اقتباس المشاركة الأصلية كتبت بواسطة ahmod مشاهدة المشاركة
مع احترامي الشديد للمقولة اللى حضرتك ناقلها لكن اكتر من 90% من الكلام اللى مكتوب فيها ينطبق عليه مثل " اي كلام في اي حته "

حضرتك لا اشتركت في الشركة !! ولا تعرف حد اشترك وكل الكلام مبني على السمع والنقل

واللى شاف غير اللى سمع

وانا هرد على بعض النقاط اللى مكتوبة واللى تدل على انها فعلا اي كلام في اي حتة



الخلاصة اللى عايز يصدق يصدق اللى مش عايز اي حد في الشركة في غنى عن ان اي حد يشترك فيها

لان الارباح سواء ناس اشتركت او ناس ماشتركتش بتتاخد من خلال مشاهدة الاعلان

!! الكلام مش موجه لحضرتك شخصيا الكلام موجه لصاحب المقال واللى كاتبه
طبعا واضح ان حضرتك اشتركت :)
عموما انا اعرف 2 دخلوها وكده انا رديت على اول نقطه :) :)

بالنسبه للي بيسافر من طنطا لدمنهور ده بيعمل ايه ؟؟؟
بيسوق ايه ؟؟؟
بيبيع ايه ؟؟
بيقدم خدمة ايه؟؟؟
ولا حاجه
هو بيسافر دلوقتي عشان يقعد بعدين منغير شغل والفلوس تجيله

طيب ما انا ممكن اسافر اكتر من كده
وابيع خمره
هل التعب ده هيبقى كويس ؟؟؟

اما بالنسبه للحرمانيه
فدار الافتاء افتت بحرمة التسويق الشبكي لشبهات كتير وكمان عشان بتخرج العمله الصعبه لخارج البلد لجهه مجهوله ولما عملوا كده راحوا ناس مشتركين فيها حاصرو علي جمعه لدرجة انه ساب عربيته وروح وممكن تتأكد من الخبر بنفسك

اما بالنسبة لموضوع الاعلان اللي مش ب 50 دولار لأ ب 10 بس
اقوللك
تعالى اكلمك انه ب 5 قشطه ؟؟؟ برضه رقم خزعبلي !!!
ويعني ايه مالكش دعوه الفلوس جايه منين ؟؟؟ هو مش المفروض برضه تتحرى مصدر دخلك ؟؟ غسيل اموال ده يعني ولا ايه ؟؟ !!!!

الاعلان اللي حضرتك بتتكلم عنه في التلفزيون مهما كان عمره ماهيوصل لنفس تكلفة 10 دولار للفرد للاعلان الواحد ابدااااااا واسأل بتوع الدعايه والاعلان !!

وياريت تقوللي غيروا الدومين ليه ؟

بس عشان الاختصار انا هقوللك من الاخر

ربح وفلوس يعني يا اما بتبيع منتج يابتقدم خدمه
انما ايه ادفع 500 دولار واتفرج على اعلانات دي ؟؟ بانهي منطق ؟ مكانش حد غلب
خلاص كل الشركات تقفل ونسوق شبكيا للقضاء على المشكله الاقتصاديه

ممكن تقوللي فين الشركه دي ؟؟ ولا برضه همك انك يجيلك فلوسك بس ؟؟
فين موقعها ؟؟؟ فين المبنى ؟ فين الموظفين ؟؟ فين الخدمه ؟؟؟ ولما هما عايزين حد يشوف اعلانات ليه بيخلوه يدفع فلوس ؟؟؟
ولا انت هتدفع 500 دولار وتفضل تاخد 200 دولار في الشهر مدى الحياه ؟؟ !!!!