الموضوع: أدى أخرة تدليل الأطفال والمراهقين وتركهم ليعبثوا بعجلة القيادة !!!

لا حول ولا قوة إلا بالله
بالأمس عيال سايقه موتوسيكلات صينى عملوا حادث مميت ... طبعا كل واحد شايل وراه اصحابه فى منظر مقرف كلنا بنشوفه يومياً فى كل مكان ... وتصادم الموتوسيكلين مع بعض الوش فى الوش على سرعات كبيرة جداً .. شهود العيان بيقولوا انهم سمعوا صوت انفجار قنبلة مدوى بسبب التصادم وتخيلوا ان قنبلة انفجرت ... واحد توفى فى الحال والباقى فى المستشفى اصابات خطيرة

المشاركة الأصلية كتبت بواسطة dr.mostafa anwar

حضرتك عندنا في القصر العيني قسم شهير جدا لحوادث الموتوسيكلات فقط .. مآسي ومعظمهم لا يقف على رجليه مرة أخرى وكثير منهم يموت خلال أيام بعد الحادث ...

الصراحة اللي سمح للموتوسيكلات الصيني تنتشر وتدخل البلد بالشكل ده والمسؤولين عن منح رخص قيادة الموتوسيكلات المفروض يتعدموا في ميدان عام

لا حول ولا قوة إلا بالله
ياريته ماشى برخصه وبنمر
90% منهم بدون نمر
والعيال اللى سايقه موصلتش لسه للسن القانونى لإستخراج الرخص
والعيب مش على المسؤلين فى الدولة والداخلية والمرور لوحدهم
العيب الأكبر على اهاليهم اللى اشترولهم موتوسيكل وسمحوا لأولادهم يلعبوا بيه فى الشوارع
ويعرضوا حياتهم وحياة غيرهم للخطر