الموضوع: بالصور . تقرير عن افضل عده ممكن تجمعها هنا في مصر

المشاركة الأصلية كتبت بواسطة shtiger

موضوع ممتاز جدا بارك الله فيك

عايز استشارتك في شراء كاسيت وسماعات

انا لسه شاري عربيه 127 وفيها كاسيت وسماعات تعبانين

المهم : انا عامل ميزانيه 1000 ل 1100 للكاسيت والسماعات

رايك اجيب اتنين ورا واتنين في الباب + الكاسيت ولا 2 ورا هيبقو كفايه بس بلاش جي ام انا عايز صوت نقي وفي بيز محترم

وهل اشتري الكابلات من راديو شاك ولا هيا بتيجي مع السماعات والكاسيت

لو في اي اقتراحات كينوود او سوني وابعدني لو تقدر عن البايونير لاني مبرتحلهاش نفسيا

آاااااااااااااااااااااااا ااه . كده نختلف يا معلم .
قبل اي حاجه متشكر جدا علي تقديرك للموضوع ومرورك الكريم

بس بصراحه انا مقدرش اوصفلك حاجه بعيد عن البايونير . كاسيت يعني بايونير . السماعات والجي ام والكلام ده براحتك بس الكاسيت لأ مينفعش والكلام عن تجربه صدقني مش تحيز
تجيبلك كاسيت 1450 بايونير ب 630 جنيه

وسماعتين بايونير 500 بيضاوي ب 300 جنيه

وسماعتين بايونير 150 وات مدوره ب 160 جنيه
كده الصوت يظبط معاك ويبقي تحفه

ممكن تجيب كينوود 500 بيضاوي ب 450 بدل البايونير
وممكن تجيب jpl مدوره ب 240 جنيه

بللتوفيق
.

المشاركة الأصلية كتبت بواسطة shtiger

شكرا جدا عالافاده

هيا القصه كلها اني سمعت البايونير مرتين في عربيتين معجبونيش عكس السوني والكينوود


طيب البايونير ال 1450 هو ده اللي تقصده





وايه افضل مكان اشتري منه التوفيقيه ولا ادريان

وكبالات الصوت اشتريها انا لوحدها من راديوشاك ولا لا

معلش تاعبك معايا بالاسئله

طيب طالما انتا سمعت البايونير ومعجبكش , فخلاص مش مشكله دي ازواق طبعا . بس انا بصراحه معرفش عن موديل سوني او كينوود يكون كويس ادلك عليه

الكابلات هتيجي مع العده : سلوك السماعات وضفيرة الكاسيت بييجو مع الحاجه في العلبه

المشاركة الأصلية كتبت بواسطة jon kyd

انا عندى عربيا هيوندى فيرنا
يعتبر من غير نظام صوتى .
معايا 2000 جنية
عاوز اركب حاجة تخلنى اسمع موسيقى من كل حاجة
يارت تقولى نظام
واركبو فين . و السعر و اجيب منين الحاجات دى
او قولى اجيب اية بظبط .
بس اعمل حسابك انا اللى هتقولو هجيبوا يعنى شوفلى حاجة حلوة لو اغلى 500 جنية مش هتفرق
معلش يادكتور هتقل عليك :]

يا جماعه انا دايما تحت الامر ,

جي ام بايونير 400 وات 2 قناه ب 350 جنيه
هتشغل عليهم سماعتين كينوود بيضاوي 500 وات ب 450 جنيه
دي عده منفصله عن عدتك الاساسيه

اللي هيا :
سماعتين بايونير 500 وات بيضاوي ب 300 جنيه
سماعتين بايونير 180 وات مدور ب 170 جنيه
كاسيت بايونير 2450 ب 700 جنيه

كده عده في حدود 2000 جنيه بس هتبهرك جدا

ولو عايز تزود هتجيب كمان صب 1000 وات بايونير او سوني او كينوود في حدود 350 جنيه
وهتجيبله جي ام 2 قناه زي السيمفوني كده 400 وات ب 350 جنيه

بالتوفيق يا فندم

المشاركة الأصلية كتبت بواسطة shtiger

معلش ممكن تفهمني حاجه صغيره

الكاسيت البايونير مكتوب عليه 50W x 4

وانت نصحتني بسماعتين 300 وات بيضاوي وسماعتين 150 مدوره

كده الكاسيت الخرج بتاعه قليل على السماعات ولا مظبوط يعني هحتاج كاسيت اعلى في الوات ولا ايه

وجزاك الله خيرا

لا لا خالص تشتغل عادي مفيش مشكله . القصه اكتر في قوة وجودة ايسيهات الصوت في مصدر الصوت
لمعلوماتك الكاسيت الخرج الحقيقي بتاعه 22 مش 50
والسماعه ال 500 المدي الحقيقي بتاعها 90
والسمعه ال 150 الحقيقي 35

لكن مهياش بتفضل شغاله علي ال 90 rms طول الوقت , ده المدي بتاعها او اقصي حاجه فيها وده حسب نقاء صوت الاغنيه اللي شغاله وقوة البيز ونوع الموسيقي اللي شغال

والاهم من كبر قوة الوات : هوا قوة ايسيهات الصوت نفسها
لان الوات هوا لتكبير واظهار قوة مكونات الصوت من المصدر , لكن لو مكونات الصوت اصلا مش قويه يبقي الوات ملوش لازمه

والقصه ببساطه بتبقي عن طريق التجربه فمتقلقش هتتبسط جدا
وعموما عدة الصوت بتبقي كويسه جدا في الاول ومع مرور الوقت ودنك بتتعود عالصوت وتبقي محتاجه حاجه اقوي فتزود جي ام او 2 او صب وهكذا