الموضوع: صوت خشانة و ضعف في طرمبة بنزين ابيزا

المشاركة الأصلية كتبت بواسطة egman

السلام عليكم ورحمة الله وبركاته

شباب انا وانا بفتح الكونتاكت قبل ما ادور بسمع صوت نحره مش عادية ، اكن فى 10 بيتخانقوا فى العربيه مع بعض صوت كده بالضبط امشي مع الحروف :) عنـنـنـنـنـنـ او صوت البوق بتاع الملاعب ده الزومارة الجامدة الى بتبقى فى الملعب وقت الماتش ده ، والصوت جاى من ورا ، هو كان لما بفتح الكونتاكت الاول ثوانى قبل ما ادور بيكون في صوت بس مش مزعج ابدا زنه بسيطة ناعمه جدا وهادية ، لكن من يويمين بالضبط ده بقى حالها ، لما بجرى بالعربية مش بتكون موجودة ماشي اولانى ولا حاجة او واقف بيبان بس مش بنفس القوه بتاعه فتح الكونتاكت ، انا مش عايز اصدق انها الطرمبة بتاعه البنزين ، هو كل سنة بيبقى فى مواسم لاعطال العربية ولا ايه ، الحمد لله على كل شيء .

طيب انا هعمل نفسي مش واخد بالى يمكن يطلع مش الى جه فى بالى :

دلوقتى الصوت ده ممكن يكوت من اية ؟

ولو الطرمبة هى الى بتعمل الصوت ده ده كده تكون باظت خلاص ولا ممكن انظفها ؟

وفى حالة التغيير تبقى استيراد ولا جديد واية الى بيتغير فيها القلب ولا كلها ؟

اسعار بقى واماكن الحاجات بالمرة يا رجالة واجيب استيراد ولا جديد ، للعنده سابق خبره فى الموضوع ده ؟

تحياتي للجميع ،،

للأسف مفيش حاجة بالأعراض اللى وصفتها غير الغالية (الطرمبة) وتقريبا ده موسم الطرمبات لأنها عملتها معايا يوم الجمعة اللى فاتت
عموما اللى هيفيدنا فى الموضوع ده هو سيد لأنه خبرة فى الطرمبات من كتر اللى عملته معاه

المشاركة الأصلية كتبت بواسطة egman

صباح الفل يا كريم باشا .

انا والله ما عايز اصدق انها هى اول ما حصل الصوت ده وانا بركن العربية واقفه وسمعت الصوت عملت اية ، روحت هازز راسي كده كذا مرة وقلت لا لا مش هى اكيد انا مدوش من زحمة الطريق ههههههههههههه .
بس الصبح بقى كانت بتزمر وانا بفتح الكونتاكت .

قولى طيب يا باشا هى عملت معاك اية بالضبط كده ؟

صباح الفل يابشمهندس

انا كنت ماشى فى امان الله وواقف على مطلع ودايس فرامل عادى جدا وبعيدن بدى الغيار الاول ولسه بقول هوووووب لقيتها بتتلت (يعنى ماشية 3 بوجيه) وعايزة تبطل, سايستها لحد ماطلعت المطلع وبعدين راحت مبطلة, أدور تدور بس مخنوقة وبعدين تبطل, أدور مش عايزة تدور, فتحت الكابوت وبصيت على الكابلات كله تمام, المهم انى لما كنت بحاول أدور مكنتش بسمع صوت زنتها وعملت زيك مش واخد بالى وقولت يمكن سمعى تقل فجأة مع انى شلت الكانبة عشان أتأكد بس برده مش عايز أصدق وفضلت أدور لحد البطارية ما نامت

جبت كهربائى جامد جدا اسمه عبقرينو جاب توصيلة وبص على الكابلات وقالى كده يبقى بنزين

دخل على الطرمبة وبمفك التست على الفيشة بتاعتها لقاها داخلها كهربة بس مش بتزن, قاللى الطرمبة تعيش انت

فكها وقالى هنطلع على الورشة وهفكلك القلب وتجيبلى واحد زيه

بعد مافكها وصل عليها سلكتين وقالى الطرمبة اشتغلت

قالى دى ممكن تكون الشربونة وانا هركبهالك دلوقتى تانى عشان كانت الساعة 1:30 بالليل ومفيش بتوع قطع غيار فاتحين وتعالالى بكرة افكهالك ونغيرها عشان تبقى ماشى مطمن ولو عملت معاك كده تانى اديها خبطتين على دماغها هتشتغل تانى

استنتاجى: التنك عندى كان فاضى والشكمان عامل فيبريشن رهيب فى العربية, أكيد ياكبد امها كانت بتترج جوه التنك خصوصا ان مكانش فيه بنزين حواليها يمتص الاهتزازات دى

بصراحة مش عارف اغيرها وللا اسيبها