الموضوع: رابطة مالكى استرا ( j )

يا شباب ادعولى،،،انا نازل بكره ان شاء الله اشوف السيدان والهاتش واقارن بيهم مقارنه اخيره قبل ما استقر على حاجه فيهم،،،تنصحونى اخد بالى من اى ولا ابص على ايه واركز فى ايه وايه اهم الحاجات اللى اسال عليها،،،،

انا عندي يا جماعه لما اسيب بوابه التكييف مفتوحه مقفلهاش من الزرار بدخل عليا هواء سخن جدا انا كنت بقول ان ده طبيعي في الصيف بس امبارح وانا راجع بليل نفس الحوار لما اسيبها مفتوحه بدخل هواء سخن مع اني مش مشغل السخن اصلا اينعم الهواء ده بيدفي العربيه دلوقتي بس بشم في ريحه غريبه نفس ريحه مكوه البيت لما بتسخن قوي ده طبيعي ولا فيه. مشكله

المشاركة الأصلية كتبت بواسطة karim gamal

انا عندي يا جماعه لما اسيب بوابه التكييف مفتوحه مقفلهاش من الزرار بدخل عليا هواء سخن جدا انا كنت بقول ان ده طبيعي في الصيف بس امبارح وانا راجع بليل نفس الحوار لما اسيبها مفتوحه بدخل هواء سخن مع اني مش مشغل السخن اصلا اينعم الهواء ده بيدفي العربيه دلوقتي بس بشم في ريحه غريبه نفس ريحه مكوه البيت لما بتسخن قوي ده طبيعي ولا فيه. مشكله

عادي جدا لان البوابه لما تكون مفتوحه بتخلي الهوا يدخل من بره العربيه وبيعدي على حراره الموتور اللى هيا من اول 5 دقايق بتوصل ل 90 درجه والريحه الغريبه دي انا معاك فيها بس مش لدرجه مكوه البيت الريحه دي بتشمها بس لما تكون عامل التكييف على 28 مثلا وحتي لو مكنتش مشغل المروحه كده كده هتشم الريحه دي لان الدفايه بتكون اشتغلت

من رأي ان الاسترا وحشه شويه فى موضوع عزل الحراره عن مقصوره الركاب وده عيب انا شايفه غلس شويه ومينفعش يطلع من تحت ايد اوبل حاجه زي كده. لانك لو تلاحظ هتلاقي حراره طالعه من تحت علبه الدريكسيون وده متهيألى بسبب ان كبوت العربيه ضيق ومافيش مساحه فاصله كافيه بين مقصوره الركاب والموتور!!!

العربيه عملت معايا حاجه غريبه جدا وانا ماشي فى الزحمه وبشيل رجلى من على بدال الفرامل ودوست بنزين خفيف لقيت العربيه كركرت وبتعمل صوت كأنها هتبطل !!!! بس مبطلتش وفى الغالب العربيه لما بكون على ال d واحطها على ال r واشيل رجلى من على الفرامل بسرعه لازم تكركر معايا وتصقف مش عارف بقي ده طبيعي ولا ايه وبعدين موضوع ان فى رجه كده فى النقله التانيه او التالته كان فى قواعد ودي بتحصل فى الزحمه غالبا موضوع مزعج جدا وفى حد من الاعضاء قال انها بتختفي بعد 5 الاف كيلو فياريت اعرف سببها ايه اصلا؟؟؟