الموضوع: بالصور . تقرير عن افضل عده ممكن تجمعها هنا في مصر

المشاركة الأصلية كتبت بواسطة dr_7ooda

منورين الموضوع يا رجالة المنتدي الكرام اهلا بيكم وما شاء الله المستوي علي

بصوا بقي انا عمري ما انصح حد انه يروح يشتري حاجه من التوفيقيه . انا لو هشتري هشتري منها انما ما انصحش حد بيها لانها مش مضمونه انما التاجر اللي بيبيع بره بيبقي فارز بضاعته كويس والوحش عنده بيقدر يصرفه ويا ريييييييييييييت اللي هيركب تكون العده من عنده عشان تجرب براحتك في المكونات وتبدل لو مش عاجبك

بالنسبه للكاسيت الدبل دين فهوا شكله احلي طبعا لكن لو هتقارنه بكاسيت زي ال 8450 فدي هتبقي مقارنه ظالمه طبعا في فرق في الايسيهات والمكثفات بتدي فرق في الصوت وعشان تجيب زيه دبل دين يبقي هتجيب اعلي حاجه زي الديفيديهات التتش ودي هتخش في 3500 جنيه عشان يبقي عندك نفس جودة الصوت
ومننساش ميزه مهمه جدا في ال 8450 انه 3 مخارج ار سي وده مش موجود في ال 6650 ولا 3650 دول مخرجين بس فامكانية توصيل الجي امات عليهم محدوده عن ال 8450

لازمة الكمبوننت بقي التويتر اللي فيه واللي بيوزنلك الصوت بتريبلاته وطبعا هتركبه علي القايم جنب ودانك او علي التابلوه والعده من غير التويترات دي هتفرق ولو جربت هتحكم والتويترات اللي في السماعه دي حاجه والمنفصله لوحدها حاجه تانيه وممكن تجيب تويتر بايونير ب 120 جنيه هوا 60 rms وتوصله علي جي ام وتسمع وتجرب وتعرف انه حاجه مختلفه عن اللي في السماعه خصوصا الكينوود لانه صوته مقفول وضعيف

بالنسبه بقي لموضوع كينوود وبايونير دي ازواق

انا بقول بايونير لان صوتها موزون مهما تعلي توطي متزهقش منها لان مفيش مكون من مكونات الصوت اقوي من التاني في البايونير عكس الكينوود اللي بالنسبالي مبطيقش بيزها الزياده لفتره كبيره ودي ازواق

بالنسبه للجي امات البايونير هيا انقي جي امات في السوق , هيا فعلا ضعيفه بس ده لو حملت عليها زياده زي قصة انك تركب علي جي ام 640 صبين 15 كل واحد فيهم عايز 450 وات بالميت عشان يبدأ يقول والجي ام اصلا بيطلع 220 مجموع كل قناتين ؟؟؟ , في حين انك ممكن تجبي صبايه بايونير دبل كويل 1400 وات 12 بوصه وتوصلها لوحدها علي الجي ام ال640 وات ده وتمتع نفسك , لان كده الصبايه قايمه صح وهتخليك تغيرلها بوكس كل سنه من كتر البيييز دا ان ما فكتلكش لزق عضم العربيه ورا من بعضه وللعلم وعن تجربه الصبايه ال 1400 دي كافيه جدا ومش هتقدر تستحملها اساسا ومش هتعوز معاها بوازيك ولا صبات تاني انما هيا عايزه بوكس محترم باكبر مقاس في كتالوجها

العدد يا جماعه مش بالكتره ولا بالفلوس . هيا انك توفق بس مكونات وتدي لكل مكون اللي محتاجه صح من غير ما يبقي في over load

بالنسبه للرف الخلفي يفضل انك تفتح في الصاج عشان ظهر السماعه كله يبقي جوا الشنطه فيقدر يخلل الهوا جواها فيبقي البيز اللي ناتج قوي

مبروك علي اللي هيجيب وتحت الامر في اي استفسار

انا اسف جدا ياحودة والله ماشوفت الرد بتاعك غير دلوقت بالصدفة
علي فكرة ردك زادني حيرة انا مش عايز ادفع فلوس كتير في الكاست يكفي حاجة ب 1000 او 1200 بس وانا معايا عربية هيونداي اكسنت ار بي 2015 الوش بتاع الكاسيت كبير ممكن اجيب كاسيت صغير واركب معاه علبة او ايه الطريقة بعيد عن التكلفة الزيادة

المشاركة الأصلية كتبت بواسطة dr_7ooda

يا باشا ولا يهمك احنا تحت امركوا
لو الكاسيت بتاعها شكله حلو سيبه وخلي الكهربائي يشغلك نوره مع التابلوه وركب الكاسيت الجديد تحت في الفتحه اللي فيها الولاعه والطفايه , بس ده عايز صنايعي فنااان ولو اتعمل حلو هيبقي شكل الطابلوه خرافي جدا

ربنا يخليك
انا عايز كاسيت يتحط مكان كاسيت بس مش بالسعر المبالغ فيه كتير عليا الصراحة خاصة اني خايف يتسرق في اي وقت لاني بسيب عربيتي في حتة تعتبر مقطوعة شوية فمش عايز اتحسر علي شيء ادفع فيه كتير
فهعل في حل لموضوع الكاسيت ده؟

حوداباشا انا بعالك رسالتين علي الخاص لاكن بدون رد علي العموم انا كنت عاوز اسئل علي الجي ام المناسب لبازوكا بايونير ونظرا لاني مش مقتنع ان ال4 شانيل هيقوم البازوكا full power فيدور علي واحد 2 شانيل افضل في ناس قالتلي 400 سيمفوني بس انا كنت عاوز اجيب ال 600 واشغلة مرتاح وعمر اطول وهل فعلا عن تجربة ال400 هيقومها ولالا خصوصا اني بفكر اجيب واحدة كمان فهجيب جي ام لكل بازوكا عشان اضمن ال full power
وشكراا

ممممممممم خلتني اعيد حساباتي اصل بصراحة ناس كثير بتقول مفيش حاجة هتقوملك الصبات والبوازيك زي السيمفوني وان البايونير من اضعف الجي امت في مصر ... طيب هو خارجة كام rms وسعرة كام ؟ ةهل انت جربتة فعلا طيب في ناس كمان قالت ان الكينوود افضل من البايونير شوية
وبالنسبة لل640 سيمفوني هل انت فعلا شفتة مقوم 2 بازوكا ! انا اسف ماقصدش اني اشكك في كلامك بس انا كنت عاوز ناس مجربة قبل ما اشتري اصل انت عارف ان 640 لو بيخرج 400 rms هتبقي متوزعة علي 4 تشانيل يعني كل بازوكا واخدة 200 rms يعني هيبقي فاضل عندب 150rms برضو مش شغالين عشان كدة كنت عاوز حاجة 2شانيل انا اسف اني طولت عليك بس انا فعلا محتاج معلومات دقيقة