قررت تغير الصندوقين لتيوب بازوكا

**aftr** · 24-02-2013 04:38 AM

رئيكم ايه لان حاسس ان اللصبين مش وخدين حقهم فى الصنوقين وهل فى فرق فى البيز لان عشان اسمع بيز بره العربيه لازم انيم الكنبه اللى وره وافتح نص الشباك واه لو فتحت الشنطه البيز بيرمى بعيد جدا هل لو غيرت وجبت تيوب بازوكا هيرمى بعيد ولا فلوس على الفاضى انا فتحت للصندوقين بس لسه ماركبتش بوق

**mous6fa** · 24-02-2013 10:02 AM

حسب معلوماتي المتواضعة إن التيوب عمق البيز فيه أكبر بكتير من البوكس .. ومعظم الناس بتميل تركب الصب مع تيوب

**dr_7ooda** · 24-02-2013 12:31 PM

مش اي تيوب بأي سمك بأي مقاسات ينفع تيوب بازوكه . دي بيبقالها مقاسات وسمك ونوع خشب معين والخشب بيبقي ملفوف تحت ضغط بخاري لكن العموله بتبقي حتت خشب مرصوصه جنب بعضها
اذن التيوب الاصليه مختلفه عن اللي بتتباع جاهزه

وحسب كلامك فانتا عندك صبين يبقي كده هاتحتاج 2 تيوب بازوكه

بس لو سألتني عن رأيي :

الصوت المتكامل احسن من الصوت الغبي وعشان تحقق التكامل ده يبقي لازم تجمع بين البيز الناعم بتاع البوكس والبيز الناشف بتاع البازوكه وبكده يبقي انتا عندك بييز حلو جوه وبره العربيه

وانتا ممكن تضم البوكسين دول في بعض ويبقوا بوكس واحد تركب فيه صب وتجيب تيوب بازوكه وتركب فيه الصب التاني

واتمني اكون افدتك

**aftr** · 24-02-2013 06:35 PM

[QUOTE=dr_7ooda;3874830862]مش اي تيوب بأي سمك بأي مقاسات ينفع تيوب بازوكه . دي بيبقالها مقاسات وسمك ونوع خشب معين والخشب بيبقي ملفوف تحت ضغط بخاري لكن العموله بتبقي حتت خشب مرصوصه جنب بعضها
اذن التيوب الاصليه مختلفه عن اللي بتتباع جاهزه

وحسب كلامك فانتا عندك صبين يبقي كده هاتحتاج 2 تيوب بازوكه

بس لو سألتني عن رأيي :

الصوت المتكامل احسن من الصوت الغبي وعشان تحقق التكامل ده يبقي لازم تجمع بين البيز الناعم بتاع البوكس والبيز الناشف بتاع البازوكه وبكده يبقي انتا عندك بييز حلو جوه وبره العربيه

وانتا ممكن تضم البوكسين دول في بعض ويبقوا بوكس واحد تركب فيه صب وتجيب تيوب بازوكه وتركب فيه الصب التاني

واتمني اكون افدتك[/QUO
فكره جميله وكده اكون وفرت طيب رئيك ايه فى اللى موجود فى التوفيقيه الجاهز عامل 110 هل ده كويس والف شكر على سرعه الرد

**dr_7ooda** · 24-02-2013 10:51 PM

اللي موجود في التوفيقيه ده هوا اقصي حاجه هتلاقيها ما فيش زي الاصلي يا إما تجيب بازوكه استعمال

والبوكس يا ريت تعمله عموله لان مافيش سمك 20 ولا مقاسات الكتالوج واقل مقاس يديك بييز للصب هوا 40 × 40 × 35 سنتي والموجود في التوفيقيه اقل فالصب هايكون مكتوم وممكن يضرب كمان

