بسم الله الرحمن الرحيم
هل فى حد من الاعضاء معاة لانوس و فيها غاز طبيعي !!
بصراحة انا بفكر احول لغاز بعد ما سمعت خبر شيل الدعم عن المنتجات البترولية .:120146b
يا ريت لحد معاة ينقلنا التجربة علشان كلنا نستفيد بيها .
و شكر مقدما .:tumb:
عرض للطباعة
بسم الله الرحمن الرحيم
هل فى حد من الاعضاء معاة لانوس و فيها غاز طبيعي !!
بصراحة انا بفكر احول لغاز بعد ما سمعت خبر شيل الدعم عن المنتجات البترولية .:120146b
يا ريت لحد معاة ينقلنا التجربة علشان كلنا نستفيد بيها .
و شكر مقدما .:tumb:
الغاز من ضمن المواد البتروليه فنظامه ايه فى الموضوع ده
و اللانوس فى منها غاز كتير و لو مشاويرك كتير يبقى هتوفر معاك جامد و وقت ما الماتور يحصله حاجة ارميه و هات استيراد تمنه رخيص
هو بصراح ماعرفش بس بلاش نستسلم ونقول نحول غاز ده مش طريقه لازم نقولهم لأ الفكر اللي بتفكرةا فيه ده فاشل ولا يجوزززززززززز :dontudear:
وعاوز قولك حاجه فيه ازمه غاز ومش باينه علشان احنا مافيش احتكاك كبير لينا بالغاز اما لو عربيات كلها او اغلبها غير غاز هيبقى فيه ازمه اكتر من البنزين ومش هيبقى فيه غاز ده فشل اداره البترول ولازم يفكروا بحلول واقعيه من غير مايقرفوا الناس
بس المهم سحب العربيه ايه مع الغاز زى ال90 و لا بطه بلدى
معايا غاز بقالى 5 سنين
4 سنين فى فيات 132
وسنة فى دايو لانوس 2002
انا هقولك على الخلاصة (الزتونة ) بتاعة موضوع الغاز دة
اولا سعرة جديد كاش حوالى 6500ج تقريبا
وقسط طبعا بيذيد تقريبا بيوصل 8000ج وكسور (الاسعار دى تقريبية)
مستعمل بيتراوح بين 1300ج الى 2000ج
وتلاقية عند الناس بتوع معارض السيارات المستعملة
ولازم يكون معاة الورق بتاعة
اللى هى المخالصة (يعنى لازم يكون خالص مش علية اقساط)
لان لو علية اقساط الشركة مش هترضى تركبة
مصاريف التركيب تقريبا 1000ج (شاملة بقة فحص اسطوانة ومواسير جديدة ووصلات وخراطيم ....الخ)
وعلى فكرة كل دة انت ملكش دعوة بية
انت بتروح الشركة تقعد زى الباشا تشرب شاى وتقريبا كل حاجة بتخلص فى حدود 3 ساعات وتمشى بالعربية غاز
التفويلة ب 6 ج بتعمل معاك حوالى 180 كيلو لو الموتور عادى ومظبوط
ولو الموتور على الشعرة (بقفلة مصنعة)يتعمل حوالى 200 او 210 كيلو
يعنى نقول اللتر ب 45 قرش بيعمل حوالى 13 كيلو تقريبا
تمام كدة
انت كدة ركبت غاز خلاص
ازاى تستمع بالغاز الطبيعى فى سيارتك بدون اى ملاحظات او مشاكل
اولا : اوعى تستخدم اى زيت غير فيسكو ngv ولونة اخضر فاتح
(لأن دة الشركة عاملة مخصوص للعربيات اللى بتشتغل غاز بنزين)
وسيبك من كل الهرى والفتاوى اللى ممكن تسمعها من سواقين التاكسى والميكانيكية
ثانيا : مع كل غيار زيت ارمى الفلتر وركب واحد جديد
ثالثا : اوعى تعمل اى حاجة فى الغاز (صيانة او ما شابة) برة الشركة
بس خلاص
لو عملت اللى انا قولت لك علية دة مش هيكون عندك اى مشاكل على الاطلاق
لان انا لما التزمت بكل دة مشيت بالعربية الفيات 132 اللى كانت معايا 131 الف كيلو متر على مدار 4 سنوات بدون عمرة للموتور ولا يحزنون
دة تقريبا الاطار العام بتاع موضوع تحويل الغاز
