الموضوع: بخصوص عزل ميجان أستشير يا أصدقاء

المشاركة الأصلية كتبت بواسطة ahmed a.maksoud

العزل ده موضوع كبير خصوصاً لو عزل حرارة علشان لو مش نوعية فوق الممتازة هيفك بسرعة

اللي بين الحوض و التابلوه من بره العربية عندنا مش وحش.......بس نتيجة الحرارة و مع مرور الوقت بيفك و ده طبيعي الى حد ما

اللي بين التابلوه و الحوض من جوة هو اللي مش تمام بالقدر الكافي و محتاج شغل كتير

الأرضية مفيهاش مشاكل

الأبواب كويسة لحد ما الكاوتش يبتدي يبقى طري و يفك من مكانه و ده ممكن التغلب عليها باللزق بس مش عملي او بالتقريط عليه ببنسه

فيه نوع عزل معروف بس غالي قوي اسمه dynamat لو حد مهتم يشوفه

و اعتقد فيه فوم عازل للحرارة بس معنديش معلومات عنه

العزل اللى برا دا ممكن نشوفله صرفة ممكن نلزقه بأى حاجة تانى مكانه زى سيليكون حرارى مثلا

عزل التابلوه من جوا احنا هنبقى محتاجين طبقة عازلة تكون سمكها مش كبير وفى نفس الوقت كفاءتها عالية (عزل صوت مش مش مهم يكون عازل حرارة )

خلاص بالنسبة للأرضية نصرف نظر عنها لأن هيبقى فيها شغل جامد قوى تقريبا هنفك كل حاجة من جوا فى العربية ما عدا التابلوه والسقف وهنفك أجزاء من التابلوه كمان !

قصد حضرتك إيه بالنسبة لكاوتش الأبواب ؟ الكاوتش الجلد اللى بين الأبواب وبين جسم العربية ؟


بس مقلتش رأيك فى حكاية عزل الكبوت وتركيب غطاء الموتور اللى مبينزلش فى عربيات 2007 الغطاء الفضى ؟؟ متهيقلى دول هيبقى ليهم دور كبير فى عزل صوت الموتور برضه

بجانب تربيط العفشة طبعا ومراجعة حالة شداد الموتور وقاعدة الموتور والفتيس