الموضوع: رابطة مالكى استرا ( j )

السلام عليكم وكل عام وانتم بخير، أمس كنت فى طريقي للعين السخنه وقبل ما أدخل طريق السخنه حوالى الساعه 1 ظهرا كانت الحرارة الخارجيه حوالي 35 درجه وهواء ساخن وطبعا من أول ما طلعت من الاسكندريه مشغل التكييف ومحمل 3 أفراد وشنطتين كبار وسرعة متوسط 130 كم /ساعه وقبل ما أدخل املأ بنزين بحوالي نصف ساعه كنت بسال علي عنوان فكنت ماشي ببطء جدا ووقفت كثيرا وسيارة والتكييف شغاليين طبعا ودخلت املأ بنزين وطفيت السيارة حوالي 5 دقائق وعندما دورت كان مؤشر الحراره بعد 90 بشرطة كامله( مع أنني قبل ما اطفي السيارة كان علي 90 بالضبط) وتحركت شويه بدأت تنزل وبعد 3 دقائق رجعت علي حوالي 91 ثم استقرت بعد 3 دقائق أخري علي التسعين ولكن ليس قبلها (89) كعادتت سيارتي( هل هذا تأثير الجو الخارجى )واستمرت علي 90 لحد العين السخنه لاتزيد ولاتقل التكييف شغال وسرعة 140 كم/ساعه (منسوب المياه مضبوط والمراوح تعمل وتفصل طبيعي ولا يوجد أي رساله Error يعني التروموستات تعمل طبيعي والمياه بتتقلب عادي ، اسف علي التطويل عليكم بس ايه رأيكم ؟؟؟ فيه حاجه تقلق أو تكون حاجه اضرت فى هذه المده ، السياره اوبل استرا 2013 سيدان تربو ماشيه قليل جدا 3700 كم والزيت متغير والبنزين 95 اوكتين ، شكرا لكم

المشاركة الأصلية كتبت بواسطة k.ossama

لأمش عيب متكرر.....
فى اى شغل اتعمل فى التابلوه، تغيير فلتر تكييف مثلا...؟

لا خالص العربيه عملت صيانه ال 5000 بس في الصحراوي.
المفروض اعمل ايه؟
شكرا لاهتمامك.

السلام عليكم جميعاً، أشكركم جداً علي الجروب الجميل ده و علي التعاون الرائع في سبيل راحه جميع ملاك هذه السياره الرائعه، أنا كنت بفكر أغير و أشتري أسترا كوزمو ٢٠١٦ ، أنا معايا هيونداي أكسنت ،،، تقريباً بعد تدقيق في الجروب بتاعكم أنا أخدت القرار و إن شاء الله هاجيبها بس عايز أسأل علي أتساع الشنطه و الكنبه الخلفيه هل مريحين في السفر و خاصه بوجود أسره من أربع أفراد؟ و الشنطه بتكفي و لا ضيقه ؟
كمان موضوع الهزه اللي كانت موجوده في ٢٠١٣ و ٢٠١٤ هل إتحلت في الموديلات الجديده و لا لأ؟
أحد أكبر أسباب قراري في التغيير هو عدم الثبات المعروف في الكوري ( عربيه خفيفه) و كذلك غير مريحه و ضيقه في السفر

كمان عايز أسأل الأسترا أحسن و لا الرينو فليوانس ؟
شكراً و أسف علي الإطاله

حد جرب مركز صيانة اسمه أوتو ماستر ؟
أنا باسأل على مستوى العام و الأسعار و توفر قطع الغيار الاصليه.
أفيدونا
مع الشكر