الموضوع: بالصور . تقرير عن افضل عده ممكن تجمعها هنا في مصر

المشاركة الأصلية كتبت بواسطة ybiingo

طالب من حضرتك استشارة ف السريع.
عاوز اركب 6 سماعات اركب كله 500 بايونير ولا اجيب 4 500 و اجيب 2 600؟
واركبهم علي جي ام ايه؟
و عندي بازوكا اكس بلوود اجيبلها جي ام ايه؟
..
في حاجه تاني دلوقتي كنت هجيب كاسيت ناس قالولي هات كاروزيرا 6600 و هتبقي بتتحكم ف التشغيل وكل حاجه من الكاسيت الاساسي بتاع العربيه.
رايك ايه ق الموضوع ده؟
..
اخر حاجه ايه من كل ده .. اجيبه جديد وايه اجيبه استعمال وانا مش خايف .. مع العلم اكيد هشوف حد يبصلي ع الحاجات لو هشتريها مستعمله.
والاسعار بتاعت الليله دي ضرورررررري جدا
..
والف شكر لحضرتك ولتعبك معايا يا كبير <3

العفو يا فندم
مش هتفرق كتير ال 600 من ال 500 هوا تويتر زياده انما نفس القوه للسماعتين
هتشغل 4 علي جي ام بايونير 4 قناه و 2 علي جي ام 4 قناه وهيفضل فيه قناتين ممكن يشغلولك صب صغير 1000 وات او سماعتين مدورين للبيبان قدام كمبونينت

الكاسيت ده تحفه طبعا بس انا معرفش اشتري الكاسيت مستعمل لو الفلوس موجوده هتجيب اعلي كاسيت في البايونير السينجل دين ب 1600 فيه كل حاجه

علي حد علمي البازوكه دي 1300 هتعوز جي ام بايونير 820 . 2 قناه

المشاركة الأصلية كتبت بواسطة tamermegahed

الموضوع الجميل ده نام ليه طيب ان عندى استشاره لخبير الصوتيات
نزلت عندى في جده اجيب سماعات كينوود لقيت الأنواع ده

كينود 400 وات اندونيسى كانت 390 ريال ده الرق بتاعها كان فيبر وقالى ده موديل قديم
كينود 320 وات فيتنامي كانت 360 ريال ده الرق بتاعها كان قماش لونه فضى كده
كينود600 دبل بيز فيتنامى 450 ريال ده الرق بتاعها كان قماش وبصرحه كانت تقيله قوى

وسالت على جى ام في 400 2 شانيل كانت 280
وجى ام 800 4 شانيل كانت ب 350 وبيقولى في جى ام hq وفى عادى

دلوقتى كنت هجيب 600 كينود دبل بيز سماعات مع جى ام 800 كيينود ده كه تمام وهشغلهم على الكاسيت بتاع العربيه مع سماعات الأبواب ده السوال الأول

طريقه التركيب عايز يشيلى الفيبر الى ورا في العربيه ويركب رف ابلكاش ويكسر في الصاج عشان ينزل المغناطيس

بس لازم شيل الفبره ولا ممكن اركب عليها ايه الأفضل عشان مش يبوظ الشكل من ورا

وشكرا لردك السابق

العفو يا فندم
كل ما السماعات غليت بيبقي فيها اي سيهات قويه ,و بتبقي مميزه واحتمالية انها تبقي مضروبه او مقلده او تصنيعها جودته قليله بتبقي احتماليه اقل بكتير من السماعه اللي بتبقي سعرها مرتاح شويه
الدبل بيز هيعوزو جي ام 800 2 قناه مش 4 لو انت هتشغل سماعات الابواب علي الكاسيت مباشر
الجي ام الهاي كواليتي صوته انقي ويفضل للسماعات عن الصب
الرف الخشب اساسي والفتح في الصاج اساسي وكل ما الفتحه اكبر الصوت والبيز هيبقو اقوي عكس الفتح اللي علي القد مبيسمحش بكمية هوا كبيره تخلخل بواسطة رق السماعه جوا الشنطه فبالتالي البيز اضعف
انما الفيبره الاصليه مش هتستحمل الكلام ده وهتشخلخل وتخبط وتزعجك

المشاركة الأصلية كتبت بواسطة عمرولبيب

لو تتكرموا
عايز اجيب بازوكا سونى 1350 وات وسعرها ومكان بيعها المضمون ؟
وسماعتين كينوود دبل بيز بس مدورين اجيب كام وات وسعرها ومكان بيعها المضمون ؟
وعندى سماعتين بايونيير يبانى قدام 250وات بس شديده
جى ام سيمفوني 640 اربعه شانيل يستحملهم؟ ولا اجيب اتنين؟
وسعرها ومكان بيعها المضمون ؟
وشكرا

اسف علي التأخير في الرد واتمني انك تكون اشتريت قبل ما تتضاعف الاسعار
البازوكا كويسهبس لازم معاها بيضاوي مينفعش خالص مدور صوت البازوكا هيغطي اوي علي اي مدور هتبقي توكتوك بيز وبس
الجي ام السيمفوني كويس للصبات والبوازيك انما للسماعات لازم جي ام بايونيو او كينوود او سوني عشان تسمع صوت مفصل

المشاركة الأصلية كتبت بواسطة madoo_600

السلام عليكم اولا طبعا بحييكم على الموضوع الرائع
وبعد اذنكم كان عندي استفسار انا معايا سيراتو 2015 والصوت بتاعها بصراحه اقل بكتير من اللي قبلها اللي هيا 2010 فكنت عايز اركب عده محترمه يكون صوتها نقي بس من غير ما ابهدل العربيه وهركب على الكاسيت الاصلي تنصحوني بايه وياترى ادريان المهندسين افضل ولا كلاريون احمد عرابي في المهندسين بالنسبه للتركيب وشكرا ليكم

انصحك اولا بتغيير ال head unit لانها مش حلوه ومش هتساعدك علي عمل عده
ثانيا 4 سماعات بايونير مدور 350 وات للاربع بيبان
ثالثا رف ورا عليه 4 بيضاوي او 2 بيضاوي وصب وجي ام 4 قناه يشغلهم