السلام عليكم يا احلى اعضاء ..ازيكم ؟ يارب يكون كله تمام

الحمد لله ربنا كرمنى و جبت اوبل فيكترا 97 .. 1600 مانيوال وجيت بيها من المنصوره للقاهره امبارح ..
العربيه كمجمل كويسه جدا بس فى شويه حجات عاوز اسالكم عليها
1- ان شاء الله ناوى اغير على صيانه شامله ياريت تراجعو معايا لو فى حاجه ناقصه ( سيور - فلاتر - بوجيهات - سلوك بوجيهات - تيل ورا و قدام - زيوت )
2- بعد 120 فى رجه فى الدركسيون ( كاوتش و ترصيص ) صح ؟
3 -الدبرياج تقيل حبتين و بيزيأ جامد لما تضغط اوتشيل رجلك .. هل ده طقم دبرياج ؟
4 - الراجل قالى انه مراجع على العفشه وهى فعلا كويسه بس احيانا فى شويه اصوات خفيفه جدا فى المطبات ومش دايما موجوده.. نبص على ايه ؟
5- دواسه البنزين تقيله برده ..وتحس فى اولها حته فاضيه صغيره جدا( خلوص ) لحد ماتبدأ تدوس فعليا .. ده من ايه ؟

هو فى حاجات تعتبر بسيطه و حجات مؤثره بس انا باحب تبقى كل حاجه فى العربيه 100 100 فإيه رأى حضراتكم ؟؟واروح لمين يعمل الحجات دى كلها ؟وتتكلف اد ايه تقريبا ؟
انا من متابعتى للمواضيع شفت ان حضراتكم بتشكرو فى محمد و احمد عبد الراضى .. فهل اتوكل على الله ولا فى ملاحظات ؟

و الف شكر مقدمًا