اقتباس المشاركة الأصلية كتبت بواسطة ams مشاهدة المشاركة
هو ده اساس المشكله
فيها ايه يعنى لما نغلط و نبقى عارفين ان احنا غلطانين نتعاقب , لااااااااأ نحاول الهرب من العقاب
وليه ؟؟!!
هو مش كل انسان بيغلط ؟؟؟
اللى يغلط يتعاقب بس ببساطة:Angel_anim:
لكن عند العقاب كل واحد بيبقى مش عاوز يتعاقب و يبدا يطلع الثالوث الشهير السلطه و المال و النفوذ
طب وبعدين
كده هتبقى غابه (اذا ماكانتش لسه وصلت للمرحله دى) و لو بقت غابه ايه اللى يضمنلك انك مهما كنت متبقاش الفريسه الجايه ايه اللى يضمنلك انك دايما هتبقى فى موقع الاقوى (المفترىs:p)
طبعا هنقول اشمعنى انا اللى هلتزم ما كل الناس بتخالف ؟
اولا انت هو انت اللى تقرر انت عاوز تعمل ايه و عاوز تعمله ازاى
ثانيا مين هم كل الناس دول ما هم انا و انت و اصحابنا و قرايبنا
يعنى مثلا تحرص فى اى عربية تركبها انها تكون على قد ما تقدر مفيهاش مخالفة للقوانين عشانك انت و امنك وصحتك
هنيجى نقول القوانين دى حطاها الحكومة علشان اللى احنا عارفينه كلنا
ماشى بس على الاقل فيها منطق و لما نمشى عليها هتكون ءامن لينا
صح الكلام ولا انا بخرف؟


لما ادفعلى الف جنيه عشان نسيت رخصتي فى اى حتة يبقي استحق عقاب؟

القوانين نفسها فى مصر مش بتتسن غير لفرد الدراع و لم فلوس باى شكل من الاشكال و اخر حاجة بيفكرو فيها هي حماية المواطن

حتى القوانين نفسها تحس واحد بيتفنن ازاى يقلب الشعب المصرى . و احنا اكتر شعب اتفرض عليه قوانين و لسه هيتفرض و برضه ساكتين !
بجد انا مش فاهمة عاوزين يعملو فينا ايه تانى

بنزين و غلوه شقق و اسعارها بقت نار حتى الجواز هيعملوو فحوصات و قرف و هيعقدوا الدنيا على الشباب اكتر ما هى متعقدة

ولو فعلا الواحد كان حس ان فى عدل فى تطبيق القوانين انا و غير كمان هيبقو اول ناس هيقفوا لما يغلطوا لكن مدام الناس كلها بداية من اكبر واحد فى البلد لاصغر واحد بيشوفلو امين شرطة بيلجأو للاساليب دي يبقي مقدرش لاى شكل من الاشكال انى ارضي انى يطبق عليه قانون و غيري لسه دايس عليه !
و حتى لو سلمنا للامر الواقع و افترضنا اننا مظلومين كلنا و القوانين دي محطوطة قوة و اقتدار يبقي ساوى بيني و بين غيري فى الظلم
زي ما بيتقال المساواة فى الظلم عدل