السلام عليكم و رحمة الله و بركاته

كنت بفكر لو ربنا شاء و رزقنى انى اغير العربيه بتاعتى (سيفيك 2007) على اول السنه الى جايه مثلاً ان شاء الله

طبعاً انتوا عرفين ان اى عربيه فى مصرنا الحبيبه دلوقتى علشان تكون تتطوير عن السيفيك هتبقى مش اقل من 180 الى 190 الف (استرا او سيراتو او اكتافيا او فوكس الخ....)

انا جيه فى دماغى ان بالسعر ده ممكن اشوف بى ام مثلا 316 موديل 2011 كده والا حاجه
بس كنت محتاج منكوا ضرورى بعض الاستفسارات لانى معنديش ادنى خبره فى البى ام , و اسف جداً مقدماً للأطاله, و هحاول اخلى استفساراتى فى شكل اسأله حتى تكون سهلة الرد

1-فى حدود 180 الف و تكون موديل 2011 او 2012 مثلاً يجيبوا 316 والا 318 والا 320؟

2-ايه اشهر المشاكل فى الموديلات ديه الاوتو؟

3-ايه اقل موديل فى المشاكل فيهم و اكثرهم اعتماديه و افبهم تكلفة صيانه؟

4-كنت طول عمرى بسمع من ناس قرايبنا و كده معاهم بى امات ان الفتيس الاوتو بتاعها بعد ال100 الف كيلو بيبقى فيه مشاكل و بيحتاج يتغيير

5-هل هتكون اعتماديه العربيه زى الهوندا من حيث قلة المشاكل مع العلم انى بمشى يوميا مشوار الشغل بتاعى من مدينة نصر الى القريه الذكيه عن طريق الدائرى فكل يوم رايح راجع مش اقل من 100 كيلو

6-مهمه اوى ديه بالنسبالى ان انا من الناس الى بتحب تعمل كل حاجه فى التوكيل و انا عربيتى عامله دلوقتى 126 الف و لسا الحمد لله بعمل كل شىء فى التوكيل, فكنت عاوز اعرف سعر الصيانه الدوريه كام فى البافاريه و سعر القطع الدورية التغيير زى تيل و سيور و بوجيهات و فلاتر و كل حاجه بتغغير دورى

7-ايه اكبر صيانات فى العربيه ديه فى التوكيل (عند كام الف يعنى) و تكلفتهم كام تقريباً؟

8-ايه رأيكوا فى المستعمل الى بيتباع فى التوكيل او عز العرب و هل مضمون والا ممكن يبقى فيه لبس؟

9-هى طنابير العربيه ديه e90 بتحبتاج تغيير كل اد ايه؟ علشان بسمع انهم بيتعبوا بسرعه و هكذا المساعدين و جلب المساعدين؟

اسف تانى جداً على الاطاله و جزاكم الله خيراً على اى افاده منكم لأخوكوا :)