بالصور . تقرير عن افضل عده ممكن تجمعها هنا في مصر

**Hazeeeeem** · 19-01-2015 08:28 PM

طيب انا في حد قالي ركبهم وهاتلهم جي ام كينوود 300 او سيمفوني 350 .
الكلام ده صح ؟

**dr_7ooda** · 20-01-2015 02:16 AM

لأ مش صح مع الكينوود خالص هتلاقي صوتهم اعلي من تركيبهم عالكاسيت بحاجه بسيطه
انما السيمفوني هيقومهم ان شالله يكون 100 وات لكن مش هتستمتع بيهم وبصوتهم . كله بيز والاغاني كلها شبه بعضها ( توك توك ) زي ما التوك توك بيقلب في الاغاني بس تحس ان هيا كلها شبه بعضها

**Hazeeeeem** · 20-01-2015 11:04 AM

طيب قولى ايه الجى ام الكويس مع السماعات الكينوود الدبل بيز 600 و مع الكينوود دبل بيز 400

**dr_7ooda** · 20-01-2015 05:01 PM

بايونير 820 وات 2 قناه

**m7amd HALAWA** · 20-02-2015 02:11 AM

السلام عليكم
ازي حضرتك انشاء الله تكون بخير
انا كنت بقرا لك كل مواضيعك عن السماعات و ألصراحة أتعلمت منك حجات كتيره جداً
المهم انا معايا عربية سوزوكي فان ٧ راكب شغال عليها و ربنا المسهل
المهم فكرت أني أجيب عدة صوت كنت عايز أجيب سماعتين ٦٠٠ كينوود دبل و بازوكا جي بي ال ١٠٠٠ و جي ام بايونيير ٨٢٠ و كاسيت بايونيير المهم اتضح ان البازوكا مينفعش تركب عندي علشان ملهاش مكان خالص لا تحت الكنبة ولا ورات في الشنطة قمت جي جايب كينوود ٦٠٠ و بايونيير ٦٠٠ و كاسيت بايونيير DEH-x من اوتو ماركت اللي في المنوفية المهم الراجل قالي بدام انت مش هتجيب بازوكا يبقا هات جي ام ٤٨٠ أوفر لك انا لاقيته أرخص و هيبقا معايا فلوس لسا أجيب الصندوق الخشب و لسا السلوك و لسا المصنعية قمت جايبه
بعد ما رحت أركبها في مدينة نصر الصنايعي قالي الجي ام ده صغير اوي على الكلام ده هما ركبو و كل حاجة و في عندي bass جامد جداً بس قالي بعدين تبقا تجيب جي ام ٣٠٠ و ركبو على السماع تين البايونير ٦٠٠
انا بقا عايز نصيحتك و خبرتك ليا علشان انا مينفعش اركب بازوكا و عايز اسمع bass ملهوش حل
هل ينفع بدل البازوكا أجيب ٢كينوود ٦٠٠ دبل بيز زيادة على اللي معايا و حاطهم في الباب قدام و أجيب جي ام ٧٦٠ على الربعة كينوود و اخلي ال جي ام ال ٤٨٠ على الاتنين بايونيير زي ما هما ولا ايه ؟؟؟
و كمان الصنايعي ده صاحبي فا قالي على فكرة كدة قالي انا ممكن اخلي لك الساعتين ال كينوود يطالع لك بيز بس مش صوت و ده هيبقا بدل البازوكا و البايونير تبقا صوت هل الفكرة دي انت شايفها حلوة ؟؟؟

**dr_7ooda** · 21-02-2015 05:00 PM

اهلا وسهلا بحضرتك , شكرا علي مرورك وتقديرك للموضوع

بالنسبه لو انك عايز بيز يبقي لازم صب : ممكن الصندوق اللي بيتعمل تحت الكنبه يركب فيه صب 1000 وات بايونير او كينوود او سوني نايم علي الصندوق من فوق ووشه لللكنبه من تحت
وده هتجيبله جي ام 820 وات بايونير 2قناه او كينوود 1000 وات : هتوصل قناه منه بالصب ده والقناه تانيه توصل عيها الكينوود ال 600وات اللي عندك

انما تزويد السماعات هتيدك علو في الصوت مش اكتر انما لما مكونات العده كلها بتبقي موجوده بتديك الصوت مظبوط
يبقي كده هتعمل بوكس جديد للصب تحت الكنبه اللي ورا خالص , والبوكس اللي عندك محطوط تحت الكنبه اللي في النص

