والله عموما ربنا بيقول والمنتدى هنا كاتب نفس الآيه " بسم الله الرحمن الرحيم "
ومايلفظ من قول إلا لديه رقيب عتيد
وانا لا بدور على حد يسامحنى ولا ميسامحنيش لانى اصلا مغلطتش انا بدور على حد يفهم ويقدر الكلام ويوزن التصرفات
وكون انى قلت تجربتى فدا حاجة اتعلمتها هنا فى المنتدى انى لو عرفت حاجة اوفر بيها على زمايلى هنا جنية اقولهم زى ما الناس هنا بتقولى برضة يعنى عندك العضو ديل ودك حودا دول ناس فى قمة الاحترام والادب وبجد بيعاملوك كاخ هما اللى نصحونى اشترى الكاسيت الجديد بتاعى منين وللعلم وفرولى اكتر من 200 جنية
دا اللى اتعلمته هنا فى المنتدى ولو كنت قولت على موضوع المسامير فحضرتك ممكن يحصل معاك نفس الموقف تبقى استفدت من تجربة فلان وفلان وصلاح وعرفت ان المسمار بكذا تشترية او متشتريهوش دى حاجة ترجعلك اما غير مقصود تجريح او محاباة او غيرة وعموما لا انا ولا انت ومحمد حسنين ولا ولادة ولا خالد فى رب عارف انا عملت ايه ومطلع على نيتى وانا بكتب كلامى وفيه رب برضة عارف كل واحد نواياه ايه
اما انا امبارح الناس كتر خيرهم عملولى العربية وكمان بمصنعية معقولة جدا ودا دليل فعلا انهم ناس مؤدبين وعارفين انهم يقدرو الرجالة كويس وعموما اللى حضرتك متعرفوش انى كلمت خالد بعد موضوع المسامير بيومين وقلتلة ان المسامير ب 25 جند فى التوكيل دايموند المسمار بالصامولة وانت بايعلى المسمار بس ب 22 جنية
انا لما بحب اقول حاجة مبتكسفش منها دا حق والحق مبيزعلش حد
ودا حقى وحق غيرى هنا فى المننتدى الناس اللى دلتنى عليهم
وعموما انا عملت العربية وغيرت فلتر البنزيت وربطت عفشة ونضفت الانجكشن ورجلشلى الفرامل وظبت ريست العربية وللاسف تيل الفرامل الريمسا اللى انا جبته طلع بتاع الكريستالة خالد قالى رجعه وهات بتاع البومة واحنا نركبهولك ومفيش مشاكل ولا حاجة الناس لو وحشة مكنوش اشتغلو فى العربية من اساسه ومكنوش قالولى غير التيل وتعالى نغيرهولك يعنى مفيش مشكلة ولا حاجة فيه بس حد بيحاول يوقع الدنيا فى بعضها ومعرفش هيستفيد ايه
المفضلات