الموضوع: تجربتي المنيله ولله الحمد فى التفييم

رحت أفيم العربيه الزجاج الخلفي , فيمت الاول فاميه عادي وبعدين لقيته منغمش ومش واضح الرؤيه فيه مش أوي , الناس دلوني على واحد أسمه ابراهيم فى شارع دمشق , قالك عنده فاميه ضد الخدش ومش عارف ايه, قلت أروح اشوف!!!

رحت قلتله عايز افيم الزجاج الخلفي قالي 140 جنيه قلت ماشي يمكن الفاميه نظيف وحلو.
قلتله بس خلي بالك من الزجاج الحراري قالي تمام
قعد ساعه يعمل بالهوا السخن وحاجات عجيبه كده وحسسني انه بيعمل عمليه جراحيه
المهم طلعت من عنده , لقيت يا معلم الزجاج الحراري الخلفي كله اتحرق ماعدا 4 خطوط من 17 خط , والفاميه باين الفاصل بتاعه وحاجه زي الخره.

الواد الي فيم العربيه فى الاول فيمها فى ثواني ولا هوا سخن ولا اي حوارات وكان طالع 100 100 وكل الي دفعتهوله 25 جنيه.

يلا بقي نصيب وحسبي الله ونعم الوكيل فى الصنيعيه الجهله.

حبيت اقول كده عشان الناس الى بتفيم الزجاج الي ورا تاخد بالها كويس اوي ان الخطوط متتجرحش او تتقطع عشان بتبوز الزجاج الحراري الخلفي.
ومحدش يروح للنصابين الى بيجيب رول فاميه كله علي بعضه ميعملش 200 جنيه ويعملك حته منه ب 140 جنيه !!!!