أولوية تصليح حاجات لسيفيك 93 وسؤال عن اسعارها

**shesho** · 21-02-2013 11:11 AM

اولا :شكر خاص جدا الى سامح الراجل كلمتة اكر من مرة ويرد بمنتهى الود والاحترام ( مع اسئلتى الكتير )
كان رشحلى الميكانيكى دة ( فى اكثر من حد قالى علية )
المهم روحلتة امبارح وحدث الاتى :

1-كنت اشتريت كوعة المياة عشان يغيرها قالى اللى راكبة كويسة وبالنسبة الى التمليح دة خدم عليها بالسليكون الحرارى وركب الخراطيم تانى

2-لقى تسريب زيت باور من اليمين والشمال ( قالى هنجيب طقم اصلاح علبة دركسيون او اويلسيهات لعلبة الدريسكيون

3-بالنسبة للهبد من ورا كشق وقال محتاجين 2 جلب ركبة خلفى يمين وشمال

4-فى تسريب زيت اتوماتيك قالى هنركب اويل سيل كوبلن ( مع انى كنت جايب الاصلى ومغيرة من شهر )

5-اويل سيل بوجيهات

6-قاعدة فتيس خلفية

7-بيض دريكسيون خارجية يمين وشمال

وعمل حاجة كمان ان ظبط حساس الاتشوك عشان العربية كانت وهى باردة الار بى ام يوصل الى 3
وقفل البوجيهات عشان كانت واسعة

عمل السابق وخذ مصنعية 40جم

السؤال الحاجات السابق ذكرها بكام وابدأ منين يعتى الاهم فى المهم

وشكرا عل اهتمامكم

**SAMEH_FOUAD** · 21-02-2013 11:37 AM

ياباشا لاشكر على واجب احنا اخوات واسأل براحتك

هو كدة كل الحاجات اللى انا قولتلك عليها فى التليفون طلعت عندك , واعمل زى مانا قولتلك بالظبط الاهم فالاقل

وعشان التذكرة ابدأ بالاتى :

1- عمل طقم اصلاح لعلبة الدركسيون عشان ماتبوظش وتلحقها

2- اى تسريب تانى يتعمل مع علبة الدركسيون ( سواء من المحرك او الفتيس )

3- وانت بتركب علبة الدركسيون بالمرة عشان تبقى مصنعية واحدة هات بيض دركسيون

4- قاعدة فتيس خلفية

5- جلب مقصات خلفية

وكدة شكرا وان شاء الله ربنا يتمهالك على خير

ولو مش فاكر الاسعار قولى اقولهالك تانى