الموضوع: كشف كمبيوتر لاوبل كورسا 99

السلام عليكم
انا لسه شارى عربية اوبل كورسا 99 من 4 ايام تقريباً
وعملت السيرفس بتاعها كامل الحمدلله بس من غير جنزير الكاتينة (وانا بشتريته الراجل قالى مش هتحتاجه وروحت للميكانيكى قالى رجعه لأن لو الجنزير فيه مشكلة بيعمل صوت شخشخة بس مش بيقطع).
وانا بجرب العربية قبل ما اشتيرها كان فى رجة فى الموتور وبيعمل رعشة فى طلعة العربية فى الاول وفى التانى لو طالع من مطب مثلاً ،قلت غالباً كرسى من كراسى الموتور، وانا بعمل السيرفس فى عفشجى جمب الميكانيكى خليته يغيرلى التيل الأمامى وبص على الكراسى كلها قالى تمام وكلها كويسة والرجة دى ممكن تكون من الشكمان ، روحت لواحد بتاع شكمانات بص على الشكمان وقالى زى الفل بس محتاج تغير الياى بتاعه وغيرته ولسه الرجة زى ماهى.
قلت اكشف على العربية كمبيوتر جايز يظهر العيب فين ،، بكلم مركز خدمة مقار أخوان قالى الكشف بيعمل 400 جنيه
كتير اوى الصراحة ،، لما أكشف بس ب400 جنيه اومال هيصلحلى العربية بكام ؟!!
ياريت لو حد يعرف مكان اقدر اكشف فيه كمبيوتر ولو فى مشكلة أقدر اصلحها عنده بس يكون سعر الكشف حنين ياريت يقولى ،، مع العلم انا من المنصورة فلو فى عنوان فى القاهرة مثلا ياريت العنوان يكون واضح علشان اوصله بسهولة
اسف على الاطالة.

اولا مبروك عليك العربيه الجديده ، ثانيا موضوع الرعشه ال علي الغيار الثاني وانت بتاخد مطب ده مش هايروح و ده مش عيب في العربيه ، هو بس عشان الموتور ده 3 سلندر ، فا لازم تاخد المطب علي الاول ، انا كانت عربيتي كده قبل ما اغير الموتور ، وطالما لمبة الاعطال مانورتش ليه تكشف عليها بالكمبيوتر ؟