ولو عندك اى استفسارات انا فى الخدمة
فى السيارات التى تعمل بنظام الكربراتير القديمة بيقل سحب العربية 10% فقط وممكن تعوضة بالدوسة على البنزين
اما فى السيارات الجديدة الانجيكشن فتقريبا الفرق فى السحب 2 او 3% فقط وتقريبا مش ملموس
اما فى الافيو والمتسوبيشى لانسر والنيسان صنى الحديث...الخ فالسحب بيكون بقوة بنزين 95 ودة راجع لاختلاف فى نظام الحقن شرحهولى المهندس المتخصص وهو بيركب الغاز عندى بس بصراحة مش فاكر التفاصيل الفنية
بسم الله الرحمن الرحيم
الله ينور عليك على المعلومات الجامدة دى
الموضوع بصراحة انا اتعرفت على مهندس فى شركة الغاز و قالى انه هيعملهولى استعمال و يكلفى فى حدود 1600 الى 1700 جنيها شامل كل حاجة
و بضمان سنة ذى الشركة
و انا طبيعي بستعمل زيت فيسكو 3000 اخضر غامق
يعنى نحول على ضمنك
و اية اخبار السرعة و هل بتعدل حاجة فى العفشة الخلفية ؟؟؟
اولا بالنسبة للسعر فهو كدة لقطة لو شامل التركيب وفحص الاسطاونة (واوعى تركب من غير ما تعمل فحص للأسطوانة دة امان ليك وب 100ج بس)
خلى بالك الغاز بيكون كامل (اسطوانة+المكسر+ 2جهاز الكترونى مش فاكر اسمهم بالاضافة لشوية رفايع)
ومتنساش الاوراق بتاعة الغاز
ثانيا موضوع ضمان سنة على المستعمل دة انا مستبعدها تماما لان فية اجراءات ورقية تتم في الشركة بناء على صرف مكونات الغاز الجديدة من مخزن الشركة وعلى الاساس دة بيطلع الضمان للغاز الجديد
بالنسبة للزيت هو فيسكو ngv وخلى بالك من ngv لان دة الزيت المخصص للغاز وسعرة 70ج بس مش فاكر بصراحة هو مكتوب علية 3000 ولا لأ لان كل اللى يهمنى انة يكون ngv
بالنسبة للسرعة انا لسة جاى من على الدائرى الشرقى ومروح للعاشر من رمضان وماشى بسرعة 150 عادى جدا وباخد غرز والعربية ثابتة واستجابتها عالية
بالنسبة للعفشة الخلفية لو انت بتحب العربية بتكون عالية عن الارض زى حالاتى فهتروح للعفشجى يركب لك ورا علايتين كوتش 7سم (اعلى حاجة)ومش هياخد منك 20ج مصنعية او 30ج بالكتير اوى وبيركبوا في ربع ساعة
ولو مبتحبش العربية عالية قوى هتركب العلاية اللى اقل منها شوية (حوالى 4 او 5 سم)
بس لو قررت خلاص انك تركب العلاية الكبيرة قوى قولى عشان فية تعديل بسيط اوى وتافة هتعملة في المساعدين اللى ورا (دا لو انت غاوى عربية عالية زى حالاتى)
من واقع خبرة 5 سنين مع الغاز طول النهار ممكن يكون ضغط على المحطات بسبب التاكسيات
فانا معود نفسى اشحن غاز بالليل وانا مروح وفى الحالة دى بخش على البنزينة مبقفش ورا عربية
بس على فكرة اللى بيعمل زحمة في البنزينات العادية
اولا ان الخزان بتاع البنزينة بيفضى زى اى خزان (الغاز مافيهوش الكلام دة)
ثانيا ان البنزين بيتباع في جراكن ودة بيفاقم من الازمة (ودة مش موجود في الغاز)
الغاز مبيتقطعش من المواسير نهائى
بس انا كنت اسمع ان الغاز بياكل فالموتور و بيقصر فعمره بشكل ملحوظ ياترى الكلام ده ايه مدى صحته
بصراحة انا استفدت جدا من المعلومات القيمة اللى فى الموضوع ..واعتقد ان ده الحل الامثل للمشكلة بتاعت البنزين والطوابير اللى بقت تخنق.يبئا كده عندك بديل افضل من انك تكون مجبر تقف فى طوابير.
