الموضوع: بامر الله رايح المتخصصون

المشاركة الأصلية كتبت بواسطة hmada9009_99

كلام حضرتك مزبوط جداااا انا اما عملت صيانه ال 60 الف وكنت وقتها العداد 54 الف اشتريت كل قطع غيار صيانه ال 60 الف زي سيور وبلي وشداد وبوجيهات اصلي من منصور التوكيل وكلفتني تقريبا 1800 تقريبا مش فاكر كقطع غيار مع ان كان نفس قطع الغيار بره باقل من كده كتير بس الفكره ان الأصل من التوكيل تركبه وتنسى اما بره في غش تجاري بالهبل اما مجدي موتورز انا عارفه في طنطا بس ياعني مش ثقه اوي انت ممكن تجيب منه لمبه اكصدام فلتر ديسك واسطوانه اما قطع غيار الماتور مافيهاش هزار هي غاليه من التوكيل بس مضمونه 100% بالنسبه للأستاذ صلاح مايزعلش مني انا غرضي من كلامي ده النصيحه وللأفاده علشان نستفيد ونتفادي مشاكل ممكن نقع فيها وربنا يوفقك انت ممكن لو مش متاح انك تجيب كل قطع الغيار اصلي تجيب بس اهم حاجه البلي والشدادات وسير التقسيمه اصلي بس مؤقتا

لا ياباشا زعل ايه انت كتر خيرك بتشارك معانا فى الموضوع وتفيدنا برأيك


بصو ياجماعة والله الواحد لو علية كنت محطش مسمار فى العربية مش اصلى ومكونتش جبت الا الاصلى
بس وانا كنت كدا زمان صحيح مكنتش بروح التوكميل بس كنت بروح اشترى قطع الغيار من التوكيل وبركبها برة عند ميكانيكى عندنا فى المنوفية ودا برضة كان قبل ما تدلونى هنا فى المنتدى على المتخصصون علشان انا دلوقتى مبوديش العربية لحد غيرهم لانهم حافظين العربية
بس انا دلوقتى ماديا ومع غلو اسعار قطع الغيار مقدرش بتاتا اجيب فلتر بنزين تمنة 650 جنية وهيتغير على 40 الف انا فكرت ازاى فى فلتر بنزين تيلاندى ب 150 جنية بيقعد حوالى 15او 20 الف كيلو مش هيحصل حاجة لو جبتة وغيرتة على 20 الف البوجيهات مثلا الرواس بيبيع بوجيهات مش اصلى بجيبها هيا هيا بنفس السيريال ب 50 جنية من مجدى موتورز فلتر الهوا الاصلى ب 210 وبيقعدوة معرفش تقريبا 40 الف مع ان عربيتى لما كانت زيرو غيرتة على 20 الف انا بجيب فلتر يابانى نفس الشكل والمقاس لكن طبعا خامته مختلفة ب 50 جنية وبقعده 10 الاف تيل الفرامل انا كنت اخر مرة جايبة من سنة ب 550 جنية من التوكيل دلوقتى انا بغير الريمسا ب 120 جنية تيل الفرامل الاصلى قعد حوالى 12 الف معايا وكنت شارية من الرواس نفسه الريمسا بيقعد معايا حوالى 15 الف فلتر الزيت انا بجيبة من دايموند ب 60 جنية
فى عند مجدى موتورز فلتر زيت تايلاندى بنفس المواصفات والمقاس وكل حاجة ب 25 جنية ودا لو جبتة بغيرة مع تغيرة الزيت الجديدة مبقعدوش غير مرة واحدة بس
طبعا كلة كوم وسير الكاتينة كوم انا ناوى اجيبه ان شاء الله من التوكيل وهيكون بامر الله من دايموند بس طبعا هجيب طقم الكاتينة كلة
دى الحاجات اللى بغيرها وهغيرها لو حد حابب يستفيد من المعلومة ولو بعمل حاجة غلط حد يفيدنى وياريت منشوهش صورة بعض لحسن انا فى قمة حزنى من اللى حصلى والله