أعوذ بالله من الشيطان الرجيم
رقم العضوية : 3891
تاريخ التسجيل : 29Dec2007
المشاركات : 3,655
النوع : انثى
الاقامة : القاهرة
السيارة: لا يوجد
السيارة[2]: Daihatsu Sirion GLX 2008
الحالة :
حكاية كل سنة.. دخول رمضان و محاولة إستعداد الناس إيمانيا لرمضان و تذكير بعضهم و أنفسهم بالذكر و الطاعات.. ييجي إبليس طبعا مش عاجبه.. يقوم يشعلل خناقات و خلافات و يكبر حاجات في دماغ ناس عشان يهاجموا بعض و ما يسكتوش و يتخانقوا وينشغلوا بالخناق عن الاستعداد لرمضان.
ده اللي انا وصلت له بعد حوالي 7 سنوات في المنتديات.. كل سنة ده بيحصل بالحرف.. في الأول ما كنتش باخد في بالي.. انما سنة ورا سنة و بالرجوع لتاريخ الخناقات الكبيرة اللي كانت بتحصل في المنتدى (منتدى تاني بقالي فيه 6 سنين مش نايل موتورز يعني) بالاقي ان تواريخ معظم الخلافات الشديدة يرجع لشهر شعبان.. صدقا والله مش مبالغة، لأ وكمان في محيط اللي اعرفهم بلاقي سوء التفاهم و الخلافات بين الأزواج كمان بتكتير اوي في الوقت ده.. خصوصا بالنسبة للناس اللي فارق معهم دخول شعبان و قرب حلول شهر رمضان.
بس أرجع و أقول مش بالضرورة هو ده السبب الرئيسي للخلافات.. بالتأكيد فيه أسباب تانية و كل حد على خلاف مع حد تاني ربما كانت له أسبابه الوجيهة للخلاف.. بس محتاجين نفطن لحاجة زي دي و ان ممكن يكون وسوسات الشيطان بتوجه ردود أفعالنا اتجاه تاني ممكن ما نكونش من اللي بيتجهوا له لو مش واقعين تحت وسوسة الشيطان.
انا مش باقول اننا واقعين تماما تحت سيطرة الشيطان و بنمشي مسلوبي الإرادة.. احنا بالتأكيد أقوى منه و الله سبحانه و تعالي يقول "إن كيد الشيطان كان ضعيفا".. انما برضه ماننساش اننا بنتعامل مع عدو مافيش وراه غير إثارة العداوة و البغضاء بين المؤمنين و إبعادهم عن الطاعات و واخد عهد على نفسه بكده قدام ربنا.. يعني الشغلانة اللي هو مكرس نفسه ليها دي فول تايم.. ما بيشتغلش شغلانة تانية بعد الظهر مثلا.. ده احنا شغلته و متفرغ لنا تماما
محتاجين بس ناخد بالنا و ما ننساقش ورا انفعالاتنا و نقول في الوقت الصح: أعوذ بالله من الشيطان الرجيم و نستشعر قوتها و نستشعر اوي احنا بنستعيذ بمين.. بنستعيذ بالله جل و علا.. ساعتها هانحس أوي أد ايه الشيطان ده ضعيف أوي قدام استعاذتنا بالله.. و كل سنة و انتوا طيبين
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
أعوذ بالله من الشيطان الرجيم
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 530
تاريخ التسجيل : 08May2007
المشاركات : 3,300
النوع : ذكر
الاقامة : alexandria
السيارة: nissan
السيارة[2]: بيجو 406
دراجة بخارية: مالها
الحالة :
أعوذ بالله من الشيطان الرجيم
بس أنا أعتقد إن السبب هو الحر
لأن الشيطان شغال طول السنه ما عدا شهر رمضان لأن الشياطين تسلسل فى رمضان
وساعات تانيه بحس إن الشيطان مظلوم معانا وبالمناسبه
مسئول كبيييير جدا كان حليف للشيطان وسأل الشيطان يعمل ايه فى رعيته عايز يبهدلهم فالشيطان نصحه وقال هات ودنك دودودودودودودودودودود
فالمسئول معجبتوش النصيحه وقال للشيطان يا جدع ايه اللى انت بتقوله ده انا عندى فكره تانيه جامده
الشيطان قاله ايه هى الفكره ؟
رد المسئول وقال له هات ودنك ودودودودودودودودودودودو
الشيطان قال للمسئول يا اخى إتق الله
مين اللى يستحمل كل ده
رقم العضوية : 3891
تاريخ التسجيل : 29Dec2007
المشاركات : 3,655
النوع : انثى
الاقامة : القاهرة
السيارة: لا يوجد
السيارة[2]: Daihatsu Sirion GLX 2008
الحالة :
هو ده فعلا وقته اننا نقول كلنا أعوذ بالله من الشيطان الرجيم.
المفضلات