اولا لو انت التزمت بالزيت المخصوص وتنزلة على 3000كيلو وغيار الفلتر مع كل غيار زيت وعدم العبث بصيانة الغاز برة الشركة انا زى ما قلت قبل كدة مشيت بالفيات القديمة اكتر من 130 الف كيلو بدون عمرة
واللانوس دلوقتى معايا بقالها سنة والحياة جميلة
ملحوظة هامة :الصيانة فى شركة الغاز عبيطة جدا المصنعية عندهم بتندرج تحت اسم (امر شغل) ب15ج بس ة يعنى لو حبيت تظبط الغاز فى اى وقت لو عندك اى مشكلة من المشاكل العادية االى ممكن تحصل لاى عربية فى الغاز (ظبط يعنى)
دة غير ان قطع الغيار كلها بتبقى موجودة فى الشركة مش نظام دوخينى يا لمونة فى اللف على المحلات وكلها ايطالى اصلى ومعمرة جدا
ثانيا السبب الرئيسى والوحيد لاستهلاك المواتير هو استخدام نوع زيت غير المعتمد وتغيير الفلتر بعد غيارين او 3 غيارا زيت (توفير يعنى) والسير بالزيت مسافة اكتر من المقرر لة
ثالثا تعالى نحسبها بالراحة
متوسط العمرة للموتور بتكون على 150 الف كيلو
لو افترضنا انك بتحط بنزين 80 ومعدل استهلاك البنزين 9 كيلو للتر (دة المعدل المتوسط)
يبقى انت هتمون بنزين بحوالى 13000ج وكسور
وبعدها هتعمل عمرة
طيب بالنسبة للغاز
هنقول ان العمرة هتكون على 140 الف كيلو مثلا (اقل يعنىمن البنزين)
وبما ان متر الغاز ب 45قرش بيعمل 13 كيلو
يبقى انت هتشحن غاز حوالى 500ج تقريبا هيعملوا معاك ال 140 الف كيلو
طب لو انت بتمون بنزين 90 او 92
احسب بقة الارقام المرعبة وقولى على النتيجة
بسم الله الرحمن الرحيم
طيب لو انا اشتريته مستعمل
هل لية ورق مطلوب
و اية هو الورق دة
و اية فايدة او استخدم
يا باشا
الورق دة عبارة عن ورقتين لو الغاز اللى هتشترية كان قسط
الورقة الاولى هى ورقة التعاقد بين صاحب الغاز والشركة
والورقة التانية (ودى الاهم) هى المخالصة اللى بتقول ان صاحب الغاز سدد اللى علية للشركة
لان زى ماقلت لك قبل كدة ان الشركة مش هتركب غاز مستعمل الا لما يكون خالص
والورقة التالتة ان صاحب الغاز يعملك مبايعة بالغاز
لكن فى حالة لو الغاز صاحبة كان مركبة كاش يبقى مش هتحتاج غير المخالصة والمبايعة
واتفق معاة ان لو فى اى عيب فى المكونات يخصم من الثمن
على فكرة الغاز الاولانى ليا كان مباشرة من الشركة قسط على الفيات 132
والغاز التانى كان مستعمل للانوس 2002
وبصراحة المستعمل اوفر بكتييرررررررر
وشغال تمام
وعلى فكرة انت لو دورت على غاز مستعمل عند بتوع معارض السيارات المستعملة هتلاقى زى الرز
دة فى حالة لو قريبك اللى انت ذكرتة لم يوفى معك
بالنسبة للسؤال الاول
الغاز الطبيعى بيكون فى مواسير تحت الارض فى غالبية المحطات (85%) على الاقل
وبيتجمع فى المحطة فى مجموعة اسطوانات كبيرة وبعد كدة فية كمبروسور كبير بيعيد ضخ الغاز اللى متجمع فى الاسطوانات دى لخرطوم الشحن اللى بيركب فى عربيتك
عشان كدة اى محطة غاز تدخل عشان تشحن غالبية الوقت بتسمع صوت الكمبروسور دة
بالنسبة للسؤال التانى
اعتقدان عربتك ممكن يركب لها الغاز الجديد (الدائرة المفتوحة) ودة بيديك قوة بنزين 95 فى المحرك
بس عشان ابقى صادق معاك ومفتيش اسأل فى اقرب فرع (غاز تك محطات التموين والتحويل)
لان المهندس اللى ركبلى الغاز كان شرحلى الموضوع دة باستفاضة وان فية نظامين فى الغاز (الدائرة المفتوحة والدائرة المقفولة) ودى بترجع لنظام حقن الوقود فى المحرك عندك فانا مش فاكرهم بالضبط ولا فاكر التفاصيل الفنية اللى كان قالى عليهم
فاسأل زى ماقلت لك قبل ماتركب
السؤال مش هيخسرك حاجة
بسم الله الرحمن الرحيم
طيب يا باشا
لو الغاز دة بدون ورق ذى محضرتك بتقول انه مجود فى معارض السيارات ؟؟
يبقى اية الحل !!!!
