اية واية افضل موديل ليا دلوقتى بالوضع ده
بروفيسور حودة طبعا انا اضطرت اقراء الموضوع كله 12 بسببك وعشان عايز اعذبك شوية معايا
انا اتشجعت انى اعلى الساوند اللى عندى معايا بومة سوبر اكشن كلها استوك ما لعبتش فى اى حاجة فيها عايز اعمل Upgrade للسوند باى ميزانية بس مش عايز اعدل فى حاجة زى اقطع فى الصاج او العب فى ضفيرة تنصحنى باى...؟؟؟؟
وهل فيه كاست ممكن يركب مكان الاستوك و يشغل ال CD- Changer ولا هيبقى CD-Holder
وشكرا مقدما
أولا شكرا علي زوقك . انا دايما تحت الامر
انا شايف اللي مناسب ليك اكتر انك تفكر في كاسيت بايونير دبل زي ده كده :
http://www.pioneerelectronics.com/PU...vers/FH-X700BT
بلوتوث
او ده
http://www.pioneerelectronics.com/PU...vers/FH-X500UI
وده بيبدأ من 1200 لحد 1600 جنيه وطبعا فيه موديلات اعلي dvd
وده شكله هيبقي احلي عندك كتييييير في التابلوه بما ان عندك الفتحه دبل في التابلوه و كفيل انه يقوملك السماعات اللي عندك ويفرتكهملك كمان فبالراحه بقي عليهم
والخطوهلاللي بعد كده تبقي اتنين كينوود بيضاوي علي رف خشب متنجد نضيف كده علي الرف ورا وبعدها اتنين مدورين بايونير في البيبان
وبعد كده بقي لينا كلام تاني:glasses12:
ههههههههههه يا باشا ربنا يخليك متشكر قوي :Copy of new:
تبقي لو هنتكلم استوك يبقي مش هتقدر تغير تغيير جامد يفرق معاك بس هقولك علي الي عندي
الكاسيت ممكن تشوف سي دي اللي بينزل في البومه 2012 و 2013 الكينوود ده بيتهيألي يركب من غير تعديل علي الضفيره وصوته كويس بس هوا مفيهوش فلاشه هوا سي دي بس
السماعات بتغيرها بكمبوننت زي اللي في أول الموضوع ودي تركبها في البيبان
وتجيب بايونير 350 مدوره وتركبها مكان السماعات اللي ورا علي الرف
لكن :Zb_sor1[1]: عشان تحس بتغيير بقيمة اللي هتصرفه لاااااااازم كينوود بيضاوي علي رف خشب متنجد نضيف بعد ما تعين الرف الاصلي عشان ما تفتحش فيه ولا تبوظه وتفتحلها بس حته زياده في الصاج 5 × 10 سنتيمتر صغيره جدا مش هتأثر علي أي حاجه ودي هيعملهالك فني التركيب اللي هتروحله . ويكون فني محترم كده وفاهم وما تقلقش من حاجه
واللي قدام في الباب زي ما قلنا كمبوننت
اما الكاسيت فممكن تجيبلك حته 6450 بلوتوث وبيبقي جي معاه ضفيره وفيشه وبتاخدلها من سلوك الضفيره الاصليه وصله وبتركب في منتهي انمضافه مفيهاش اي قلق ومش هتقطتع الضفيره الاصليه هتاخد منها بس وصلات ,
وبكده هتستمتع بصوت محترم وقوي وهتحس بقيمة الفلوس اللي دفعتها :glasses12:
لو عندك اي استفسار اتفضل بيه ..
حبيبى يا بروفيسور
جاااااااااااااااااااااامد بيز و تريبل
حاسس انى سامع الصوت فى العربية جاااامد من مجرد كلامك
ان شاء الله هعمله و اقول لك على الجديد
مشكووووووووووووووووور بروف
نسيت تقول لى ال CD-Changer اللى عندى خلاص كبوت ولا ممكن يوصل على الكاست البايونيير 6450