العفو يا باشا :) أنا بعته و حضرتك ممكن توضحه هنا علشان أنا مش عارف بصراحة !!!
جزاك الله خيراً ياباشا ويجعلة بميزان حسناتك يارب
ياشجماعه ده الرابط والكلام للاخ عمرو عشان كان مهتم زيي بالموضوع
رابط البرنامــج الكندي للهجرة
Skilled Worker Online Self-Assessment - Education
انت قافل بابك بنفسك
الاعلام. ..بما فيه من مسلسلات وافلام ارتكب جريمة في حق الشعب المصري..واثر على عقول وقلوب اجيال...فاصبح الانسان لا يعرف الهدف الحقيقي من وجوده في الحياه...ولا يعرف الرجل دوره ولا تعرف المرأه دورها ووظيفتها...وتم صناعة اهداف وهمية واغراءات. ..كل هدفها هدم الاسرة وبالتالي المجتمع والدولة...وللاسف تجد الكثير سقط في هذا الفخ...فأصبحنا في زمان اختلت فيه المعايير والقيم.
ده بقلم واحد من دقيقتين عالفيس خدتهولك كوبي بيست.
حدد هدفك , انت سامع , حدد هدفك , انت فاهم , حدد وجهتك , ما حددتش , اطلع في الصحرا بعيد عن أي مؤثرات واعتكف على نفسك لغاية ما تحدد هدفك , اياك تهتم بالوسائل وانت الغاية عندك مش واضحة.
هتلاقي الاجابة الصحيحة بنفسك هتفلح ,
مستني حد يطبطب عليك ويديهالك , حياة عادية مملة في أحسن الأحوال.
لو صدقت الله لصدقك الله , هو مش عاوز يعذبك , بس انت اللي في ايدك الاختيار,
"أنا عند ظن عبدي بي فليظن عبدي بي ما شاء"
اللي انت بتدور عليه ده أصلا بيدور هو عليك وبيجري وراك يلحقك قبل الموت : ان الرزق والأجل يتسابقان فيسبق الرزق . مش هتموت ناقص أكلة , جنية , دولار , جوازة ....
اذا كنت فاكر الوضع بره أحسن , ولا الهوا, أنا لفيت شرق وغرب , السعادة ده شيء داخلي تماما.
ناس في باكستان عندهم سعادة وراحة لا توجد في أهل نيويورك.
أجساد مملوؤة بالمال والملل تتحرك في أبوظبي وقلوبها متوقفة ,
نفوس مملوؤة بالجد والأمل تطير في مصر وجيوبها مفلسة.
يجب أن أبين لك أنك تبحث عن الشيئين : السعادة والنجاح
أما النجاح فهو مثل أوروبا وأمريكا
وأما السعادة فأي بلد مسلم مملوء سعادة
وأخيرا , توجه الى مركز صيانتك الأصلي لأنه أعلم بمشكلة الجر والدريكسيون اللي عندك
ربنا ييسر لك الخير وييسرك للخير
طيب ايه رايك فى اللى لف بلاد الواق الواق وعايز يرجع مصر بكل اللى فيها دلوقتى
الغربه ممكن تكون فيها فعلا حياه كريمه (موضوع نسبى) ولكن روحك بتفقدها وبتحس انك عباره عن طوبه
ناس كتير هتستغرب الكلام ده ولكن شرحه يطوووووووووووووووووول
مهما قولنا ومهما عيدنا انت مقتنع بفكرة واكيد هتنفذها انا كنت زيك كده بالظبط من 4 سنين وكنت بقول نفس كلامك بس بعد حوالي 3 سنين سفر مليت وبدات افكر في الرجوع متهيالي موضوع السفر ده موضوع نسبي في ناس بترتاح فيه وناس لا يعني انا شفت نماذج كتير في اللي مرتاح ولا يمكن يرجع مصر ودايما يشتم فيها و فيه اللي نفسه يرجع ومش عارف وفي ناس خدت القرار ورجعت عموما الخلاصة الغربة مش سهلة ومش وحشة بس لو تقدر تنمي نفسك في مصر يبقي خليك لو مش قادر ومعلق نفسك بالسفر سافر وجرب وانت اللي هتحكم لان مهما قولنا انت صاحب القرار
شكرا لكم يا جماعه بجد وشاكر لكم مروركم الطيب الكريم
وكل واحد فيكم له وجهة نظر بس لما بيعبر عنها انا مش بلاقي نفسي فيها . حتي سبب الموضوع اللي انا كاتبه يمكن مش مفهوم كويس انا مش عايز ابعد عن البلد دي والعنها واسبها واطفش منها . بالعكس تمام بحب مصر اوي طيب ليه معرفش مع اني والله ما اخدت منها حاجة ولما بيتكلموا عن استثمارات وتنمية و و و بقول عادي انا هينبني ايه منها كله للعايش فيها ومرتاح وبردوا بحبها دا انا حتي لما عرفت موضوع الاقامة غيرت راي نسبياً من الهجرة للأقامة في اي بلد واشتغل فيها واتزوج منها واعيش حياة كريمة مع زوجه واولاد واستقرار تعليم كويس لما اطمح في حاجة اقدر اعملها . مش بقول كده ولا كتبت الموضوع عشان مش عاجبني الزحمة والطرق والتلوث وبعض الهمجية والتراب . كل ده كلام فاضي ومعتقدش حد يسيب بلده عشان كده بالعكس لدي مقدرش استغني عنها بمرها وحلوها اعتقد اني رديت عليكم في المشاركة دي اما بالنسبة اني ابحث وادور واجتهد فا دي مأساه أخري وربنا ييسر الخير للجميع
يمكن مش مكتوبلي اخرج منها حتي لو كل السبل ميسرا ليا وهفضل فيها
جزاكم الله كل خير مقدر مروركم الطيب
ربي يرضي عنكم جميعاً