اقتباس المشاركة الأصلية كتبت بواسطة Hondawy_2008 مشاهدة المشاركة
موضوع التسويق الشبكي لا هو نصب و لا حرام

ولكنه مثل كل الشركات على أرض الواقع بعضها صادق و بعضها نصاب

كيو نت مستحيل يكون نصب لانه بقاله أكتر من 15 سنة و في أكتر من 100 ألف واحد من مصر و أعرف ناس سابوا شغلهم و اتفرغوله

لكن جلوبال آد مارت اتحكالي لكن معرفش نصب و لا لأ ولكني مقتنعتش بيه و على فكرة أنا غير مقتنع برده بكيو نت بس الحق يقال انه مش نصب

أنا شخصيا بستثمر في شركة فوركس حاليا دخلتها من 3 شهور لكن مش بضارب بنفسي و برده فيها تسويق هرمي و جبت 4 تحتيه لحد دلوقتي و لية عمولة بتدهالي الشركة و ده حقي لأني عملت مجهود و جبت ناس محدش يقولي أنت قاعد و معملتش مجهود

أقسم بالله العظيم أنا حطيت مبلغ كبير من شهر و نص بالظبط من أول فبراير اللي فات و حاليا زاد بنسبة 10 % ودي نتيجة المضاربة في العملات و الدهب و العقارات اللي شركة بتعملها بفلوسي و بتديني نسبتي و بتاخد ربحها نظير ادارة الأموال بتاعتي يعني لا توجد شبهة حرمانية الحمد لله

ده بس عشان أوكد وجهة نظري و أقولكم ان أكيد في شركات نصب و لكن برده في شركات محترمة

تحياتي
الاخ الكريم Hondawy

اسمح لي ببعض دقائق من وقتك

نصيحة لوجه الله تعالي لا اكثر و لا اقل اما ان تقبلها و اما ان تتركها

اخي الكريم
هل عمرك شفت حد سأل واحد اشتغل ( مدرس و لا لاء ) اشتغل ( مهندس و لا لاء ) اشتغل ( طبيب و لا لاء ) اشتغل ( صنايعي و لا لاء ) اشتغل ( سواق و لا لاء ) كل ما سبق هي مهن و اعمال يحتاجها الوطن للنهوض و للتقدم

احيانا تجد مهن فرعية بها خلاف علي ادائها ( مثل الممثل و مثل لاعب الكره و مثل المطرب و ما الي ذلك ) و هي مهن تحتاج ( لمفتي ) لكي يحكم عليها لا لاجتهاداتنا الشخصية

اما وان ظهرت مهن اخري هذه الايام مثل شغل ( الشبكة ) و يتسائل الناس فيما بينهم هل هي حلال ام حرام ( فهذا ايضا شغل افتاء ) يجيب عنه المختصين بالفتوي

و حين تكون هناك تجارب لاعضاء كثيرين جدا تعرضو فيها للنصب و شاهدو ايضا زملاء لهم تعرضو لحالات مشابهة هنا تكون المعضلة الكبري

حضرتك تدخل الموضوع لتؤكد ان الحكاية ليس بها اي نصب ( و انت صادق فيما تقول و نحن نصدقك اقسم لك بالله انا مصدقك ) و لكن انت تري بعينك المحدودة فقط
فأنت لا تعلم ما يخفيه المستقبل للمشروع و للقائمين عليه و هنا الكارثة الحقيقية

فكلام حضرتك و استدلالاتك كلها تصب في ناحية واحدة و هي تجربتك الشخصية معهم ولكنك لست صاحب الشركة فتستطيع ان تضمن الحقوق المرتتبة علي ما يمكن ان يحدث لو حدث نصب

و انت اخي الحبيب لا تستطيع ان تتحمل دعوة بظهر الغيب في جوف الليل من شخص يدخل لهذه التجارة او اللعبة او الشغلانة ( سمها ما شئت ) المهم لو حدث النصب فأنت لا و لن تتحمل دعوته عليك

فبالله عليك ان تترك من يشكك فيها و ان لا تدافع مرة اخري عن اشخاص انت لا تعرفهم و شركات انت لست شريك فيها بل و انت ايضا كل علاقتك بهم هي صفحة علي النت

اخي الكريم انت لا تعرف و لا تضمن في هذه الدنيا الا نفسك فقط

كنت اعرف صديقين لي من اعز اصدقائي و انا داخل علي الاربعين و اعرفهم من ابتدائي يعني من حوالي 30 سنة او اكثر قليلا يعني اخوة لي

واحد منهم استلف فلوس من التاني

الاول قال لي اديله قلت له طبعا يا اخي اديله

التاني لا يجيب عن تليفوناتنا منذ 3 سنوات بعد سنة من اخذ الفلوس يعني بقاله 4 سنين معاه الفلوس كان واخدهم لمدة سنة و مر الان 3 سنوات فوق السنة و لكن لم يرجع الفلوس

فأنت لا تضمن الا نفسك فقط

تحياتي اليك