الموضوع: رابطة مالكى استرا ( j )

المشاركة الأصلية كتبت بواسطة karim_mohamed

السلام عليكم
برجاء اللي عارفين اي معلومات عن اوبل استرا 2015 انجوي وياريت اللي معاهم يفيدوني في الاسئلة دية

1- سمعت ان الفتيس فية مشكلة ولكن في ناس قالتي ان المشكلة مش موجودة في ال 2015 انجوي مع العلم ان يقال اني لو حطيت بنزين وحش بحس برجة في الماتور او الفتيس مهو بردو دية حاجة تقلق
2- لو في اي مشاكل متعلقة بالعفشة او الماتور ياريت تقولولي
3- قطع الغيار والصيانة الدورية سمعت انها غالية

بصراحة العربية ال اوبل عربية محترمة مع العلم ان معايا كورسا 2005 ولكن بجد هايلة ومعمرة جداا بس
اخيرا ارجو افادتي هل تستحق سعر ال 183 الف ام لا

شكرا

1- مافيش اى مشاكل فى الفتيس لا فى القديم ولا الجديد.
العربية فعلا حساسة لنظافة البنزين. والرجة بتتحس وانت واقف مع بدء او نهاية الحركة.
2- ايه المشاكل فى العفشة او الموتور اللى انت سمعتها؟
3- قطع الغيار أسعارها زى اللى زيها. تيل الفرامل هو اللى غالى نسبيا.

المشاركة الأصلية كتبت بواسطة vaniip

ناوي اشتري استرا 2016 .. هل فيها اي مشكله ..وبالنسبه للبنزين لازم 95 ولا 92 ينفع

مافيش مشكلة مع 92 إن شاء الله

المشاركة الأصلية كتبت بواسطة kaizzar

يا جماعة انا معايا استرا سيدان ٢٠١٣، و العربية تمام الحمد لله، بس مرة من شهر كدة ابتديت اسمع صوت رجرجة مياه جامد مع المطبات و الفرامل القوية، الصوت مش عالي اوي بس هو باين و الشباك مقفول، الصوت حاسو جاي من ورا عال الشمال كدة، و هتجنن مش عارف من ايه، شلت كل حاجة من شنطة العربية و شلت اي ازايز مياه و بردو بسمع الصوت ،و هو ظهر مرة واحدة كدة و مش عارف ايه السبب ،حد يقدر يفيدني لو سمحتوا

بص على الباب اللى ورا....
فى طبتين (2 طبة) فى كل باب من تحت، فكهم ونزل الماية وبعدين ركبهم تانى.

المشاركة الأصلية كتبت بواسطة kaizzar

شكرا يا دكتور خالد، بس استأذنك توضحلي اكتر شكلها ايه الطبة و افتحها ازاي ، و يا تري ايه سبب ان فيه مياه في الباب ؟

حتلاقى فى الباب من تحت كاوتشتين صغيرين.
الباب بيدخل فيه ماية من الغسيل او من المطر. المفروض ان الكاوتشتين دول يسربوا الماية بس علشان التراب بيتسدوا. شيلهم ونضفهم وركبهم تانى. وبص على باقى الأبواب بالمرة.