الموضوع: وزير التموين الان وعلى قناة الحياة : سيتم تطبيق نظام الكروت الذكيه استرشاديا

المشاركة الأصلية كتبت بواسطة y a r i s

الحقيقة الحقيقة انا ليا رأي !
ان سبب المشكلة الرئيسي هيا الموتسيكلات والتكاتيك الي انتشرت كالنار في الهشيم في كافة شوارع مصر ومزالت بتزيد ... هتقولي طب مالعربيات زادت هقولك ... العربية مشورها معروف مفيش حد بياخود العربية بيحرت بيها طول اليوم حتى لو كان شب نازل بيعاكس في جامعة الدول اهو بيعاكس شوية وبيرجع بيتهم مش زي الموتسيكلات والتاكتيك الي ممكن يفول تالت اربع خمس مرات في اليوم ويحرت طول اليوم. .. وعلى سبيل المثال رواتب الديلفري تبداء من ١٨٠٠ جنية اذا المكنه بتاعتوا ... التكاتيك بيوصل دخلو الشهري الى ٣٠٠٠ جنية ويزيد فباي حق ياخدوا بانزين مدعم !!!
اذا كانوا بيكسبوا بسم الله مشاء الله اكتر مني ومنك ؟

@@@@@@@@@@@

هتقولي طيب ايش دخل الموتيسكلات والتكاتيك في موضوعنا ؟

هقولك البانزين كان مدعوم لان ملاك السيارات لايمثلوا اي ضغط على الاستهلاك للدولة ده غير انهم دافعين جمارك شيء وشويات على عربيتهم .... بس لمن ظهرت الموتسيكلا الصيني ( وقول دي مش مشكلة قوي ). بس التكاتيك الي بتلف وتدور ليل نهااااااااار. واصبح في كمية استهلاك مبالغ فيها فالدولة مش قادر تستحمل وبتقول هنرفع الدعم عن اليانزين

العملية عاملة زي انا جالي في الشركة خمسة سته بيشتغلوا عندي فبخلي المشاريب في البريك عادي فري. بس لمن الاقي العدد زاد ووصل لعشرين ولا تلاتين وعمالين يشربوا ويبلبعوو شاي على قهوة على نسكفيه على يانسون عمال على بطال فساعتها بصدر قرار كل واحد مشاريبوا على حسابوا ( فاهمني )

فالسبب الحقيقي للازمة هو التكاتيك والموتسيكلات الي جماركها ملالاليم واستهلاكها ملاييييييييين من البانزين والوقود المدعم ... !!!٠

وجهة نظر محترمة جداً.. حتى لو استهلاكهم قليل بس بالنسبة للأعداد المهولة بيعملوا كمية لا بأس بها.. ده غير انهم اصلاً مش مترخصين.. ده غير البلاوي و الحوادث اللي بتحصل بسببهم !! =/

بس سؤال.. لو عملوا حوار الإسترشاد ده.. هل بردو هايفضلوا على نفس نظام إن الدعم لحد 1400 سي سي بس أو 1600 قبل سنة 90 ولا هايغيروا الحوار الفاشل ده؟؟

و هل الدعم اللي أكيد هيتشال من على ناس أو فئة من ملاك العربيات، هيقابله تخفيضات جمركية؟؟ ولا الناس هتدفع جمارك أد كده، و بنزين أد كده بردو؟؟

يعني انا شخصياً معنديش مانع ادفع بنزين غالي، بس العربية تكون نازلة بسعر طبيعي.. مش مدفوع ضعف سعرها على الأقل جمارك.. ده غير الترخيص و المرور و لو هاتنقل ملكبة و التأمين و الكلام ده كله !!

معنديش مانع إني أدفع بنزين غالي، و حتى لو الجمارك زي ما هيا.. بس أمشي في الشارع محسش إني دخلت الملاهي من كتر المطبات و الحفر و مفصلات الكباري البايظة.. و اقعد أحسس عشان أشوف الطريق.. ده و الله كنت راجعة يوم متأخر من كارفور الصحراوي على طريق الهرم.. هستريا ضحك عشان مش شايفة الطريق.. و كانت باخد الملفات بالإحساس كده !!

انا ليه أدفع جمارك و مصاريف إدارية و بنزين غالي و انا مش متوفرلي أبسط حقوق المرور؟؟