**aftr** · 25-02-2013 04:00 AM

انا محتاج اعرف حاجه صحبى معاه لانسر وحاطت صب واحد فقط على تيوب بازوكا والصوت رعد من بعيد حتى لو قفل الشنطه بس هو عنده الشنطه اوسع من عندى هل عشان العزل عندى يختلف ولا فى ايه حتى الجى ام عندى اعلى بكتير من اللى عنده وانا حاطت صبتين عنده لو هو جاى من بعيد تسمع صوت البيز جامد انا محتاج اعرف ايه السبب لان بجد قربت اتجنن بردو كان ليه صديق معاه فرنا وكان الصوت عنده تعبان غير وجاب جولف اتفرج على الهبد احسن كتير من الفرنا انا عارف ان اللصب بيحتاج فرى اير لدرجه ان بنيم الكنبه اللى وره عشان البيز ياخد مجاله هل فى طرق تانيه انا هجرب تيوب بازكه واشوف ايه الوضع

**dr_7ooda** · 25-02-2013 03:45 PM

البازوكه طبعا بترمي صوت لبره

ولو هوا عنده جي ام سيمفوني وانتا جي ام ماركه يبقي هوا اجمد والسيمفوني في البييز مالوش زي ابدا

وكل ما قل العزل كل ما زاد البييييييز

والصب بيرمي لجوه العربيه اكتر من البازوكه اللي بترمي بره

**aftr** · 26-02-2013 04:19 AM

المشاركة الأصلية كتبت بواسطة dr_7ooda

البازوكه طبعا بترمي صوت لبره

ولو هوا عنده جي ام سيمفوني وانتا جي ام ماركه يبقي هوا اجمد والسيمفوني في البييز مالوش زي ابدا

وكل ما قل العزل كل ما زاد البييييييز

والصب بيرمي لجوه العربيه اكتر من البازوكه اللي بترمي بره

طيب مفيش حل ان الصب يرمى بره العربيه زى البازوكا
مقسات البوكس عندى 39*27

**seat2066** · 26-02-2013 04:35 AM

مفيش حاجة اسمها صوت الصندوق اقل من البازوكة العكس الصندوق اعلي بكتير انا مركب صندوق والصوت عالي بره وناس اعرفهم عندها بازوكة لما بتسمع الصوت اللي عندي بتفضل فاتحة بؤها ههههه

وبعدين لازم تحط في الحسبان حاجات كتير لازم تشيك عليها وتتاكد منها

اولآ كابل Rca نوعيه اية
طريقة التوصيل بالامبليفير وتعرف انت واخد قد اية مقاومة كام اوم او موصل علي كام اوم
كابلات التوصيل الكهرباء والارضي مقاس كام
نوع الخشب فالصندوق مقاس كام وابعاد الصندوق والعزل وفتحت الصندوق منين
سلك السماعات بتاعت الصب نوعها ومقاس ومتوصله مباشر وله عن طريق كوبري قطعة بتركب فالصندوق

**dr_7ooda** · 26-02-2013 12:52 PM

المشاركة الأصلية كتبت بواسطة aftr

طيب مفيش حل ان الصب يرمى بره العربيه زى البازوكا
مقسات البوكس عندى 39*27

ده مقاس البوكس المقفول وما ينفعش يبقي فيه فتحه vent ولو عندك فيه فتحه يبقي معمول غلط وغالبا هتلاقي الخشب سمكه مش 20

والخشب المفضل في البوكس هوا الحبيبي الاسباني مش mdf

والبوكس اللي فيه فتحه مقاساته هتلاقيها في كتالوج الصب وهوا بيدي معدل ضوضاء db+ وبييز اعلي

الموضوع: قررت تغير الصندوقين لتيوب بازوكا

LinkBack

أدوات الموضوع

عرض

-

-

-

-

المواضيع المتشابهه

بازوكا

بيع بازوكا jbl و جى أم

بازوكا جى بي ال

بازوكا ولا صب

بعد تغير القطعة في الفتيس mmtمفيش تغير نهائي

الكلمات الدلالية لهذا الموضوع

المفضلات

المفضلات

ضوابط المشاركة