و هل بيكون فى اى حاجة تخص المرور عندى الفحص ولاا حاجة ؟؟؟؟
معلش اسئالتى كتير لان الموضوع جديد عليا لسة
لو الغاز بدون ورق يبقى لا تشترية لان الشركة 90% مش هترضى تركبة
مفيش اى حاجة قابلتنى وانا بفحص وبرخص بخصوص الغاز ايام ما كان معايا الفيات132 لان كان معايا ورقة التعاقد بتاع الشركة
صدقنى الغاز المستعمل متوفر زى الرز فى معارض السيارات المستعملة لأن انا يوم ما اشتريت الغاز اللى معايا لفيت على المعارض عندنا ولقيت 7 غاز وكان فى اسعار متفاوتة وكان فى غاز بورق وغاز بدون ورق واللى اشتريتة كان رقم 8 فى السؤال فى المعارض
نصيحة اخ لو انت قدامك غاز مستعمل بدون ورق وعشان كدة سعرة لقطة وانت (مسترخصة) اوعى تشترية عشان كدة انت هتلبس فى الحيطة لان الشركة مش هترضى تركبة وبالتالى هتبدا انت تدور على اى (بلية) يركب لك الغاز ودى هتبقى المصيبة
اللهم بلغت اللهم فاشهد
بسم الله الرحمن الرحيم
بصراحة اللى متفق معايا مهندس من شركة الغاز
و هو اللى هيجبهولى و يركبهولى و قالى ضمان منه ليا سنة
و هو معرفة واحد صاحبي و انا شفته قبل كدة من شهر تقريبا كان بيحول لعربية لانوس
و طبعا الكلام دة كله برة الشركة
فاية رائيك ؟؟؟؟؟؟؟
هو موفر جداً فعلاً .. بس غالى اوى تركيبه فى الاول ..
كل ده مش مهم .. لكن الاهم انك هتكون ماشى بقنبلة فى الشنطة ..
لو واحد غشيم دخل فى العربية من ورا بقوة حضرتك مش متخيل اللى هيحصل ساعتها من اسطوانة الغاز اللى فى شنطة العربية ..
و ربنا يسترها علينا جميعاً ..
بالنسبة لموضوع انة غالى فى تركيبة فى الاول فأنا هأستئذنك ترجع للمشاركة اللى انا عملتها فى صفحة رقم 2 فى الموضوع والخاصة بالحسبة المالية لموضوع الغاز وانت تعرف انا بتكلم فى اية
اما بالنسبة لموضوع القنبلة انا هلتمس العذر ليك فى هذا التخيل لان اى شخص عادى ممكن يتخيلة
ولكن ما لا تعلمة يا اخى الفاضل ان هذة الاسطوانة (ضد الرصاص) من الاخر يعنى
بسم الله الرحمن الرحيم
معلش سوال كمان من الاسئلة
اللانوس عاملة اية مع التكيف و التسيف ( الكركرة ) و السحب .
بعد اذنكم كنت عايز اعرف اوبل فيكترا مو 1994 2000 سيسي هيكون نظامها ايه من حيث السحب و الاستهلاك بتاع البنزين
اولا انا بمشى غاز او بنزين 92 ودة لانى بفول مرة واحدة فى شهر ونصف (لأن بداية الدوارة فى كل مرة بتكون بنزين وبعد كدة بتقلب غاز اتوماتيك لما الار بى ام يوصل 3)
على قد فهمى انت قصدك من كلمة (التسييف والكركرة) هو التنتيش فى العربية على بنزين 80
لو صح زى ما انا فهمت فانا عايز اقولك انى جربت بنزين 80 اسبوعين فقط وقرفنى اخر قرف والعربية كانت زفت فى السحب والتسارع وبعدها حرمت احط بنزين 80
وبالنسبة لموضوع التكييف والسحب انا تقريبا بشغل التكييف فى 75% من كل مشاويرى صيف او شتا وتقريبا مفيش فرق يذكر بين الغاز او البنزين
كان عندي سؤال هو في اي تأثير لو اوتوماتيك مش مانوال و لا لا
شكرا لردك يا كبير بس انت 132 كانت 2000 سيسي ولا 1600 سيسي و كان انجكشن و لا لا ولو في الاوتوماتيك هيفرق حاجة و لا لا
شكرا ليك يا باشا
فى العربية الاتوماتيك هيفرق من العربية المانول ......
لان والدى معاه النترا 2006 اوتوماتيك ومركب غاز بقالة من 4 الى 5 سنين وانا كنت بسوقها وبسافر بيها ولما ركبت عاربية لانوس بتاعة واحد صحبى كان فى فرق كبير اوى فى الاستهلاك ...:tumb:
بمعنى ان انا من السويس كنت باخد العربية الاوتو افولها تمام ب 5 جنية واطلع على الطريق مصر اول لما اطلع على الدائرى قبل اول نفق اتجاه المعادى
يقوم هوب الغاز يشطب:fun_36_3_4[1]: بس الكلام دة اوقات لما ببقى مشغل تكيف وبجرى لكن المعتاد ممكن يدخلنى العاشر مدينة نصر ..
نجيى للمانول العربية افولها من السويس واقضى بيها كام مشوار قبل ماسفر واطلع الطريق مصر بسم الله ماشاء الله توصلنى المعادى مستريح
وكمان ممكن اقضى كام مشوار هناك :tumb:وبعدين اخش افول من اقرب محطة :049:..... وهذا هو الفرق من خلال تجربتى فى المانول والاتوماتيك ....