مش عارف بقي الجي ام ال 480 ده ونوعه ايه , لو سيمفوني يبقي خليه للصب الجديد , وهات الجي ام 820 البايونير للسماعات

السماعات ممكن طبعا تشتغل بيز بس لكن لما تعلي الصوت هترقع معاك وادائها مش هيبقي بقوة اداء الصب

تحت الامر في اي استفسار

**m7amd HALAWA** · 01-03-2015 03:59 AM

الف شكر لحضرتك على الرد
و كنت عايز أسئل بخصوص الصب اللي حضرتك بتقول عليه انا دلوقتي عندي في الكنبة
اللي ورى الفرق بين الكنبة و الأرضية بتاع حوالي ٢٨ سم بالكتير اوي هل المسافة دي تكفي لعمل صندوق صب و هل كدة هيبقا الصب مرتاح و هيطلع الbass قوي ولا هيبقا مكتوم
ثانيا انا حاطط السماعات في صندوق مكون من اربع فتحات و حاطه ورى في الشنطة بالطول مش تحت الكنبة
و في سؤال تاني معلش انا أسف انا عارف أني بتقل على حضرتك بس تقريبا انت الوحيد ألي بستفسر منه و بعمل على كلامك انا ظهرت عندي حاجة غريبة كدة في السماعات لما باجي اعلي الصوت يبقا مثلا على ٢٥ و يكون في اغنية فيها bass قوي اوي ألاقي السماعات فصلت مرة وحدة و لازم توطى علشان تشتغل دي بقا مشكلت ايه جي ام ولا سماعات مع العلم أني مركب جي ام بايونير ٤٨٠ على الأربع سماعات
شكرًا لحضرتك

**reda elgohary** · 01-03-2015 07:37 AM

مجهود رائع ربنا ييسر لك .

**dr_7ooda** · 03-03-2015 12:21 AM

المشاركة الأصلية كتبت بواسطة m7amd halawa

الف شكر لحضرتك على الرد

و كنت عايز أسئل بخصوص الصب اللي حضرتك بتقول عليه انا دلوقتي عندي في الكنبة
اللي ورى الفرق بين الكنبة و الأرضية بتاع حوالي ٢٨ سم بالكتير اوي هل المسافة دي تكفي لعمل صندوق صب و هل كدة هيبقا الصب مرتاح و هيطلع الbass قوي ولا هيبقا مكتوم
ثانيا انا حاطط السماعات في صندوق مكون من اربع فتحات و حاطه ورى في الشنطة بالطول مش تحت الكنبة
و في سؤال تاني معلش انا أسف انا عارف أني بتقل على حضرتك بس تقريبا انت الوحيد ألي بستفسر منه و بعمل على كلامك

انا ظهرت عندي حاجة غريبة كدة في السماعات لما باجي اعلي الصوت يبقا مثلا على ٢٥ و يكون في اغنية فيها bass قوي اوي ألاقي السماعات فصلت مرة وحدة و لازم توطى علشان تشتغل دي بقا مشكلت ايه جي ام ولا سماعات مع العلم أني مركب جي ام بايونير ٤٨٠ على الأربع سماعات
شكرًا لحضرتك

يا باشا متشكر علي زوقك اللي غرقنا فيه ده ربنا يكرمك يا فندم

بالنسبه للمساحه كده كويسه مفيش فيها مشكله

بالنسبه للفصل ده بقي لو العده كلها بتفصل يبقي ارضي الكاسيت مش مظبوط

لو السماعات اللي عالجي ام يبقي اتأكد من وصلاته الارضي والباور لو مظبوطين يبقي الحمل كده تقيل عالجي ام ولازم تريحه من سماعتين

**dr_7ooda** · 03-03-2015 12:31 AM

المشاركة الأصلية كتبت بواسطة reda elgohary

مجهود رائع ربنا ييسر لك .

الله يكرمك يا فندم متشكر لمرورك الكريم

الموضوع: بالصور . تقرير عن افضل عده ممكن تجمعها هنا في مصر

LinkBack

أدوات الموضوع

عرض

-

-

-

-

-

-

-

-

المواضيع المتشابهه

كار كير .... ممكن نعرف افضل الاماكن ؟؟!!

اجمد و أغلي عده ممكن تجمعها

اجمد و أغلي عده ممكن تجمعها 2

|| افضل كتاب لشرح ناقل الحركه او الفتيس شرحاً كاملاً و مدعماً بالصور || تحميل صاروخي

ما هى السيارة التى كنت تتوقع ان تجمعها تويوتا فى مصر

الكلمات الدلالية لهذا الموضوع

المفضلات

المفضلات

ضوابط المشاركة